引用:
原帖由 梁穎璇輔手 於 2018-11-28 17:50 發表
拿 首先提返你一點先
我地之前既提案係將大龍既概念加落強王到,得到既加成同LOL都係完全唔同 , 而你既提議係直接加條龍加條大龍落信長度
兩者相信係有分別, 或者一邊應該叫抄襲,一邊叫參考?
相信 ...
歸納返你既內容
第一,你話我既提議係抄LOL,所以唔work
第二,你話毛利肥起,出總問題
第三,你講到打唔過有投降設定
第四,你講到輔手問題
首先,可能太多內容,令你理解得唔係太清楚,
我一直都係強調緊,加龍提升團戰機率,
從而減低單機玩法,至於條龍加幾多數據,出幾多次等等既問題,
呢個係需要地圖組去考慮,前提大家對加龍有共識。
順帶一提,如果加龍呢個concept 令你覺得係抄lol,
咁可以唔加龍,加任何一隻CP都得架,叫小強王,大強王,
其實「龍」只係一個名,個重點係放係 增加團戰率果到,
再提一提你,你提到投降既設定,呢個唔係lol入面既setting?
即係比投降,唔比加「龍」,咁我想問,你抄既準則係咩?
其次,毛利出總問題,個人覺得係清總同打團之間係需要取捨,
呢個係考驗玩家既意識同埋經驗,我可以舉幾個例去答你,但其實無意義。
因為你係為啖氣而爭,我係為信長而論。
例如: 毛20分鐘出左總(假設毛果隊咁順風),出總前如無傷亡,另外果隊,有信長服部森仔本多立宗,信森就可以清三路,其他人可以去偷龍,買望鏡,服拉龍,偷唔偷到睇技術,再講就算無左20分鐘果條龍,唔通咁就會輸?對面出左總但無路推到,即係用1個總去換1條龍,仲要唔知會唔會被偷。 呢啲全部都係未知之數,同時係考驗技術意識既時候。
答你呢個問題,我之所以話無意義,因為有太多組合,而毛開總亦只係一個例子。
重點係,你覺得加龍會令愈強愈強,拉大差距,
呢個觀念係錯。 恰恰加cp有機會改變強弱問題。而呢點係回應你第3個point。
強弱係睇技術,一面倒既情況,無必要討論,因為無意思。
要討論係general 既情況,以64 or 73 贏率為例,即係輸緊1-2條路,起碼仲有1條路贏緊時,
有效既團戰係可以扭轉劣勢,例如得到cp加成。
至於你話強果邊打團贏既機會比弱果邊多,一黎裝備,二黎技術。
呢點係合理,但留意返實際情況,肥起果隊,會唔會真係5個一齊去打會戰呢?
隊友之間既共識同分歧,係難以估計。
但係弱果隊就唔同,點解?因為如果5個都係正常既,而家有cp,殺左可以加成,
弱勢緊喎而家,如果唔係弱智既都會5個去打會戰,令到己方增加優勢。
你亦可能考慮到推塔問題,咁我覺得而家推塔同打cp係意識,同時係取捨,實際情況有好多,好難一概而論,
呢個加cp既好處,令遊戲有新玩法,你唔好講咩保留傳統啦,
好簡單,一開波決定加唔加Cp咪得,
如果唔係,要打指令先出到忍,淨係呢點你都打破傳統啦!
唔理你點兜你都係兜唔到, 點解一開波set 加唔加cp 就破傳統,唔出忍就唔係?
有時真係用腦諗下 先講出口 唔該哂
最後,回應你輔手問題,呢點亦都關傳統時,
傳統定義係以往一直都係咁,
咁以前13.2b 正常打團 係分上下Cp,而cp 既多數係法師,
例如 火神 道三 等等。3主2輔或2主1控2輔,係基本at陣。
但係而家因為遊戲內容改動,令到玩家偏向揀主力cp,因為而家主力改強左。
無錯,玩家玩咩英,你係控制唔到,但係英雄既定位同裝備既改動,直接影響玩家玩咩英。
而家陣容方面係4主1輔 or 5主 為多。另外你講到夾殺問題,正正因為而家連CP都傾向主力,令到夾殺既機率普遍降低,因為主力掛住cp,好小會幫到路,造成左如果另一隊有雙輔的話,而輔手識玩,主力cp果隊多數輸。
重點:我無話咁樣唔好,唔同陣容有唔同打法,都係好事,
我想講既係 呢個改動,已經係改傳統。
所以,你唔好再用傳統為由,傳乜野統呀?都變左啦,傻豬。
改忍、投降,呢兩點你點兜唔係破傳統?
我好歡迎再同你討論呢個問題,
但首先,唔該你諗下自己講野合唔合理,
同埋重點係放係「討論」,唔係借d意諷刺,
好似以為得你係玩左信長好耐,好清楚信長咁,
其實你只不過係一個自以為事,為拗而拗既玩家。
希望你搵到其他地圖組既人參與呢個討論,因為同你討論落去,
最後都係罵戰。 thank you
[
本帖最後由 忘掉了 於 2018-11-28 22:17 編輯 ]