相信各位魔獸嘅老屎忽對而張圖個名都好熟悉，實際內容都不外乎搜集資源、生存、團體作戰etc，所以都唔多介紹。
但家陣2.25版比起以前1.x(i.e. 1.10/1.43)版改左好多嘢，例如以前難度係用天真現實魔幻去分，家陣淨係得難度1、2、3(同隱藏難度4)。
怪/王會因應玩家數量調整數量/強度而一點都繼承左上一代，但唔同嘅地方係遊戲時間限定左喺一個鐘內（以前天真45分鐘；現實個半鐘；魔幻兩個零鐘)，一定會喺五晚內完驚。另外就係有啲夜數嘅小王、第五晚嘅大王係隨機，玩家多咗要考慮嘅情況。另外冇咗以前一咁多系統要諗(ie 飲水、睡眠冇咗), 令玩家可以集中喺思考戰術。最後就係材料、合成物同以前都完全唔同咗，喺下面我會大概講下每件裝／有咩道具係比較重要。
目前遇到嘅王：
難度1：
第三晚：
狼人(重甲，冇乜特別，會跌一件可用無限次嘅回血裝）
第四晚：
藍龍（特性:有混沌傷; 弱點：網、輕甲）
鳥身人妖（弱點：網、輕甲）
熊人部隊（特性：有魔傷; 弱點：重甲)
第五晚：
蜘蛛（特性：會生小蜘蛛；弱點：起寒冰堡壘（即係塔）再放先驅之矛（見下武器合成表）入去，用多重箭清理小蜘蛛、城甲）
甲蟲（特性：晚間魔免，人多時會開範圍控制技（推開身邊嘅人）；弱點：城甲、抗魔藥水）
樹人(特性:日間高速回復; 弱點:城甲)
難度2：
第二晚：(5人或以上)
甲蟲王（特性：遊戲時間0000會隨機生成係一個玩家隔籬，建議遠離建築戰鬥，有群控暈；弱點：中甲）
第三晚：
炎魔（特性：魔法傷害，有魔法技能，且可召喚熔岩魔）
第四晚：
癌細胞（特性：召喚小癌細胞佔用物品欄（類似上一代蛆蟲）並攻擊；弱點：重甲）
森林衛士（特性：隱身，身邊女獵戶會用單體魔法暈技；弱點：中甲）
第五晚
巨魔戰隊（特性：會分三隻出現（斥侯、牧師、戰將）；弱點：先打牧師）
伐木機（特性：位移技、魔傷群攻；弱點：缺強力爆發傷害，飛鋸已經係最高傷、重甲）
被遺忘者（特性：無限攻距；弱點：本體較弱）
勾肥（特性：無視魔免食人落肚、識勾人；弱點：城甲、缺強力爆發傷害）
吸血鬼（特性：強力魔法技能（如範圍禁言+緩速；強力魔法輸出)；弱點：城甲）
難度3：
第三晚：
熊貓人（特性：位移技；弱點：輕甲）
第四晚：
煉金術士(特性:有二段變身; 弱點:輕甲)
第五晚:
閃電之魂(特性：近距離高傷範圍技、無視魔免自動傷害; 弱點: 城甲)
以上第五晚王都有叮叮(魔法護身符)，CD約30秒
武器合成(只講重點裝備)：
初級武器
鼓舞之杖=鹿角(殺鹿獲得, 野怪殺唔會跌)+石頭+石頭：效果: 群體加回血速度加防加攻(魔攻: 對重甲額外傷害)
中和法杖=骨頭+石頭+石頭：效果: 消魔法值、驅散法術效果、攻擊放逐對象有傷害加成 (魔攻: 對重甲額外傷害)
斧頭=木棒+石頭+石頭。 效果: 伐木(不建議)(普通攻擊: 對中甲額外傷害)
單手劍=石頭+石頭+石頭。 效果: 爆擊、後期升級要裝備(英雄攻擊:除城甲外100%傷害, 城甲40%)
木盾=木棒+木棒+木棒。 效果:加攻速、加防
棒槌= 火把+石頭+石頭(城攻:對城甲有額外傷害)
中級武器
荊棘戰棍=鹿角+石頭+石頭。 效果:群傷技能、升級後變強力城攻(普通攻擊: 對中甲額外傷害)
避難之盾=木盾+熊掌+石頭+石頭。 效果:魔抗33%、法杖拎會加血、後期升級用裝備
勇士之盾=木盾+象牙+石頭+石頭。 效果:+10防光環
酋長盾=木盾+鹿角+石頭+石頭。 效果:配合酋長斧有物傷加成
酋長斧= 斧頭+熊掌。 效果:群暈技能(普通攻擊: 對中甲額外傷害)
雙刃劍=熊掌+石頭+石頭 效果:機率暈眩(英雄攻擊:除城甲外100%傷害, 城甲40%)
暴君=木盾+冰霜結晶(見初級合成) 效果:開啟技能後每秒扣血+封技+高攻速
自然法杖=自然結晶+木棒 效果:老樹盤根技能，目標被控制時可施法(魔攻: 對重甲額外傷害)
否決之杖=鹿角+木棒 效果: 範圍禁言, 禁言中無法攻擊、施法。施法者須持續施法(魔攻: 對重甲額外傷害)
靈魂戰斧= 斧頭+鹿角 效果:靈魂鎖鏈分傷(普通攻擊: 對中甲額外傷害)
復活之杖= 熊掌+木棒 效果:直接復活所有死亡隊友
高級武器
醫療之杖=鼓舞法杖+石頭+石頭 效果:治療之風(魔攻: 對重甲額外傷害)
薩滿利爪=熊掌+石頭+石頭 效果: 攻擊時目標減防(英雄攻擊:除城甲外100%傷害, 城甲40%)
先驅之矛=象牙+石頭+石頭 效果: 放寒冰堡壘令其有多重箭效果(穿刺攻擊: 對輕甲有傷害加成)
骸骨盾= 木盾+熊掌+石頭+石頭 效果:配合酋長斧有魔傷加成
獠牙巨盾=木盾+象牙+石頭+石頭 效果:受近攻反傷、嘲諷
終極武器:
警戒之牆=酋長盾+野獸卷軸 效果:魔抗、物傷減免; 受到越多人攻擊越高傷。
金蘋果= 避難盾+骸骨頭 效果:天神下凡, 魔免20秒+回血
巨神之劍= 單手劍+雙刃劍 效果:攻擊時加傷、爆擊、機率暈眩(英雄攻擊:除城甲外100%傷害, 城甲40%)
象牙戰槌(唔肯定係唔係而個名)=荊棘戰棍+象牙 效果: 具戰鼓效果時傷害加成(城攻:對城甲有額外傷害)
鮮血戰斧=靈魂戰斧+吸血藥劑+???(唔記得咗, 圖入面有寫) 效果:攻擊時吸血(普通攻擊: 對中甲額外傷害)
不建議裝備:
輝煌戰斧：效果太單一，只係加攻加防加回血，量又唔多，重冇咗群暈技能。唯一值得用嘅情況係祝福杖配滿斧頭科技嘅輝煌斧, 屆時回復能力特強, 可配獠牙盾瘋狂吸傷。
統治權杖：效果係召喚幾隻熊仔，唔勁，倒不如邪惡轉化把中和杖做石頭合其他杖
祝福杖：效果勁咗，但次數得返6次(鼓舞12次) 若果有足夠自然結晶同鹿角可以考慮升上去。
屠龍:效果係攻擊時附帶火傷, 老實講大家都係用雙刃劍升, 但冇咗暈就冇必要升佢了, 暈代表隻王冇得輸出冇得開技, 係攻守合一嘅效果; 冇暈得傷遲早含
各類弓: 目前未見過五夜王係輕甲之餘又難打, 其他小王/怪仔用多重箭就得, 使乜用弓? 打目前嘅王輸出又低(穿刺對城甲/重甲都係減傷), 又唔似以前有位移裝走佬, 又冇機動性又冇輸出有何用? 難3弓科技升滿+100%攻速, 配熊皮手套應該可以快速清怪。
妖術之杖：個人冇沉默杖咁好用, 始終否決杖唔使破叮就有效果, 妖術杖要配道具破叮。有隊友配合可以出下
道具(非一次性道具會標明, 以外均為一次性道具)
初級道具:
網: 易燃物 (定身, 空怪拖到地面)(非一次性道具)
鐵匠舖: 石頭+石頭+石頭 (科技研發)
遠古祭壇: 自然結晶+石頭+木棒 (復活)
叢林守衛: 骨頭(眼, 可破隱)
冰霜陷阱: 任一類皮+冰+冰 (緩攻速移速)
冰霜結晶: 自然結晶+冰+冰 (君合成材料)
中級道具:
巫醫小屋: 石頭+木棒+木棒(終極武器材料合成)
寒冰堡壘:寒冰岩石+木棒+木棒+木棒 (塔)
戰歌圖騰: 鹿角+木棒+木棒(加攻速加移速、無法疊加)
芝士: 紅蘑菇+肉 (加血上限&防, 防好似加到2就冇得再加)
吸血藥劑: 藍蘑菇+肉 (攻擊吸血, 非法球效果)
刷新藥水: 綠蘑菇+肉 (刷新目前裝備欄所有冷卻)
治療藥水: 神仙草+肉 (回血)
魔免藥水: 冬蟲草+肉 (魔免廿秒)
治療守衛: 神奇草+木棒 (範圍內群體回血, 無法疊加)
修理鎚: 石頭+木棒+木棒 (修補建築物)(非一次性)
高級道具:
恐懼面具:木棒+木棒+木棒 (對王造魔傷, 但佢會加攻速)
戰鼓: 虎皮+木棒+木棒 (群體加攻)
防具:
坦時重甲(對魔攻例外), 搜索時/需要攻速時輕甲; 狼皮合鞋專用、虎皮合手套專用; 難2、3冇乜狼皮建議用鹿皮整住鞋先, 等狼皮再合鞋太低效率
其他:
火把:將木棒掉入火堆(穿刺傷害, 且極近範圍內有魔傷)
建議開波起完火堆就起左先, 方便起火把幫手獵鹿, 因為鹿角係貴重資源。石可以用嚟暈怪/王, 但唔建議用嚟暈怪, 因有機會會碎, 前期獵鹿增加效率就冇計。
難1基本上頭三晚有鼓舞杖都唔會輸, 係打得唔快導致後面唔夠時間搵資源而難打尾王。初級中立怪(樹人、熊人)有鼓舞杖同幾條友就可以殺, 其他睇有咩裝再考慮, 高級中立怪跌嘅嘢嚟講長牙族族長>四腳怪>寒冰之魂。建議裝備:鼓舞杖、醫療杖(同一條友裝晒比較好, 有兩頁物品欄); 象牙戰棍、薩滿利爪、酋長斧, 金蘋果
難2 4人或以下同難1差唔多, 因為4人或以下第三晚先有王; 5人或以上第一晚必須要有中和杖同鼓舞杖, 第二晚必須要有荊棘戰棍, 有熊掌優先合酋長斧, 其次係雙刃劍。中立怪情況同上。建議裝備:鼓舞杖、醫療杖(同一條友裝晒比較好, 有兩頁物品欄); 巨神劍、薩滿利爪、酋長斧、金蘋果。夠多人可以玩埋象牙棍、自然杖、否決杖
因為所有五夜王都有叮, 建議法師帶個網先破叮, 再開相關控制技。酋長斧就冇而個問題
前期鼓舞見有人大概50%~70%血先開會比較省資源
暫時諗到係咁多，有興趣可以加DC gp得閒一齊玩，我自己就平日四、五, 週末六日比較方便玩。圖我唔知點解喺war3個map file入面搵唔到, 入左谷先開畀想玩嘅人down, 順便帶一帶你哋
條link過期會再update。希望有人陪我過難3 QQ
https://discord.gg/8GQy3BKE
[
本帖最後由 白開水 於 2022-7-24 20:01 編輯 ]
