[Open]
[Close]
又係時候發表下蟻論
事先聲明 本人文筆係勁虧,作文永遠都係合格邊緣至唔合格
如覺不適者請比面五月天
我都好耐無入RC,同大家一齊玩..
一早預因為本人實習比較忙..(都計到)
各位新團員(包括星夢,幻夢)未認識既都希望日後有機會一齊玩(當然唔淨係打機啦= =好悶架麻)
先黎自我介紹..本人war3 齡有8年到.都算歷盡人生百態
試過走場,狂爆粗,串咀,嬴左串到盡,輸左拔網線,某d 唔用得既技術都用過(版本為1.18-.-誤交損友)
war3都刪過起碼4次.(戒打機..有次真係戒到半年..但一考完會考再比個fd請去網吧就黎番癮)
講咁大揪野想表達d咩
下面
我知每個人都有成長階段, 我由初初著重勝負,實力 好快就明白到 大家都係玩遊戲
點解一定要人地難受?
正常既一場總有一方勝利,一方敗北
但有無諗過相方都可以係笑住完場?
有無試過打過一場激烈而又互相尊重對方,承認對方既一場遊戲?
我知未試過好難明白我咩感受
或者會覺得 遊戲為娛樂 遊戲中做咩都得,可以發洩就好
我唔會反對 亦唔會贊成
每個人同某個階段 厭左,睇通左,迷失左 都會有佢唔同既生存方式
你有你生存方式 我有我生存方式 只係希望大家都可以學識尊重,試下由人地角度出發 感受下別人處境
夜夢老一輩都已經為生活而開始人生另一個起點,無咁好氣亦都無咁多時間容許佢地去帶領我地
我都時日無多..唔係話就掛,只不過人大左發覺有好多野想做既都未去做。
其實之前都想打篇關於團隊既感受,但奈何我日日放工都好無精神..又驚大家唔明我**不良字眼**up...
呢篇文係睇到某位我一路都好尊重,欣賞既人兄打既一篇文加上草哥既感言而鼓起精神去寫
略略講下內容大意..
團隊比我形象唔係一隊軍隊,係一種凝聚力
就好似番學編埋同一班
係一種緣份
希望大家都可以珍惜
打左過萬場(非正式統計,但10年到e+都有5千)
可以話失去比得到多,失去既係大量時間..得到既只係種種感觸..
但我無後悔..雖然我知道回頭既我會簡第2條路
但有得比我簡我寧願唔回頭 因為我唔想無左同你地一齊既緣份.
最後我想講
天下無不散之筳席 既然我地呢一刻有機會響埋一齊,就唔好再理會誰是誰非
珍惜每一日一齊傾計,玩樂,訴苦,相伴既日子。
祝夜夢,星夢,幻夢每位團友都可以係本團有所得著,同埋搵到自己理想!
[ 本帖最後由 卍花田錯卍 於 2012-7-4 00:57 編輯 ]