taktaktak3

序言:
   流星死鬥係一門很講技巧既玩意,早在網際時期已經高手如雲...不過而家唔好話玩得出色,連會玩死鬥的人都已經唔多,有d新手又可能對死鬥有熱誠但沒有提升自己實力的方法~相信好多新手都因為怕係死鬥成為別人包袱或是因為長期在場中太嫩而比人踢,所以冇乜練習同研究死鬥既機會~出呢個post 係希望比多d 想提升自己既新人/中手們可以有呢個機會~
    呢個post 係本人守位妹妹精心炮彈,相信新手們只要熟用其中"補攻"同"救人"等重要死鬥技巧,至少都可以成為一個比別人認同既中手~
    同埋呢個post 只係作為參考之用,真正既打法都係要自己實戰上體會~而且臨場既認變係十分重要的,希望大家唔會一本通書睇到老,老手們如果對我既心得有咩唔滿意,都希望唔好引起罵戰~
   呢個貼會盡量講出我自己對死鬥一d覺得重要既心得,而因為本人中文打字唔係太好,所以會以多d列點方式寫出重點.時間既關係,先假設用既武器係槍同匕首,因為大部分人都主要用呢2隻同埋係死鬥場上比較百搭,當然其他武器,只要用得其所,一樣可以發揮到...

目錄:
A)玩死鬥應有心態

B)開始

C)補攻(新手中手都必讀)

D)救人(新手中手都必讀)

E)走位( 7月25日補充)

F)記血記絕

G)幫助隊友出匕絕

H )匕絕技巧

I)善用話語指令

J)爆氣


A)玩死鬥應有心態:
1.首先,要記住,死鬥就係一個以血換血既遊戲,但係點樣用最少既血去換到敵人最多既血,就係技巧所在了~...以一般死鬥3打3為例,每邊600血, 所以作為一個隊中既個體,應盡量打到敵方200血以上先唔會負支出~

2.自己都要記住一樣野,就係留命好緊要,好多人諗住自己得返幾十血冇乜用就冇心機打送血比人,其實咁就大錯特錯~只要自己仲係拿住武器,都係對敵方多一個威脅,對方就要留意你有冇絕,而且3打3一變左做3打2, 就會好不利~

3.同樣,先殺死送人其中1個都會令自己隊有利,圍攻呢樣野會係下面的補攻講~

4.死鬥開始左出招動作一定要快同直接,因為只要發幾秒白日夢,都可能中了匕絕,或是隊友比人活活圍死左

5.死鬥係一個合作既遊戲,宜智取而唔係同人硬拼...好多人會係死鬥33場上掛住自己同敵人單打而唔記得隊友既安全..最後隊友死光光就換黎3打1既後果....

6.唔好只係抱怨隊友邊d地方同自己夾唔到,而應該諗下自己有咩方法可以做到令大家有默契,可能隊入面根本係自己做得唔好(要知自己做得好唔好好容易,每場留意下自己大約既助攻次數/破絕次數/中絕次數/總扣血量...等就知咩事...我見過有人一場得把匕係到跳a輸左都抱怨隊友)






B)開始:
   而家好多人係每場開始時都唔知點開波,起頭唔係想像中咁難,好多人會依靠匕首作開波,之後用槍跳下a作補招,當然呢個方法冇錯啦,不過我眼見而家太多人過份依靠匕首開波,每場開始都係到等運到,咁點解唔化被動為主動呢?
   當2方有匕首係到跳a 互打之時,作為隊友既自己,其實可以提緊對方空斬出招硬直時機,出其不意打倒對方~都係一個好方法

PS:好多人成日用匕不停空斬,其實可以打多招跳下a,一來扣血,二來隊友進行補攻時間都多d





[ 本帖最後由 taktaktak3 於 2009-7-25 00:33 編輯 ]

taktaktak3

C)補攻(新手中手都必讀):
    a)重點:
1.所謂補攻,簡單黎講就係接住隊友既攻擊,再向敵方補上攻擊,有系統既補攻可以活生生10秒內連死一個200血玩家

2.補攻唔一定要扣得多血(當然扣得血愈多愈好啦),而係盡量令受緊招既敵人無法動彈

3.一般咩招都可以作補攻,簡單一招槍上a 已經可以令對方出現硬直....所以中手們,沒有必要執著係一定要出跳下aa 既~

4.盡量唔好出打飛敵人既招令隊友無法連落去....當然,出唔出係要睇返當時情況係唔係有隊友已經準備接招
-------------------------------------------------------------------------------------------------------------
    b)呢d補攻擊都有佢作用如下(以槍為例):

1)跳下aa----呢招當然係槍補攻好幫手啦,一方面扣血多,而且可以打倒係地上既人,同埋凌空轉時係比較難比匕絕打中既~加上只要作出有系統既配合,一下一下咁連落去,敵方係爆氣/得1個隊友救唔到的

2)上a(+上上a)---呢招既好處係如果出個位好的話,可以一連升高幾個敵人,而自己隊友再無限連落去,不過壞處係自己上上a硬左直長,而且扣得比較少...同時幫隊友放絕很佳

3)下上a上上a----呢招簡單易上手,而且下上a有打倒敵人作用,上上a 幫隊友放絕也很佳~ 最重要係如果手風唔錯,出到颱風既呢招係扣得最甘既~

4)左右a---呢招真係又愛又恨,因為佢可以打到地下,而且攻擊範圍都好大~在敵人右方使出不停解鎖仲可以有3hit 扣27.5血,扣血量仲重過跳下aa全中...不過,呢招硬直時間太長,係敵人放絕好時機...所以亂出會好危險,建議當敵人冇氣時/岩岩開始時先用~

PS1:記住,死鬥場上動作要快,見到敵人倒地就要自己醒水快速補攻落去,咁先可以發揮到多人合作攻擊既威力~坐這山,望那山,一事無成~應盡快把一個敵人擊破

PS2:進攻就係最有效的防守,所以新人們在死鬥場上出招要快,一連既攻勢令敵人難以返身,我見好多新手行幾步防一防,好驚比人打...冇錯,咁樣自己可能唔洗死住,但當自己隊友死晒後,一樣要死..






D)救人(新手中手都必讀):

1.有攻就有守,當自己隊友比人圍攻既時候,有效既救人就係一個重要元素,呢樣野極為重要,都係最難做好既

2.救人一定一定要快而準~因為上面都提過,"有系統既補攻可以活生生10秒內連死一個200血玩家"如果自己呆打空氣幾秒,可以轉身時隊友已死亡

3.首先,救人其實係雙方面既,有救人者同被救者,以下會分為2part 方便明白
--------------------------------------------------------------------------------------------------------------
  a)救人者:

1.救人方法唔洗講,就係出招打對方,令自己隊友可以獲救,但點解大家救人都係出招,救人個效果又唔同呢?呢個問題我自己都研究左好耐~

2.救人其實有個技巧,出咩招唔係重點...打到人都唔係重點...打到邊個先係重點!

3.相信好多人都試過自己好盡力救人,但發現個問題係救黎救去,自己隊友一樣比人連招圍死~呢個問題係好多唔識用劍玩死鬥而要用劍救人既玩家身上特別發現到,以下有個例子:

敵方A用跳下a 打隊友甲-->自己用劍空斬打敵方A(敵方A倒下)-->敵方B用跳下a 打隊友甲-->自己用劍空斬打敵方B(敵方B倒下)-->敵方A已經站了起來用跳下a 打隊友甲--->.....殘忍地連至死.....

以上既救人方法可以說為無效救人,因為方法錯~錯既原因就係太心急唔冷靜而亂咁打人以為救到人

4.真正救人方法係自己攻擊唔係出緊招果位敵人,令佢無法補攻落去,用咩招唔緊要,最緊要令佢有硬直,令自己隊友有時間碌走,當然,如果情況可以既話,打埋出招者更好~
  以上面情況為例(假設只有2個圍攻者):
敵方A用跳下a 打隊友甲-->自己用劍空斬打敵方B(敵方B倒下)-->隊友甲碌走-->成功

PS:如果打錯左目標A,唔洗急,不停向佢連招攻擊令佢無法補攻一樣可以救到隊友


b)被救者:
   好多時,被救者如果唔識碌走,一樣神仙難救..所以,被救者在有機會,就要碌向冇人既地方,同時自己都應該唔好再做主動出招去送血,因為比人圍開既,通常都會成為針對目標,如果自己都唔自愛,救完又送血,救多幾次都總會死...
PS:情況容許下,被救者應該向倒下的敵人進行補攻,最佳的防守就是進攻,只要自己唔淆底,就可把被圍的身份變成圍人

[ 本帖最後由 taktaktak3 於 2009-2-4 17:17 編輯 ]

taktaktak3

E)走位 (09年7月25日更新)
   好多人以為死鬥冇咩技巧,只係不停出招就可以,這樣大錯特錯,死鬥其實同單打一樣都有須要走位的,有效既走位,可以不費1血而出招扣敵人血~
   走位好講實戰既,唔係文字咁容易就形容到,不過我都盡量把自己心得打出黎..

1.要了解自己出果招既攻擊範圍,盡量避免係死鬥場上走入人堆,因為咁同送血比人係冇分別

2.要快速判斷敵人倒下位置,走到一個最佳地方,進行補攻~

3.走位係出颱風/左右a 3 hit 重要動作,所以本人習慣解lock後走位,方便自己走動同轉動視野

PS:當自己比人針對圍攻既時候,走位極為重要,有效既走位可以"拖怪",自己隊友只要追住被圍者出招,就可以化防為攻~有效"拖怪"呢樣野唔係人人都做到,而要識得自己判斷點走,實戰經驗好重要,係呢到唔作詳講了

7.25新加補充:
   因為最近見到好多人雖然做識左補攻等方法,不過仲要差左走位技巧...技術上都係差點...所以加多幾點比大家參考下

4. 記住,每次攻擊完人/比人救完,一定要解lock 走向其他位,因為咁樣可以防止自己隊既分佈得太埋(不論跳下a圍人攻擊完,時間容許都要走位)

5.我見好多新手都有個壞手勢,就係行幾步就停一下防住,倒不如把按防守制改為按跳制,因為當你跳緊果時,人地就算下上a 打中你, 你都會飛離人群埋,令對方難點進行補攻

6.走位應該盡量走到一個人地打唔到你,你又打到人既位置,例如對方出緊上a上上a ,明顯既直線招,你就可以係佢左/右方出下上a黎攻擊,要記住,比人打中左,就有機會比對方隊員進步補攻








F)記血記絕:
    a)所謂記血,其實唔洗太數字化,只要盡量知道敵方邊個敵人血量較少,作出相應小絕/招來殺死就可以了~

1.好多人唔留意對方大約血量,就算敵人只有十多血,都執意用匕絕..咁係很錯的,中到固然好,中唔到就浪費氣,或是幫人加氣

2.要了解每招既扣血量,例如左右a 3 hit,只需7-8下,就可以扣了別人200血
--------------------------------------------------------------------------------------------------------  
  b)記絕係死鬥十分重要一個動作~我會比喻一隊冇人記絕睇絕既隊好似冇左守門員既足球隊咁...打幾多扣幾多都冇用,敵人一下匕絕都扣掉自己80血,如果1串2/1串3的話,扣血量就是160/240 了.....

1.要留意敵方每一人大約比人扣左既血,記住大約打80血左右敵人就會滿氣,到時自己就要小心,或是v23告訴自己隊友小心了

2.我發現好多人係就係知道敵人有絕,但只係v23...咁係冇用既,睇絕唔係完全隊友責任,自己中絕好多時都係自己太貪攻,比破賺敵人放絕

3.當留意著敵人的絕時,請不要分心自己突然走去打其他人,咁樣係比機會人放絕

4.如果可以既話,記埋邊d人已經放左絕冇氣,了解敵人底牌,就是勝利一步






G)幫助隊友出匕絕:
  死鬥係講合作既,當知道隊友有匕絕,就要幫忙,好多中手常犯錯誤係太過個人主意,就算知道隊友有絕都唔當一回事,而且執著使用跳下aa(如果失誤只能使用跳下a打倒敵人情況更壞),令隊友難以打中敵人.
    a)一般長槍用於幫助隊友出匕絕的招:

1.上a上上a ----呢招的上a慢,令放絕的隊友容易跟上~上上a硬直很長,而且令敵人中招動作係升高,所以建議使用,不過要注意出上上a的硬直同樣係敵人放絕好機會,所以要確保周圍冇人有絕先好用

2.下上a上上a---呢招都係用上上a使對方進行硬直,不過不同處係佢的下上a可以打倒周圍敵人,攻守兼備

3.左右下a小絕----呢招個人覺得係要睇返網絡情況的,因為呢招比隊友既中匕絕點得2個,一個係升高果下,一個係中小絕斬果下,升高果下有時會因為lag 而有delay中唔到,斬果下因為令敵人彈開,所以比較冒險的..

4.跳下aa----呢招都係比較冒險的,因為敵人中招動作係彈下彈下,匕絕有時係中唔到,所以唔太建議用作幫隊友出匕絕

5.右左a----呢招我見係vlan已經冇乜人識用,因為比較難配合,要有默契先做得到,右左a可以破防,而且有硬直,不過時間唔係好長,唔建議新手使用




[ 本帖最後由 taktaktak3 於 2009-7-25 00:29 編輯 ]

taktaktak3

H )匕絕技巧:
   匕絕係死鬥場上可以反敗為勝,因為每中一個人,對方就冇左79.5血...中2個就冇左約160血...不過我眼見而家太多人浪費氣亂咁出唔中既匕絕,幫人加氣不特止,仲冇左個扣人血機會....所以我建議狀態差成功出匕絕率低既日子都係乖乖地出槍小絕扣人血吧~
   a)經我觀察,出匕絕既方法其中有以下幾個,以下作詳細分析:

1.轉了匕首,解lock等待機會放絕-----呢個係大部份人都會使用既方法,不過本人唔係咁建議,原因係比晒敵人知自己有絕,人地有晒準備,又點容易有機會放絕呢?如果見到呢個情況係敵方出現,通常大家都會不停v23知道對方有絕吧~(當然唔排除有人冇氣扮有絕轉武,所以記絕係好緊要)

2.匕上a/右a/下a連絕----呢招可能係新手/中手放絕的好方法,因為上a/下a只要中到,連絕就係中硬,不過要記住,敵人唔係傻既,知你咁明顯放絕,有氣既都會立即爆開,冇氣既,佢既隊友都有時間幫到佢,所以用唔用,就睇當時情況係唔係真係咁急住要放絕啦

3.匕cut招出絕----呢招可以係一打幾既時候陰下人,不過因為cut招嚴格黎講都可以話係有點bl招,所以唔太建議(咁當然,要出既話都吹你唔脹既)

4.空中跳到敵人後方解lock+180度轉身+轉匕立即放絕----呢個係我極為常用方法,有一定難道,建議自己開個場不停練習~呢招有佢難道,當然有佢好處,首先,有匕絕到最尾的一刻轉武,唔會比d冇記絕既敵人知自己有絕~而且空中轉武出招係感覺上係快過就咁地上轉武的~敵人冇咁快作反應~....跳遠敵人既好處係就算對方知你有絕,爆氣都爆唔到! 仲有,有時敵人既隊友會為左破絕而跳向你,不過因為距離遠,所以會連佢都中埋絕~~1串2/1串3 又點係想像中咁難呢~~?

PS:第4個方法講就容易,實際係要不停練習,因為實戰上總會有人阻住你放絕,點樣走位,走位功夫少不了,仲要解lock出絕,如果唔小心好容易吉錯位~
------------------------------------------------------------------------------------------------------------
   b)放絕小tips:

1.盡量用匕尖打人,因為咁樣人地就爆都爆唔到

2.出絕時不停按q解lock,呢樣野唔知係真定係心理,我已經慣左,感覺上咁樣出絕就算個位有點偏差,不停解lock會幫你自動修正(太大偏差當然改不到)

3.出匕絕的下上上a要按得快,建議新手們多自己開場不停出多d練習多d,因為出匕絕機會只係好少時間,出得慢就會冇左好多機會,有時睇住自己隊友大好機會一串幾但出唔切就好浪費~




I)善用話語指令
   死鬥合作好重要,所以善用話語,就可以增加默契,我成日見好多人都認為自己高人一班,唔洗用v指令,一樣有默契嬴到當然好,輸左就要怪自己唔識同人合作了~
個人極推薦v26/v27指令,當比人圍緊時不停打,隊友先會作出幫手,因為好多時唔係人唔想救你,而係根本唔知你比人圍緊~





J)爆氣
  爆氣係好多新手/中手犯錯既事,好多人一比人圍就爆氣,其實咁就錯了~一個正常識打既隊,應該信任隊友會救人,而唔係不停爆氣浪費氣,因為好多時胡亂爆氣,會令自己隊友出的匕絕被你破壞...
  a)爆氣的正確使用情況:

1.當自己隊友圍緊敵人,而沒空救自己時,爆氣自救都係必須的

2.沒血又比人連招會死時

3.敵人有匕絕,出了上a/下a來準備向你出絕,用60mp就救到自己80hp,當然要爆吧~

4.敵人放匕絕向自己隊友,而情況唔容許破絕,必要時都要爆開佢,記住,自己隊友中絕,就是扣了自己隊中的血,千萬不要自私唔想用氣唔救人

5.隊友真的無救人能力....呢個情況爆唔爆其實都係等死...

暫時記得呢d打住咁多先~日後有補充/新技巧會再作編輯,歡迎新手提問同討論,希望大家睇完呢個post 後可以有所進步,新手成為中手,中手成為高手~



[ 本帖最後由 taktaktak3 於 2009-2-4 17:27 編輯 ]

Reila

支持,希望多新手花時間了解下

Noise

如果新手們都肯花小小時間看一看人地d說明文,教學文 就會變得好美好

jy02887149

睇晒 　　　

超級火柴

覺得呢隻game好玩既朋友真係要睇下...上面既野  做得哂已經係個高手

維記

推一推～～～～～～～～～～～～～～

風影情劍

不錯, 此教學有望可令更多玩家感受死鬥吸引之處

taktaktak3

推一下讓更多人看見...

纳米能量杯水润活化制水器金镇抗疲劳手链夏娃之秀魔力挺

– 小佩♥

好帖！！

支持下~ [回頭繼續看]

維記

補充,.如果真係想玩死鬥既 唔該順便睇埋d規則

taktaktak3

推返比多d人睇