發新話題
打印

[交流] 宇智波帶土其實很可憐[字海]

[Close]

宇智波帶土其實很可憐[字海]

其實帶土的的確確係一個可憐角色, 比起鳴人,佐助既身世, 帶土亦唔遜色
[若認真仔細的看完,某些人眼中會有種說不出來的】【淚】 我都是其中一個
    根據鳴人既 "你與我很相似" 一段提及過帶土雙親都係帶土少年期間去世
佢唔似鳴人咁有願意接觸佢既朋友(鹿丸,丁次,牙), 都唔似佐助有咁多狂蜂浪蝶或者好似鳴人呢種對佢充滿執著既人
成長階段身邊既朋友只有幾個, 就係水門班(水門, 卡卡西, 琳)
帶土自小就有明確既目標, 想當上火影, 縱使實力平容, 都懂得咩係同伴,咩係珍惜
面對卡卡西, 即使當作假想敵或者敵對既感覺, 都珍惜卡卡西呢個同伴, 心中沒有一點仇恨
而呢種令人安心既陽光性格, 引出佢同鳴人最大既分別, 就係身邊無依魯卡 或者三代火影呢種會關懷佢點解變左做問題少年既人
而係水門班之中, 卡卡西就係最大既問題少年, 過往眾多回憶之中都可以睇出, 即使係四代火影水門, 係班中最花心機執導既都係卡卡西
正如父母對兩個孩子, 永遠花既精神同心機在有問題果個身上會多d
帶土心底既炸彈, 有野自己收埋既性格 從來無人在意到, 除左琳
琳不單止係帶土班中唯一既女性, 都係帶土生活圈子中唯一會在意帶土既女性
琳一直重視帶土所受既傷, 而且深切了解帶土果種有事自己收埋既性格, 呢種關心直接打入帶土最內心處
所以帶土對琳果種由少年到現在既愛慕, 絕對唔係單純既豆芽夢, 可以因為琳改變自己,改變世界

帶土外表陽光, 內里內向既性格, 令佢到第一次死亡時, 先懂得對卡卡西表達出自己既睇法, 但其實, 只係帶土一方面對卡卡西既原諒.卡卡西隨後既後悔從來無傳達到帶土心中, 直到面具男是帶土既真相暴露之後
而好可惜帶土仲係未有勇氣對琳表達自己心中既愛慕, 或者係因為知道自己就快死, 希望將呢個秘密帶到天堂
(所以個人覺得帶土比右眼卡卡西, 係出自兩個原因, 同卡卡西和解, 要卡卡西保護好琳)

直到比班醫返好,帶土依然心中只有一個希望, 就係盡快離開班去搵水門班, 重視朋友既性格未有因為自己死過返生而受影響
無奈到達現場第一眼見到既..居然係琳既死亡, 而且係死在卡卡西 (因帶土給予既寫輪眼才可以完善發動)既千鳥手中
此事此刻, 帶土對生命圈中既幾個人, 就引起巨大變化, 心愛既琳死亡, 好友卡卡西殺死琳, 水門老師再一次未能及時保護學生
對帶土來講最重要既琳死在眼前, 令帶土立即開啟萬花筒寫輪眼(相估係宇智波一族最年輕開萬花眼既一個...)
本來帶土只係單純想向四代或卡卡西復仇, 但劇情提及到帶土其後已經知道琳死亡既真相, 令帶土由復仇變做對現世界既放棄
當然...呢種負面改變 係由班引領出來

好比鼬所形容既佐助, 係一張單純既白紙, 身邊既人好容易影響到佢既諗法
而帶土亦一樣, 可惜既係, 佢唔似佐助身邊有好似鳴人一樣既朋友, 佢帶上面具令到連留下既朋友卡卡西都在事情不可收拾既情況下先知道係帶土
相對地, 佢身邊既係班, 可想而知... 心景轉換過程中, 連一個拉佢返轉頭既朋友都無, 對世界既絕望永無減退, 一心為左月之眼計劃, 帶住面具了結左幾多生命, 所以宇智波滅族一事, 帶土都無咩感覺, 更可能就係鼬滅族既同伴 (鼬提及過, 滅族唔止佢一個人做)

而我覺得帶土最可憐既時期, 唔係呢家呢種與全世界作戰既境地
如果大家仲記得Tobi 扮新仔加入曉既時期, 佢果種白痴既性格其實討得唔少人歡心
鬼鮫亦講過, 正好有Tobi呢種性格既人, 曉先變得無咁氣氛沉重
但其實, Tobi 反而係全個組織最受命運折磨既人
為左完成自己既計劃, 令鼬同部份組織會員唔好知道佢真正身份, 假裝成一個快樂白痴
明明內心充滿憂傷都要表現得滑稽無比. 呢種反差令我覺得帶土實在可憐至極
到鼬一死..帶土就立即放棄Tobi呢種面具中既面具, 大家可愛既Tobi都從此消失

帶土既計劃 比 佐助更寂寞 , 即使年少多重視同伴, 現在既帶土都係單獨一人, 只有利用既棋子 , 亦無可以拯救佢既人
最親密既同伴比如兜或者班, 都係各懷鬼胎, 互相利用
呢種同年少時期充滿夢想既一個絕大反差, 令年少既帶土在現今既帶土而言係一個絕大既弱點
所以不停在戰爭中想從鳴人身上推翻以前既自己, 令自己呢個弱點消失
結果比鳴人反將一軍,弱點一受攻擊, 就發展到如今現象, 對琳既愛慕亦係另外一個大死穴,即使自己講對這個世界已經幾咁絕望
不停比人攻擊呢兩個連自己都想抹殺既死穴, 帶土既動搖令佢敗陣落黎...
而我相信帶土在呢一戰多數都會在各種原因下陣亡
結果得到既只係短暫幾秒鳴人口中所謂既"同伴", 唔原諒帶土所作所為既忍者可能會更多
即使回到正道, 回頭一望, 真正過往既同伴, 就得返卡卡西...水門同琳已經死去
相信帶土最終既安慰, 都係得到卡卡西 同 水門既原諒/開解 , 同感受到佢地對自己既關心 (琳有無機會出場係未知之數(濊土轉生?))

少年時期:只是想要他的最好摯友卡卡西和琳去認定帶土的實力并想讓琳和卡卡西親眼看到帶土總有一天會成為某代火影.但結果所看到的是自己最好的擊友親手殺死自己所最愛的女人
   成人時期:一生充滿後悔同寂寞, 一次一次咁否認自己既生存直到死亡
              但帶土最後心中真正的夢想其實還是想成為一名偉大的火影
這個就是宇智波帶土的人生
  本文其并非本人所原創.但本文真心說出來我對帶土的看法/想法.
           所用來轉載

[ 本帖最後由 KutAChI. 於 2014-2-12 23:30 編輯 ]

TOP

支持支持個人覺得可以將鳴門 佐助 同佢作對比先有特別 這樣的角色先唔會似TV''D'' D角色由頭到尾都係同一個性格

TOP

十分支持+認同
其實我好鍾意帶土

TOP

支持,帶土又真係幾慘o既.

TOP

確實確實,從被石頭壓死了開始他的命運就徹底改變了,本來可以活得好好的

TOP

發新話題