53 1234
發新話題
打印

███流星詳盡教學███(最希望新手們能睇下各場規則)

[Close]

███流星詳盡教學███(最希望新手們能睇下各場規則)

本人曾活躍於浩方及vlan平台

對流星蝴蝶劍既操作玩法亦都有深入認識

開呢個post既原因主要係因為近日vlan平台維修錯誤關係

令到流星區玩家大量流失

現在vlan已經回復正常,但玩家卻走得七七八八

而且仲發現部份玩家未知道基本既盟主規則,甚至比人踢左仲問"咩事?"

故此本人決定寫一篇關於流星既詳細教學:   [感謝和希,秋月無邊,少年 提供資料]

1.流星基本說明

2.各場及基本"盟主""死鬥""暗殺"規則[附基本死鬥暗殺技巧]

3.各項武器教學[基本用法,實用招式,武器優勢劣勢等]

4.bl篇+禁雙刺篇


駁招/連技呢d基本野就可以在ipve流星區既置頂文章搵到,所以不寫

全部都係原創,絕對唔係copy and paste

係由對該武器擅長既玩家寫出黎,絕對係新手們既最佳良品

我唔希望有人對呢個post有"負面批評"

例如:流星online都就出啦,仲打黎做乜鬼?

     係,但係我知道舊世代既流星蝴蝶劍仍然有佢既特色,新血亦會不斷加入

就算作為新手既你認為自己唔需要睇呢類教學

但係我都希望你可以睇下 2.規則,因為現在既vlan仲

係有大部份玩家係不知規的

十分歡迎有任何"修正"

[ 本帖最後由 高橋海楓 於 2008-8-22 01:21 編輯 ]

TOP

1.流星基本說明
   
如果係接觸過流星蝴蝶劍又沒有主程式既新手們

就可以係以下網址下載完整版既流星蝴蝶劍程式,亦都希望唔好dowload完就走,幫手做種pls

http://www.ipve.com/bbs/viewthread.php?tid=80457&extra=page%3D1

轉自"風影情劍"既"[BT下載] 完整版 流星蝴蝶劍 [08奧運至無限期100%有種無死點]"post

本人下載過,保證能夠暢玩單人模式及區域連線

而區域平台當然係我地偉大既ipve vlan

安裝vlan>登入>角色扮演>進入流星蝴蝶劍區域>開啟流星蝴蝶劍按區域網絡即可享受網上連線

我知道亦有玩家厭完整版既流星蝴蝶劍霸住晒電腦既位

所以可以下載高橋版大發放既優化版本:

http://www.ipve.com/bbs/viewthre ... =%E5%84%AA%E5%8C%96

night亦都有發佈專用既優化模式,佔位大量減小,只係有玩家常玩既"四方陣,威震八方,峰火雷"地圖

並且將不必要既遊戲影像刪除,能夠將遊戲既fps大力提升

*night
流星活躍團隊

*fps
遊戲好重要既一欄,大約係代表進行遊戲既順暢度咁既意思
可以在遊戲中打指令\ fps,從遊戲右上角得知自身電腦既fps數值多少
數值愈大,愈著數,基本上有60以上已經好正常
除了透過night優化流星外,亦都可以雙擊流星蝴蝶劍檔案入面既config,將本身係1024x768視像度既流星調整至640x480甚至更低,fps將會大幅上升[但副作用為遊戲畫質降低]

而night優化版既得到方法就係成為night既會員[需要一定實力!]

希望各新手們努力苦綀

抱歉係到賣左個關子

接下黎就講下遊戲既場主/普通玩家

[ 本帖最後由 lee815 於 2008-8-21 07:12 編輯 ]

TOP

開場既玩家們,我地稱之為"場主" 遊戲入面既no.係1.[遊戲中按tab,可以看到各玩家的no.和狙殺數,死亡數]

無論係老手場主,新手場主又好,都有責任管好自己個場

遇到一些犯場規既玩家[會在下面詳細說明場規],使用外掛既玩家,進行指令栽決

在遊戲中 打\ 就會在左上方出現紅色的指令相關字語

打\,接著空格,再打入指令相關字語,按enter,就可以執行指令


場主專有指令:

\ kill x [x是指該玩家的no. 用伺服器指定死亡]
\ kick x [同上,將該玩家踢出場外]
\ skick x[同上,但能夠拒絕玩家再次進入該房]
-----------------------------------------------------------------------------------------------
而入人場玩既玩家,亦都要守基本規則

例如:

不可用外掛[外掛場除外]
     
不可騷擾對戰中既玩家
   
不可打打下"跳樓死"[意指唔夠打或者唔想打,跳落去會死既地方自殺]

玩家們亦應禮貌地在開打前b1"能否請閣下賜招",b2"領教了".打完後b6"多謝指教"[b是遊戲中開啟快速字句的熱鍵]

玩家進行一對一決戰之後,勝方係可以"跳樓"的,換來下一場200血的公平對決


普通玩家常用指令:
\ weapon x[x是指不同武器的no. 能以此指令即時拿出該武器]
\ quit    [離開遊戲]

詳細的指令說明在"風影情劍"的完整流星版也有,在此就不詳談了.



[ 本帖最後由 lee815 於 2008-8-21 07:11 編輯 ]

TOP

2.各場及基本"盟主""死鬥""暗殺"規則[附基本死鬥暗殺技巧]

當然呢個唔係流星蝴蝶劍程式本身就有既規則

其實係咁多年,玩家們為每個唔同既場,制定既禮貌,公平規則

而大部份vlan既玩家都會在"四方陣""威震八方"峰火雷"活動

盟主:玩家死後,能夠即時番生,多為普通單打場

死鬥:進行22/33/44還更多的組隊決戰[個人認為,唔係亂打咁簡單,係流星極為有技術既一個系統],詳細會再寫

車輪:是指兩隊進行1打1,勝方繼續和敗方隊伍的下一位對戰,直至某一隊伍完全死亡,多為團隊戰

暗殺:兩隊隨機各有一個頭目[腳底有花圖案],雙方對對方頭目進行暗殺,殺死頭目為止勝出,流行於大陸/台灣

-----------------------------------------------------------------------------------------------
威震八方:

多為供於盟主

基本上無咩規則,大小二絕,爆氣,吃屬性治鍊石,氣包都無咩人理

但係設記入左八方既對戰場,千其唔好用moveto走番出去,"係極為可恥無品既行為"

係屬於新手場[可以話係for 1d唔對於技術追求,只在乎即興玩樂的玩家]

*大小二絕,當被人打時,怒氣會增加,當一定氣量,就能使用絕招

*爆氣,為熱鍵[f],能夠迅間將在自己附近的玩家爆開,恢復為正常狀態[不扣敵人血的]

*屬性治鍊石,即是場中綠,紅,深藍,淺藍的石頭,吃下時武器會變為普通,攻擊,移速,防禦[順序]

*氣包,會不斷增加自己怒氣[八方場專有]

*八方內戰場,八方場內有八個小戰場,當有兩名玩家進同一戰場就無法出去

*moveto指令,意指輸入指令進行瞬移

-----------------------------------------------------------------------------------------------
四方陣:         [峰火雷亦都同規]

多為供於盟主,死鬥,車輪

盟主:

正規既盟主四方場都禁雙刺,bl,大小二絕,爆氣,食石,食加攻加防同食包[+hp]


開打前b1,b2,呢d係四方陣既禮貌

*bl係指bug+lag,一d由玩家們認定為bl既招式,一般在四方場都不可以使出,第4篇有詳細說明

例如匕首,a+上上a,以最快速度連接,對慢機玩家係可以做到"屈機"既效果

     槍既跳下a,不斷接跳下a,亦都係可以對慢機玩家做到"屈機"既效果

新手當然都可以入四方陣既場,但希望能遵守上面既規則

在我眼中,四方陣係真真正正比玩家與玩家之間既切磋場地

所以我極為討厭果d自以為外掛很強既玩家入場搞事,就好似聯盟戰隊開外掛團果幾位等

-----------------------------------------------------------------------------------------------

四方死鬥:

係可以用大小二絕,爆氣

但係食石,食包,食加攻加防,跳樓仍然係唔得

而且打左人落街,打人落街果個人,唔該陪葬

禁錘大絕,槍大絕.禁忍刀大小絕.雙刺

去到崖邊時自動收制,番番去場中


補充:                                       by"少年"

如剛入場的玩家,應看清楚該場的混戰是否進行中,

不應隨便加入混戰,不明白就聽場主指示。

一開波亦都等齊人,等大家準備好先b2開打.


死鬥簡介          "和希"補充

死鬥係講求合作既遊戲~要識救人+破絕為基本!其次就要有默契咁集中圍人

另外死鬥仲要有共識咁連住唔好打走圍緊果個玩家!

死鬥主要都係 一邊拎長槍一邊拎匕首~長槍主要係圍人之用而匕主要係開個頭+放絕用~

另外提一提 新玩家注意 你一邊打既時候你會注意到邊個會多血D邊個少血D~如果對方最少血果個

你當然會用小絕盡快 殺左佢先 以免無喇喇 食個大絕! 同埋有陣時有D人好鐘意留氣 我覺得呢樣就唔係太好~

如果你被人圍到無人救 你就自己救自己~留絕等出無機會出既話~你自己執生出小絕算了!

總括而言死鬥最主要係 救人+圍+破絕 同埋 計血約莫知道佢幾血!

-----------------------------------------------------------------------------------------------

四方車輪:

同盟主無咩分別,只係打到一方贏左而已

*順帶一提,台灣及大陸單挑同車輪係唔禁用絕的
-----------------------------------------------------------------------------------------------

暗殺[金華城]

而香港亦都無咩人會開暗殺,本身打算不寫了

但其後"少年"進行補充

暗殺基本規則

1 .禁用雙刺、暗器 (ps:守位暗殺場則可用火槍,但只可用作射掉錘大絕的用途)

2 .禁食隱形衣 (其他 手套,鞋,防甲,香菇,包都可吃)

3 .禁死後重入

4 .禁活屍 / 喪屍 (即是死後用指令/play 來起身)

5 .禁BL (匕首2轉除外,其他照死鬥規則禁用)

6 .混戰開始後,不可再使用指令換武

7 .當其中一方死剩2人時,場主應指令kill他們

8 .跟死鬥一樣,不要胡亂加入混戰,不明白問一問在場的人。

基本技巧

王[腳底有花]:1 .一開始應該先吃 香菇(hp上限+50) ,再食包補血,同伴盡量不要跟王搶香菇= =.....

                     2 .盡量避免參與混戰,考慮帶一支藍珠武器來以防追殺、白珠武器加防等等......

                     3 .王要看時機救人,下面再詳細解釋。  

兵          :因為王一開始時吃了香菇,同伴需要迅速到外搶包
          
              1 .打破瓶子,並守著包待王來吃。(通常是較近基地瓶子)
              
              2 .阻止對方的王吃包。     (吃掉較近敵方基地的)
   
              3 .因為暗殺場不禁範圍、威力大的 錘大和忍大。
請大家盡量互相配合把大絕集中起來,多人一起使用,能做出重創/秒殺等效果。下面詳解。

救人技巧

因為救人時王有一定的危險性,例如是被嘔打或是大絕放血等等

所以王救人要看好時機。例子:

1.同伴屍體的四周都好冷清,救活了都沒人知的場合。

2.在隊友的掩護下救同伴,例如乘隊友發動忍絕、錘絕時,大約有數秒時間可以安全救人。

(在場沒出絕的隊友就上前打中絕的敵人/保護王)

3.隊友想要主動掩護王救人,就打v32『首領請先解救伙伴!!!』。

  當然說了就要好好保護王,大至跟2.一樣,都是用絕招攻勢,忍小絕比較奏效。

4.並不是 不在同一水平的地方就救不到,例如屍體在地面,你在某些屋上都可以救活屋下的屍體。

  隔牆都可以救到人的。

放絕技巧

絕招分開來發動意義不大,多配合一齊發動,是暗殺勝敗的關鍵。

1.一開始混戰時,雙方打成一片,滿氣的同伴應盡量避免再受傷,並說v24

『我要發動大絕了。』讓其他同伴知道有多少人滿氣。等待其他滿氣的同伴一氣發動大絕。

2.第1個發動的是關鍵,第1個絕時機不好,敵方都跑掉/沒吃絕招/卡不著就沒意義。

3.第1個用忍刀小絕為佳,把敵人都定著(小絕就好,因為小絕鎖人的時間比大絕還要久)

   要看人數,定得愈多愈好。其他滿氣的同伴看到敵人都走不了,該是用動錘大/忍大的時候了。
-----------------------------------------------------------------------------------------------

[ 本帖最後由 lee815 於 2008-8-21 15:37 編輯 ]

TOP

3.各項武器教學[基本用法,實用招式,武器優勢劣勢等]



槍可以話係重武之中,較為硬值小,輕型既一支重武

招式平穩,算係新手易上手既一種武器

優點:炒地能力高,直線攻距大係佢既特色,連招攻擊力亦不遜於刀錘

缺點:變化太小,攻擊不夠"闊",有不小招式會甩位[例如極近距離用上a有時會miss]

新手建議連技:上a+上上a+下下上a                 <=上a起手能夠穩定挑起敵人,for捉硬值,高穩定的連技
                     下上a+[上a]+上上a+下下上a       <=下上a的旋轉能進行360度向前攻擊,特定位置更能用上a,挑起再駁,當然直接用上上a較穩定
         
新手戰法    :用a+下a作主攻                     <=硬值細,但不要過份地用,因為a>下a中間是有破綻的
             上a+上上a+下下上a捉硬值
             唔係直線位就用下上a旋轉炒地再駁 <=要注意有些位置,旋轉後不管上a/上上a都是無法挑起
             捉較快回防既硬值可用跳下a+下a     <=槍的得意技之一
             破防可用右左a近身,出其不意,而另外一招下下上a破防可不用
-----------------------------------------------------------------------------------------------

指虎

指虎亦算係輕武既一種,不靠跳a作主攻既佢,靠硬值奇小既a,aa對敵人進行難纏

大多招式都為硬值細,而且比a,aa等招纏住時,很多人都會被打得心煩意亂之下亂攻,最後被打得落花流水

指虎擁有cut招系統,出法為下下a+[eg.上上a,左右a等]<=接招間要快按,會給對手出奇不意的一擊[由其是

下下a cut 上上a,指虎亦都擁有換武系統,出法為左左a,右右a,就會換出你第2把武器,再繼續接招

*cut招多數係用兩招既接駁做出黎,eg,指虎下下a+上上a,下下a果野靜係得個假既影像,實際上係無左果招既實
際攻擊,而下下a既硬值都會無左,變左上上a

指虎好需要純熟既運用同埋變換,功力唔夠既玩家,好易比攻擊力低既指虎玩殘

優點:招式多為硬值細,攻完再攻,對手好難從你招式間找到破綻,破防招式亦非常出色,指槍[換武]優勢

缺點:攻距唔夠闊[直線攻擊],攻距亦都短,好多招都要好近身先出到,招式間連接性低>攻擊力薄弱,好容易比人
一套連招食你30血

新手建議連技:下下a+[跳下a]+下a                  <=要留意,跳下a果下要扑得中比你下下a打到訓低左既人,所以其實係唔穩定的,建議唔好貪心,沖過去下a算
                    下上a+下下a駁招or上上a             <=捉大硬值用
                    左右a/前下a+下a                         <=唔係100%中,要睇對方訓左地之後與自身距離同你出既速度

新手戰法    :用a,aa纏人                                     <=硬值細,令人意亂
      纏人時>下下a比敵人一個出奇不意既撞擊      <=硬值細,可駁招
                >破防,左右上a,上上a                         <=當對手a,aa等煩到死防時,送個破防比佢吧
            
p.s.熟綀cut招後可嘗試用cut招fake人,效果不錯
-----------------------------------------------------------------------------------------------



難用度:★★★★★

優點:係所有武器之中~打人最痛就係鎚!

缺點:攻擊速度最慢亦都係鎚~變化唔多~ 實用招大約得3~4招!

鎚基本上最好以跳A為基本~因為如果亂用招就會係咁俾人狂打!

而基本上我覺得新手唔好用鎚先~因為鎚都係比較難上手!

連招方面大家可以試下 跳A+上A如果中的話可以再連落去~

同埋左右下A既易中技巧係~用果陣背住人地[解q] 左右下A既落點係自己背後~如果咁樣用既話就可以增命中既機會![破防]

感謝"和希"提供

我補充幾隻字:錘是 易學極難精的,要靠自己的經驗,fake招,捉心理,善用錘廣而闊,破防的攻擊

建議連招:上a+上上a+下下a       <=起手極快,安全放血
-----------------------------------------------------------------------------------------------

匕首

匕首係主流武器~大部分人都知

但點解d人會用匕首呢?

好簡單~我要引述我既偶像火雲邪神先生既一句說話

"無堅不破~唯快不破"

匕首跳a ,左a ,右a ,aa 都係好快

跳a : 前方180度攻擊,出招快,硬值細,絕對係用黎主攻既招式>斬低人後接跳上下a/跳下a

左a : 出招快~範圍廣重心低~可以用黎破招~都可以用黎打蹲~

右a : 破防招之中算係快~吾建議-右a接上上a~右a通常都係單出~

aa  : aa係匕首招之中出招快而且最廣既招~如果對手蹲 ,係你身邊跑黎跑去~都可以用aa黎打停對方

跳a用法 : 跳a可以原地跳 後跳 前跳 左跳~

但你可以的話~盡可能利用跳a黎走位~

請記住一句~ "進攻匕首,一定要走"

感謝"秋月無邊"提供

補充一下:匕首除左快之外,硬值亦都小,跳a近乎無硬值,所以亦都有好多人以跳a黎作主攻
         
         建議連招:上a+上上a+a[斬低後]>跳上下a/跳下a  <=安全放血多
         
         另外匕首亦都有類似指虎既cut招系統,效果不錯
-----------------------------------------------------------------------------------------------



速度快~範圍遠~

單a   : 毫無破綻~可打蹲

跳a   :劍打劍不要原地跳~會被反擊 可接下上a上上a

下上a上上a : 跳a後接,就算就咁出 破綻都係極細,劍既得意技

後後a : 可以與 下下上a上上a[破防]

感謝"秋月無邊"提供

補充一下:快係劍既特色,利用劍快既招式[跳a,下上a上上a]去攻細硬值[eg.破劍跳a]

              建議連技:劍跳a+下上a上上a / 跳下a   <=安全穩定
-----------------------------------------------------------------------------------------------

忍刀

基本上有幾種玩法

1.不停AA ,跳A~令人冇還擊之力,打亂對方,令對方亂出招,之後有機可乘

2.a上上a/上A上上A~不停走到對方後面~當你上上a之後~

對方的畫面會有段時間看不到你~你便可以加以適當的下下上a破防

不建議忍刀不停地連招~打不中對手~毫無意義~

例如 aa上a下下上a(對方蹲)上a下上a下下a

全招都打不中對方~沒有任何意義

感謝"秋月無邊"提供

補充一下:忍刀既硬值可以話係極細,而且出完招可以靠下下a,上上a,左左a,右右a等招閃後飄走,想追都追唔到
         建議連技:下a+[下上a+下a]+上下a+上下a  <=放血連技
-----------------------------------------------------------------------------------------------

乾坤刀

乾坤刀呢把武器不輕不重,但係千其唔好小看佢既實力

初始狀態為一隻手渣刀筒,一隻手渣刀,但係可以利用左a[持刀],下下a[收刀/拔刀],右a[原始],交換狀態使用

狀態變換係乾坤刀最強威力,令人混亂,但絕對唔建議新手用[由其係純拔刀]

優點:持刀狀態有cut招系統,而且狀態變換狀態之間硬值減小,並發出意想不到的攻擊

缺點:連技很小,攻擊力亦都很低

新手建議連技:原始狀態>在a,aa之間利用下a+下a [第2hit中左先會對敵人做成硬值效果]做成對方硬值後轉換為收刀狀態並下上a

推薦一招較為難用的連技:持刀狀態>上a>解q>上a[挑身]>解q>下a[刀尖斬中]
----------------------------------------------------------------------------------------------------------------------



難用度:★★★★☆

優點:攻擊闊,起手快,而且打人都幾痛!

缺點:直線攻距比較短,除aa招外大多招式硬值大

新手可以試下AA為基本~因為AA收招比較快~可以睇定D再出招~!其實就要靠自己既心理去打!

例如 跳A或者A完後可以嘗試去陰下人 用上A 同埋可以練好D跳下A[破防]陰人都幾有幫助!

其實大刀同鎚用法差不多~攻擊力都唔曳~同埋刀有招AA既幫助好用好多~

感謝"和希"提供

補充:

aa為主攻,捉硬值和有機會破防一刻連招能給對方十分大傷害

建議連技:上a+左a   <=捉硬值
              下a[破防]+下下a+下下a+上下a <=遠距離破防 傷害大
              跳下a[破防]+上上a+上下a        <=近距離破防 傷害大

[ 本帖最後由 lee815 於 2009-9-22 00:41 編輯 ]

TOP

4.bl禁招篇及禁武雙刺篇
bl是指bug+lag,由遊戲錯誤中產生出來

效果:慢機的玩家可能會對bl既招明明唔中都可以變防唔到,走唔到,硬食

雙刺本身亦都存在同bl相關既問題

而且佢既攻速,連接性太強勁

秋月無邊:火雲邪神"天下武功無堅不破,唯快不破"

所以不建議新手們綀習雙刺

可能你會話,破防咁廢?攻擊力咁弱?但係當深入瞭解流星後,就會推翻自己既說話

所以vlan玩開既正規四方陣係禁bl同雙刺的 設記設記

下列bl表只係比大家作一個參考:

劍:

下上a上上a>下上a上上a     無限連                     <=不斷掃地,令慢機玩家無法彈動,快機亦都未必走得甩

下上a上上a>右a                 無限連                     <=同樣道理

匕首:

上上a>上上a之間按a cut招                               <=稱為"暗影",成功時第2下上上a會無左,得番個紅影係到,接跳攻會變到比平時低

連續跳攻                                                         <=無得走
a上上a                                                            <=不是每個人都擋到a>上上a之間
連轉[上上a>上上a>or更多]                                <=快機的人是出不到的

左a下上a[在左a匕首劃過的一刻已變成下上a]      <=不可思議的一招
             [在左a腳踢出再駁下上a就不是]

左a上上a上下a                                                 <=左a踢倒人後升起再用上下a撞地,慢機玩家逃不開
跳上下a[2hit後]>跳下a                                      <=不是每個人也能避開,1hit則不計

槍:

跳下a>跳下a               無限連                           <=不是每個人都避得開,慢機會狂食
跳下a>上a駁招
跳下a>左右a
跳下a下a>上a駁招
跳下a下a>左右a                                               <=四招原因同上

刀:

aa左a                                                              <=會卡住,唔係人人都避到
a上上a                                                             <=同上
aa上上a                                                           <=同上
上下a>左右上a             無限連                          <=慢機人比人屈到走唔甩,小弟新手時就比人咁屈

忍刀:

下上a>上上a                 無限連                          <=仍係走唔甩

乾坤刀持刀式:

上a>上a>上a                無限連                           <=狂解q挑身 人地係走唔甩的 挑多過兩下=bl

大概係咁,仲有要提一提

純拔刀[乾坤拔刀狀態]同埋純龜錘

雖然無正式名義話係禁,但係大家都知咩料

[ 本帖最後由 lee815 於 2008-12-23 15:47 編輯 ]

TOP

此貼由  葬花  和希  秋月無邊  少年  提供資料及整合 , 並感謝  風影情劍  的流星完整下載點

歡迎轉貼,請註明由香港vlan論壇轉貼

在過一段日子會發放影片教學,敬請期待

各位新手仲有什麼問題的都可以在此貼發問

[ 本帖最後由 lee815 於 2008-8-21 06:57 編輯 ]

TOP

引用:
原帖由 lee815 於 2008-8-21 01:13 發表
雙刺本身亦都存在同bl相關既問題

而且佢既攻速,連接性太強勁

秋月無邊:火雲邪神"天下武功無堅不破,唯快不破"

所以不建議新手們綀習雙刺

可能你會話,破防咁廢?攻擊力咁弱?但係當深入瞭解流星後,就會推翻自己既說話
首先,呢到我絕對同意左先
之後我就想問啦,指虎仲有咩較難/冇咁易掌握ga連招呢?
仲有,點解冇講到有關暗器事宜?

[ 本帖最後由 炎.魔羅 於 2008-8-21 07:29 編輯 ]

TOP

我想問..大6人所講的黃金三連算5算bl?(匕首)
同埋忍刀跳aa...狂用...系5系bl ?

[ 本帖最後由 jy02887149 於 2008-8-21 10:31 編輯 ]

TOP

我覺得指虎都係唔好講出來..
畢竟流星杯禁左指
希望加返句警告..

TOP

流星盃禁指虎咩- __ - ?

TOP

好似係禁指槍,無禁指虎-.-...

TOP

引用:
原帖由 jy02887149 於 2008-8-21 14:01 發表
流星盃禁指虎咩- __ - ?
人地睇錯左姐,唔洗咁驚訝

TOP

引用:
原帖由 炎.魔羅 於 2008-8-21 07:24 發表

首先,呢到我絕對同意左先
之後我就想問啦,指虎仲有咩較難/冇咁易掌握ga連招呢?
仲有,點解冇講到有關暗器事宜?
指虎其實唔係靠連技搵食

基本上   下上a+下下攻+跳下攻+下攻 差不多已經係指虎連招中最去血

亦都無咩話有d什麼高深連招,主要係慢慢磨血
引用:
原帖由 jy02887149 於 2008-8-21 10:29 發表
我想問..大6人所講的黃金三連算5算bl?(匕首)
同埋忍刀跳aa...狂用...系5系bl ?
黃金三連係香港角度黎講唔算bl

跳上下攻[2hit]+跳上下攻+跳下攻
引用:
原帖由 feelgood8z_2 於 2008-8-21 12:02 發表
我覺得指虎都係唔好講出來..
畢竟流星杯禁左指
希望加返句警告..
流劍盃,禁指槍一齊用,並不禁指虎

[ 本帖最後由 lee815 於 2008-8-21 15:38 編輯 ]

TOP

引用:
原帖由 lee815 於 2008-8-21 15:32 發表


指虎其實唔係靠連技搵食

基本上   下上a+下下攻+跳下攻+下攻 差不多已經係指虎連招中最去血

亦都無咩話有d什麼高深連招,主要係慢慢磨血
咁有咩方法可以令跳下攻準確d,我次次都歪晒位
同埋我試過一招 下下攻 前前攻 左右攻 連過呢招3次,之後就未試過連到,想問呢招係bug定lag,定係一齊黎?
同埋有冇d咩時機可以令下上攻易中,因為呢招係咁多招入面比較慢果招,又有得防,所以我都極少用呢招
謝答。

TOP

 53 1234
發新話題