我記得好似係2歲幾果陣我大伯送比我
雖然對比起我依家果個背囊係好細個
但係細細粒嘅我都揹到去7.8歲....
尼粒扭計骰對我黎講真係好貴
成舊幾水 好彩唔係我買 粒返黎
不過貴就梗係貴好啦 好扭好多 唔係 係超多先岩
這口琴... 買左返黎無人教我吹
我自己吹左個幾禮拜都未搞清楚do ri me fa so就已經無心機
尼本書 相信好多人都有掛
我好多fd都買左 有d買左九十幾蚊 最平果個都買左89 但係我淨係買左87
尼本仲抵死 我個fd買86 我買83 成班都話自己蝕左
但係明明同一間書局買 唔知點解我次次都平過哂佢地
你老板 我入左中學3年 第一次收聖誕卡 不過得一張咁大把
講起尼樣真係可以有排講
果陣4歲嘅時候 我阿媽係聖誕節買左尼隻公仔
放左入我個被鋪到 當時我想訓教果陣 我一宅宅落個被鋪到
跟住唔知點解聽到有音樂係到響 我呆左 跟住個音樂停左之後我又繼續宅落去
如是者 係咁宅係咁宅 我阿媽見到我咁耐都唔知咩事就係入面拎左出黎
我見到真係鍚左我阿媽一啖 阿媽果陣甜到漏個樣依家都仲係歷歷在目 即使當時只有四歲
過左10年 真係岩岩好10年 我依家14歲 由攞到尼隻公仔開始
我晚晚都會攬住黎訓 除左去camp or 洗左 到陣間訓教 我依然會攬住黎訓
想唔想再聽落去?
我諗你想嘅
有一年 唔知係4歲定5歲果年 個公仔放落洗衣機洗完之後 竟然唔識響
果陣我喊左成晚 因為無得再聽音樂.....
又有一年 我記得果陣應該係做緊超人帝拿 唔多醒起 仲之係智叻新人類到播
果陣唔知乜時比阿哥整爛左隻熊個鼻 我又喊左兩晚 仲係咁打阿哥
好彩我阿哥好鬼死大隻 我又細細粒 打佢可能仲細力過r痕 唔係真係會打架=.=
跟住最後佢幫我同超能膠痴返上去就咁多年都無再甩過 所以用超能膠要小心d
其實 我最想表達嘅係 媽咪 我愛你 可能尼段野唔關個topic事
但係媽咪照顧左我咁耐 佢真係好鍚我 就算我點曳 1日唔洗佢就會原諒我
佢每日都會煲湯比我地飲 三餐又照顧我地 連家務佢都幾乎要一力承擔 但係佢仲要返足成十幾粒鐘工
不過所有碗我都會洗 有時都會掃下地拖下地晾下衫 但係比起媽咪 真係微不足道
係尼兩個月 發生左好多事 搞到我同我阿哥都好憎我老豆
不嬲都唔鐘意老豆嘅我 只係更加之憎佢
但係我阿哥 好鍚我老豆 就好似我阿媽鍚我咁鍚我老豆
但係果件事 令我阿哥 尼兩個月 都無同佢講過一句野 什至接觸
媽咪 你所承擔嘅野實在太多 我同阿哥 又唔係好生性
但係由依家 我同阿哥會學識生性 希望媽咪可以快樂咁過佢晚年
對唔住 講左好多離題嘅野 希望唔好扣我分啦
[
本帖最後由 Wicked〝Moros 於 2011-12-24 01:15 編輯 ]
