[Open]
[Close]
對絕信1d感想
玩絕信都一段時間,同好多玩家都玩過.絕信唔只係一個遊戲,事實上仲培養緊你既耐性,你既思考速度,你既情緒智商.但應該好多人都唔理,一味玩玩鬧鬧..
首先由開場講起,新開既場,3/12,有d人一入就閃走(疑問),有d人入左十幾秒見無人入就走,有d人出出入入睇場,老實講不如你直接係出面等好過,引到其他人都走埋. - 人可唔可以比多少少耐性 ?
第二,開始左, ar場有人中唔想玩既英就走,有人一死就走,有d仲要單路緊,其實如果唔係神手,點解要期望自己會零死?不過又有幾多個神手會走場?走場,即係要隊友45,其實係好唔負責任好自私既行為.
第三,無團隊精神. 有d人殺人英單路對面無出唔幫路完場0殺. 有d輔英唔輔/唔識輔都算,汁主力兵300強王都可以,理所當然,掉返轉比主力汁左300/塔就粗口攻勢. 有d人唔係爆英又無象卷都唔比人爆,你爆就叮爆你個地圖,型d既就連技粗口走場. - 既然乜都想要哂,又唔玩合作既點解仲要玩5v5? 應該興1on1, 無人搶你汁你又有得單, 最開心?
第四,亂炮人. 死,輸就話對面廢,七,雖然我團友會咁講但講笑,但街場有幾多個同你講笑? 有次對面某人宮本我果汁,開始無耐就話[新手打新手],比我殺幾次就話[唉,最衰d垃圾隊友,搞到比肥料果汁屠],最後10殺走場,我雖然只係2x殺死2,但how come肥料..係咪d人已經玩到語無倫次..
不過,我都見過好多有品既人,有d人會讓人單讓人cp,有d人會讓兵讓塔讓強王明明自己打到紅血,有d人會指點隊友點玩點做,有d人會輔弱既殺人,有d人就算比人亂鬧都選擇沉默,因為明知鬧戰係於事無補..
我無係呢度識到幾多朋友,因為當咁多人無品既時候我都唔想去識.但曾經都遇到一個好好好人...
希望無團人士可以考慮下入團/開團,可以搵團友玩之餘又限制自己唔走場.
有品無品,一念之差,而這一切行為只會反映你本人的品格.
如果你還是選擇繼續無品下去,其實你玩完都唔會覺得快樂.