大家好 我係馬雪影再世 亦即係Colour我個ac一直都係vlan出唔到Post/留唔到言
所以無講過野
今次借左霸氣聰個ac出Post (Thanks
)
一直以黎都有好多玩家人想光復信十
不過要做到以前既場面 無論人定錢都無可能一步登天
更莫講話而家既管理員無咩心攪
但係籍著我既人氣同係電競方面既經驗
我想試試水溫 先由小規模既比賽入手 了解一下咩情況
希望大家先放低私人恩怨 一齊比D意見 互相指教一下
到將來有見會係比場場上見面 再一決高下
因為信長現時已經唔再屬於任何一個平台 作者 或者 人
而係一個共享既資源 要成功唔能夠只靠一小眾人
而要大家一齊互相合作 做大個餅佢
無大家出力 信長永遠都復活唔到
今次出Post如標題
係想攪一個信長四角邀請賽
亦即係由我做主辦方 去攪一個邀請賽 會有獎品 獎金
同埋好希望可以打到線下賽 (如果有錢)
參賽方面 今次比賽唔會開放公開報名
只會由我(主辦方) 去邀請隊伍參加
現時05 有實力既人同隊伍(fd) 其實大家都知有邊個
我會主動邀請佢地 當然佢地打唔打係一回事
但我比較希望大家可以幫手搵返某D著名人物回歸 當打一次表演賽
如果大家識既 問一問 佢地有興趣既 叫佢聯絡我
資金方面我會從網站 同埋我個台既Donation
向觀眾 信長既支持者去籌款
所有既支出收入 包括租場 獎品 獎金
都會向外界清楚列明 並唔會收取任何利益
主力籌返黎既資金 都希望用係租場費用到 線上賽係最無意思
希望大家有錢出錢
呢度真係要講清楚
我本人絕對唔會從中收取任何$1既利益
今次攪比賽唔係為左賺錢 亦唔會賺到咩錢
比賽詳情:
日期: 未定 (週末為主)
地圖: 最新版本
比賽模式: 有忍者 有棄保
賽制:
同2018LOL分組賽一樣小組雙循環制 各一次上下軍
最高勝場隊伍為冠軍 如果第一名勝場打和 睇對賽成績
如果都打和 就要打加場一場定勝負
討論問題:
1. 是次比賽應否開啟-ap模式?
2. 資金應該主力用係場租上/獎金獎品上?
3. 如果資金不足, 應否以線上賽形式代替線下賽
4. 信長觀戰者模式可唔可以用黎做直播？ (未試過)
5. 獎金數目？
5. 其他問題討論
希望各位放下恩怨，為今次既事出一分錢/力
積少成多, 50個人每人$100其實已經$5000, 足以應付租金有突
獎品方面, 我儘力去Sponsor
獎金方面, 5個人分其實係無咩意思, 大家唔係職業, 出黎打都唔係為左賺錢
預期加$1000比冠軍隊，我會寧願Cut $1000請人剪片/請人出山
大家亦可以積極討端一下呢方面既問題
最後想大家認清一樣野
Vlan一直以黎都唔係信長官方
佢只係一間有討論區有管理員既
遊戲平台網吧系統
一個連
留唔到言都無人處理到既Forum
信長同信長盃 一直以黎都唔屬於Vlan
而係屬於大家 每一個仲玩緊既人
今次我帶頭出黎攪 如果都攪唔成
基本上要等下年新War3出改版先再有機會
希望大家 互相幫忙 一齊做好塊餅佢
馬雪影再世
字
05-11-2018
