rookiegum

小弟新加入Minecraft（正版）  上網搵左好耐 都唔知點樣可以玩多人係唔係一定要上網搵Server先得? 因為我係game入面 禁多人遊戲係搵唔到的
如果要入Server 係唔係一定要whitelist 先得..?

kwong19

1. 上網搵ser ,搵到對方ip,再係多人遊戲到,打加入ser 果個 ,ip 係果到打入去.

2. 禁多人遊戲揾到的,基本上是lan ser (如果你冇用到第3方插件/程式的話)

3. whitelist 係比唔比佢入去的,由場主設定,要用官方個開ser先有用嫁,基本lan game係唔得的.


基本lan game,冇得用whitelist,係人都入得,一比人搞事就GG (新手唔識,結果有人入來搞事)

基本lan game,冇踢人指令,冇封名,冇得封IP,最好就唔用呢個開場.


官方開ser 程式,可用whitelist,可選擇唔公開ip,有封人/踢人指令. (安全性更係好啦)

但係你部機,唔好太水皮先得,否則可能會lag.


開官方lan ser 方法 (冇用到第3方插件/程式)

先去官網  > 官網 搵 download 頁面 開ser果個野 (我會用ser .exe 果個) >

睇下自己個mc 版本是否一樣 > 如果係,就down落來啦 (官方出的開ser程式,理論上版本係最新的) >


拎返來之後開個資料夾比佢 (因為一開就會彈左D野出來,係入面方便整理) >

設定佢D文件,打開方法選擇 記事本 程式 (notepad) > 設置好晒D 白名單呀,呢樣果樣..... >


睇你係玩新場定係有本身地圖,有地圖就係你個地圖記錄檔到,複制佢出來,放去開ser個資料夾

把個地圖資料夾名換為 world , 咁就可以把之前的記錄拎去官方開ser 到玩


開game 選擇同ser 程式同版本 (如果官方開ser 1.8,你開game要用返同版本先入到....)


禁多人遊戲,應該揾到你自己岩岩開果個 ser > 玩


收game 方法,出game > 關mc / 去返主畫面 > 係開ser程式 果到,有條打指令的位置,打stop >

完成之後佢就會自動關上.

[ 本帖最後由 kwong19 於 2015-3-16 17:07 編輯 ]

rookiegum

多謝你咁詳細解釋 但係Lan game個到 我仲係搵唔到 其實正常係咪應該有好多場的？

kwong19

lan game 係 如果你玩的地方有其他機

比如a機開game,b機試搵,b先可以搵到