冷血小攸子

  各位注意

  本貼  嚴禁  離題 , 帶有攻擊性 及 私人恩怨 一切無關既回覆   

  本貼為   假設你係場主 唔夠對面打 會點處理 ?
  而唔係    你係玩家  比場主踢  會點處理 ?

  請各位良性討論    多謝合作






  事情經過請查看第9貼

Q: 當兩隊強弱懸殊之下 (自己係弱個隊), 若然身為場主會有咩理由去踢對面既人?  

A: 我會覺得自己技術不如對面, 理應學習對方既技術,從而加強自己既實力,
     希望他朝有一日可以有對方既一成 (有d標準答案feel添 )

不過呢個世界上無奇不有既事情特別多

宜家新人輩出, 好多場主/ADMIN愈黎愈唔識去管理自己SERVER (或者無咁既大智慧)
我早前入一個"多人對抗”, 當時同該場場主與其ADMIN打對家的
但係佢地就因為分數落後太多, 竟然可以作出以下荒謬及野蠻行為:

1) 轉地圖時亂左隊拒絕幫人(場主對家)掉位, 先聲明 "亂左我(場主)唔負責,因為係電腦設定"
    (不進則退, 會否考慮為貴SER增值一下?)

2) 擾攘一段時間後, 場主仍然唔肯幫手掉人, 我地無計可施, 勸d人自己轉番佢地唔肯,
    (我地唯有被迫同人講聲sorry然後投票踢人, 但場主就用我地踢人係 "搞事者" 既理由去踢返我地)

3) 場主只會為自己朋友服務, 有朋友"遲入/亂左隊", 就踢都踢唔切 (喂你又話你唔負責既?)

4) 場主嚴格篩選戰友, 對面一班新手街客
    (見你勁, 調你過黎, 見你差, 調你過去, 難道情比金堅, 為求得一SM別人之快感, 名留青屎臭名遠播都唔緊要?)

5) 輸左一個圖之後, 場主佢地先做人, 但就死都唔肯出safe room, 點解要咁做? 我諗只有佢地自己先知

6) 無啦啦話我地外掛, 難道分數差距大就要咁講人? 會否諗下係咪自己技術問題?
    (玩得勁就比人話外掛, 玩得差就比佢轉到對面team, 真冤枉!)

7) 場主一句 "ADMIN(我)是神", 拋下一句 "你_ _" , 就處死你然後再踢你, 加多句 "唔滿意就唔好玩",



    假設你係場主, 唔夠對面打, 你會點處理 ?　　（切勿離題啊）



[ 本帖最後由 冷血小攸子 於 2010-7-13 17:02 編輯 ]

alexlau1314

嘩...多人場都有好多個...講明係邊個好d喎!

tim11111

唔夠對面打都係照玩姐,無咩野...我間唔中有開場,其實我都唔知點調人....我自己都未係幾識用d指令
唔夠打照玩真係無咩野,反而唔鐘意d人...只係會做怪,做人就走場,或者即調位做怪(因為有時未必夠人4v4,一調轉角色見怪有位就即掉,有d直頭退出再入過做怪)最多試過有人連做6場都係怪= =
不過講真,人地場主人地惡...如果唔滿意既就去第個場到玩,唔駛同佢勞氣既= =
做場主有場主苦....今日有fd一齊玩戰役,開左場,話咁快有個唔識既人入左黎,同佢講,話有fd玩,sorry....佢唔走,我kick啦,kick完唔夠一陣又入番黎...想禮貌d對佢都唔得= =
唔同人唔同心態,有d人玩真係為左sm人,由得佢地啦.....
最後一樣...我明唔係個個人都開到場,但入人場佢好似上面7既情況咁,我係你走算....再係佢個場到玩真係辛苦自己姐....
ps":我早前入一個 "多人對坑場", 當時同該場場主與其ADMIN打對家的<<<多人對抗場...

水箭龜

講真呢d 情況成日都出現嫁啦
不過都想知道係邊個場屈人外掛 @@

BEBU

好似1樓個位巴打咁..我都好想知咩場咁惡..
唔夠人打話人外掛..輸左場之後懶死唔行...
希望樓主大大..可以講埋係邊個ser..

RDiver

「不在其位 不知其難」

睇完樓主所見所聞所說 , 似乎場主「超錯」 , 但你試下從場主同管理員角度諗一諗 , 佢地都有苦衷 ......

我自己都做過Admin , 所以有需要為佢哋解話 .

紅字為樓主論點 ; 綠字為解說

1) 轉地圖時亂左隊拒絕幫人(場主對家)掉位, 先聲明 "亂左我(場主)唔負責,因為係電腦設定"
    (不進則退, 會否考慮為貴SER增值一下?)

-  為保持雙方數目均等 , 遊戲程式根據玩家載入速度去編排同分配位置 , 所以出現「轉圖後亂隊」情況 .
-  至今仲未有插件能100%有效鎖定隊伍 , 所有多對伺服對此問題都無所適從 .
-  該場主都聲明唔會負責 , 點解 ? 因為佢知道掉位過程需時 , 時間花太長會引起其他玩家更不滿 , 導致「走場」.
-  正因該場主了解伺服運作 , 亦考慮到玩家耐性有限 , 才作出此決定 , 顧全大局 .
-  少少補充 , 場主可嘗試以 teamversus 模式開場 , 並非 versus , 可能成功鎖定隊伍 .


2) 擾攘一段時間後, 場主仍然唔肯幫手掉人, 我地無計可施, 勸d人自己轉番佢地唔肯,
    (我地唯有被迫同人講聲sorry然後投票踢人, 但場主就用我地踢人係 "搞事者" 既理由去踢返我地)

-  玩家拒絕自行轉隊好正常 . 雖然出發點無錯 , 但其他玩家未必介意亂隊 , 反而更急不及待快啲開始遊戲 .
   而且 , 對不知情者 , 你既舉動心理上令對方認為實力太弱才被調 或 調到實力較弱的一方 , 所以更加拒絕了 .
-  你向對方講Sorry再投票踢佢 , 強人所難 , 既不尊重他人 , 方法又不可取不合理 , 你以為踢人就可以解決問題 ?
-  比起場主 , 玩家更討厭樓主你既行為 , 不會認同你既做法
-  切身處地站在場主方 , 眼見某某故亂踢人 , 又講明唔會調隊 , 對於你自作主張既行為 , 踢你出場好合理 .


3) 場主只會為自己朋友服務, 有朋友"遲入/亂左隊", 就踢都踢唔切 (喂你又話你唔負責既?)

-  場主對熟識既玩家 (未必朋友) 有特別優待唔出奇 , 場主開得場就希望能夠同三五知己玩樂 , 分享喜悅 .
-  就算玩 44 / 高對 情況一樣出現 -- 湊齊人突然有三四個FD加入 , 場主都會KICK .
-  場主未必及時通知即將被踢既玩家 , 因為分秒必爭根本無閒暇交代咁多 .
-  反思下 , 場主為FD踢人 同 你為「調隊」踢人 , 出發點雖不一樣 , 但結果有分別咩 ?


4) 場主嚴格篩選戰友, 對面一班新手街客
    (見你勁, 調你過黎, 見你差, 調你過去, 難道情比金堅, 為求得一SM別人之快感, 名留青屎臭名遠播都唔緊要?)

-  我唔識讀心術去深知場主諗法 , 但照你咁講 , 你又以乜準則去標籤玩家既強弱 ?
-  本人玩L4D2半年以上 , 都唔敢隨便評估對方實力 , 而樓主7月5日才開始玩L4D2 (唔信係用分身) , 誰較有資格評人呢 ?
-  場主有冇嚴格篩選戰友 , 你更應該拎啲實質理據出黎 , 憑一己之見無法令人信服 .


5) 輸左一個圖之後, 場主佢地先做人, 但就死都唔肯出safe room, 點解要咁做? 我諗只有佢地自己先知

-  死都唔肯出 Saferoom 既人未必係場主 , 點解你要咁講 ?
-  死都唔肯出 Saferoom 原因好多 : WC , 唔夠人數 等等 . 一知半解又唔追問對方係你自作自受 .
-  咁你個隊好快咩 ? 如果自己都唔能夠以身作則 , 點話對面慢都冇用 .
-  典型多對伺服 , 玩家都唔鍾意即刻離開安全室 , 原理同做運動前熱身一番如同 .


6) 無啦啦話我地外掛, 難道分數差距大就要咁講人? 會否諗下係咪自己技術問題?
    (玩得勁就比人話外掛, 玩得差就比佢轉到對面team, 真冤枉!)

-  外掛 ? 我玩咁耐都唔見人識用外掛 , 咪同 CS 混埋一談 .
-  如果場主真係認為你用外掛 , 就一早KICK + BAN 你 , 所以我覺得場主只想製造話題啫 !
-  只要你問心無愧 , 清者自清就無問題 .


7) 場主一句 "ADMIN(我)是神", 拋下一句 "你_ _" , 就處死你然後再踢你, 加多句 "唔滿意就唔好玩",
    我想講, 咁其實你開個SER黎做乜? 不如lock PW自己圍內玩, 或者個場名應改做 "SM新手街客" 咁啦

-  咁就睇下你做左咩事搞到場主咁講啦 !
-  無理取鬧既行為永遠不獲認同 , 你同場主之間發生乜事 , 本人無從得知 .

老實講 , 你所指既伺服和場主 , 我又點會唔知 , 多啲留意 vLan 就會知 .

Satanailu

甘我5明咯....據我所知...我入瘋狂高對個個場5會亂team咯...

正題: 我都入過樓主個個場...
          我真系覺得好屈咯...
          第一關...死亡中心...我..生還者....(等待其他玩家進入中的)
          我乜都無講野....突然比該場的admin處死
     我跟住講佐句:holy shit!!!!... 好順手咁kick埋我....
          你乜道理啊....你至少都比個理由比人啊老細...
          admin真系神咯...為所欲為...我呢d群眾真系好q無奈咯....
          開場都為for fun je....比人sm你好難過? 系搵頭撞墻?
          調整下心態啦.....just a game....

sonnysiaki

個人意見:

  無故比人kick
  理性既:再入番佢個場,問佢做咩kick,係咪私人場
         我:都係再入番佢個場,問:
                                              -私人場你就設password啦!!
                                非私人場[email=-@#$%^&*()_$%^&*($%]-@#$%^&*()_$%^&*($%[/email]^!!!!!
                                              得,無野講,,東家唔玩玩西家;鬼唔望你同電腦一齊打

conclusion:老生常談,一樣米養百樣人,玩game而已,,我唔信個個ser都係d咁既x人開
小結:我懷疑一係係d___開既,一係就係d有毒廢膠感染者,盲中中學識玩l4d2,又盲中中識開場,先會有咁既情況


p.s.從前玩cs時都有同樣情況,,,今時今日想番起,,原來網上世界和真實世界都有共通之處

冷血小攸子

綠字為RDIVER論點 ; 其他為解說

１）
-  該場主都聲明唔會負責 , 點解 ? 因為佢知道掉位過程需時 ,
   時間花太長會引起其他玩家更不滿 , 導致「走場」
-  正因該場主了解伺服運作 , 亦考慮到玩家耐性有限 , 才作出此決定 , 顧全大局

２）
-  你向對方講Sorry再投票踢佢 , 強人所難 , 既不尊重他人 , 方法又不可取不合理 , 你以為踢人就可以解決問題 ?
-  比起場主 , 玩家更討厭樓主你既行為 , 不會認同你既做法
-  切身處地站在場主方 , 眼見某某故亂踢人 , 又講明唔會調隊 , 對於你自作主張既行為 , 踢你出場好合理 .
６）
-  如果場主真係認為你用外掛 , 就一早KICK + BAN 你 , 所以我覺得場主只想製造話題啫 !


１＆２& ６答：
   
   我就當佢真係好了解伺服運作 (所以該場更加有觀眾2位 亂上加亂 ? )  
   轉地圖後 觀眾仲可以即時加入 令到原本更亂   甚至分派到觀察席?  
   SERVER設定轉圖會亂隊  場主/ADMIN嫌煩唔去負責  我地踢人  仲要怪罪玩家身上?  
   SER錯 ? ADMIN錯 ? 定玩家錯?

  我地係8 FD入去玩 ,  亂隊要轉係好平常  
  玩家都應該為自己著想? 難道只可沈默?  
  簡單一句  ：　問ADMIN  我地亂左隊  可唔可以幫手調？   
  你唔知人名唔緊要  連名都比埋你  你都唔肯轉   
  原來叫ADMIN轉隊會換黎咁多問題?   
  就算真係調唔到 , 我地都照玩架    （衰Ｄ講句　踢人名單有限 ）　

  我地踢人固然唔岩 , 講埋你聽     

     ( 事 情 經 過 )

- 第一日場主肯幫我地轉    ( 所以問佢  佢都仲好客氣 一個一個甘"慢慢"轉  關關幫手轉   )

- 第二日?唔轉啦?  ( 見到又係我地  未開波前  所以先聲明 "亂左我(場主)唔負責,因為係遊戲本身設定"   
   所以我地選擇踢人  到底係場主錯而導致我地成為"搞事者"  定係一開始入去玩就係一個錯既選擇 ?   )

- 第三日封左踢人功能 但係結果?
  呢三日　該場開服我地就入齊隊, 我地只係入去玩, 難道我地有錯?
  ADMIN幾個都無人幫手轉 (真係唔知點解啦?? )
  見到某玩家投票KICK人   ADMIN就用 該玩家行為太_ _ 理由去KICK發起投票者 ?
  

  也許人家場主認為我地有惡意   因為又係呢班人 所以連玩都唔想比你玩
  用盡一切辦法拆散我地  但佢地又一班朋友播?  (點解知一班因為玩得多就知 來來去去都係個幾位 )   

  開個場想SM街客咪出聲囉      
  踢曬我地之後仲要輸比街客 (話說人家有2個觀眾位)
  我唔係講輸嬴重要   而係處理手法問題
  對面未齊人 我地好自覺等人 (可能係佢地眼中 無等人呢個習慣  )
  對面不斷攻入黎  扣血好正常  佢地個人原因扣血  打!hp回血比自己隊就識?   幫我地加就唔識?
  admin要街客去教?  　　

３）
-  場主對熟識既玩家 (未必朋友) 有特別優待唔出奇 , 場主開得場就希望能夠同三五知己玩樂 , 分享喜悅 .
-  場主未必及時通知即將被踢既玩家 , 因為分秒必爭根本無閒暇交代咁多 .
-  反思下 , 場主為FD踢人 同 你為「調隊」踢人 , 出發點雖不一樣 , 但結果有分別咩 ?

答：
   優待唔出奇 仲好平常 , 奇就奇在踢左我地  再比朋友入  再從佢team玩家同我TEAM玩家互轉

   咩唔係應該調觀眾   或者佢自己隊玩家/離開  從而比佢朋友進場嗎 ?  
   睇唔到觀眾有咩人? 裝個插件囉   插件都唔識搵?   該場主了解伺服運作 ?
   簡單D講  只係會為朋友服務   對面邊個玩緊  觀眾有邊個 ?  ADMIN答你唔知播
   點解?  因為該場轉關 關關亂


-  死都唔肯出 Saferoom 既人未必係場主 , 點解你要咁講 ?

答：
    因為幾個admin我地知

-  死都唔肯出 Saferoom 原因好多 : WC , 唔夠人數 等等 . 一知半解又唔追問對方係你自作自受 .

答：
    相信當時齊人超過10分鐘

-  咁你個隊好快咩 ? 如果自己都唔能夠以身作則 , 點話對面慢都冇用 .

答：

    齊人超過10分鐘 仲係安全室 ?

-  咁就睇下你做左咩事搞到場主咁講啦 !

答：
　以上

   唔想我地係到咪出聲囉    我地絕對唔介意  
   但係換黎係話我地行為太_ _   所以要踢曬我地 ?   不滿就唔好玩 ?

  成件事好簡單同好易解決   
  當初該ADMIN肯幫手轉人  呢個POST係唔會出現

  切記*  
  我只指出個別事件管理手法有問題

[ 本帖最後由 冷血小攸子 於 2010-7-13 08:07 編輯 ]

冷血小攸子

引用:

原帖由 sonnysiaki 於 2010-7-13 04:27 發表
個人意見:

  無故比人kick
  理性既:再入番佢個場,問佢做咩kick,係咪私人場
         我:都係再入番佢個場,問:
                                              -私人場你就設password啦!!
                       ...

因為2代設密碼會入唔到  所以SET唔到密

引用:

原帖由 tim11111 於 2010-7-13 00:56 發表
唔夠對面打都係照玩姐,無咩野...我間唔中有開場,其實我都唔知點調人....我自己都未係幾識用d指令
唔夠打照玩真係無咩野,反而唔鐘意d人...只係會做怪,做人就走場,或者即調位做怪(因為有時未必夠人4v4,一調轉角色見怪 ...

所以場主應該先改場名    等朋友入齊    再開放   
當然有好多人盲目入場 唔睇場名  好D咪話你聽有人請你離開  唔好咪直接踢你



[ 本帖最後由 冷血小攸子 於 2010-7-13 06:48 編輯 ]

LOOP156

Q: 當兩隊強弱懸殊之下 (自己係弱個隊), 若然身為場主會有咩理由去踢對面既人?  

A:1,對面開cheat!!!
   2,有fd 要入


以上係白痴and無品場主先會做

(正路AND有品A):唔夠打咪學到夠人打為止囉,有人一出世就打機好勁?
practice makes perfect!!!

chouho123

我決定投降走佬~!!!!!!!!!

alexlau1314

引用:

原帖由 RDiver 於 2010-7-13 03:13 發表

「不在其位 不知其難」

睇完樓主所見所聞所說 , 似乎場主「超錯」 , 但你試下從場主同管理員角度諗一諗 , 佢地都有苦衷 ......

我自己都做過Admin , 所以有需要為佢哋解話 .

紅字為樓主論點 ; 綠字為解說

1) 轉地圖時亂左隊拒絕幫人(場主對家)掉位, 先聲明 "亂左我(場主)唔負責,因為係電腦設定"
    (不進則退, 會否考慮為貴SER增值一下?)

-  為保持雙方數目均等 , 遊戲程式根據玩家載入速度去編排同分配位置 , 所以出現「轉圖後亂隊」情況 .
-  至今仲未有插件能100%有效鎖定隊伍 , 所有多對伺服對此問題都無所適從 .
-  該場主都聲明唔會負責 , 點解 ? 因為佢知道掉位過程需時 , 時間花太長會引起其他玩家更不滿 , 導致「走場」.
-  正因該場主了解伺服運作 , 亦考慮到玩家耐性有限 , 才作出此決定 , 顧全大局 .
-  少少補充 , 場主可嘗試以 teamversus 模式開場 , 並非 versus , 可能成功鎖定隊伍 .


2) 擾攘一段時間後, 場主仍然唔肯幫手掉人, 我地無計可施, 勸d人自己轉番佢地唔肯,
    (我地唯有被迫同人講聲sorry然後投票踢人, 但場主就用我地踢人係 "搞事者" 既理由去踢返我地)

-  玩家拒絕自行轉隊好正常 . 雖然出發點無錯 , 但其他玩家未必介意亂隊 , 反而更急不及待快啲開始遊戲 .
   而且 , 對不知情者 , 你既舉動心理上令對方認為實力太弱才被調 或 調到實力較弱的一方 , 所以更加拒絕了 .
-  你向對方講Sorry再投票踢佢 , 強人所難 , 既不尊重他人 , 方法又不可取不合理 , 你以為踢人就可以解決問題 ?
-  比起場主 , 玩家更討厭樓主你既行為 , 不會認同你既做法
-  切身處地站在場主方 , 眼見某某故亂踢人 , 又講明唔會調隊 , 對於你自作主張既行為 , 踢你出場好合理 .


3) 場主只會為自己朋友服務, 有朋友"遲入/亂左隊", 就踢都踢唔切 (喂你又話你唔負責既?)

-  場主對熟識既玩家 (未必朋友) 有特別優待唔出奇 , 場主開得場就希望能夠同三五知己玩樂 , 分享喜悅 .
-  就算玩 44 / 高對 情況一樣出現 -- 湊齊人突然有三四個FD加入 , 場主都會KICK .
-  場主未必及時通知即將被踢既玩家 , 因為分秒必爭根本無閒暇交代咁多 .
-  反思下 , 場主為FD踢人 同 你為「調隊」踢人 , 出發點雖不一樣 , 但結果有分別咩 ?


4) 場主嚴格篩選戰友, 對面一班新手街客
    (見你勁, 調你過黎, 見你差, 調你過去, 難道情比金堅, 為求得一SM別人之快感, 名留青屎臭名遠播都唔緊要?)

-  我唔識讀心術去深知場主諗法 , 但照你咁講 , 你又以乜準則去標籤玩家既強弱 ?
-  本人玩L4D2半年以上 , 都唔敢隨便評估對方實力 , 而樓主7月5日才開始玩L4D2 (唔信係用分身) , 誰較有資格評人呢 ?
-  場主有冇嚴格篩選戰友 , 你更應該拎啲實質理據出黎 , 憑一己之見無法令人信服 .


5) 輸左一個圖之後, 場主佢地先做人, 但就死都唔肯出safe room, 點解要咁做? 我諗只有佢地自己先知

-  死都唔肯出 Saferoom 既人未必係場主 , 點解你要咁講 ?
-  死都唔肯出 Saferoom 原因好多 : WC , 唔夠人數 等等 . 一知半解又唔追問對方係你自作自受 .
-  咁你個隊好快咩 ? 如果自己都唔能夠以身作則 , 點話對面慢都冇用 .
-  典型多對伺服 , 玩家都唔鍾意即刻離開安全室 , 原理同做運動前熱身一番如同 .


6) 無啦啦話我地外掛, 難道分數差距大就要咁講人? 會否諗下係咪自己技術問題?
    (玩得勁就比人話外掛, 玩得差就比佢轉到對面team, 真冤枉!)

-  外掛 ? 我玩咁耐都唔見人識用外掛 , 咪同 CS 混埋一談 .
-  如果場主真係認為你用外掛 , 就一早KICK + BAN 你 , 所以我覺得場主只想製造話題啫 !
-  只要你問心無愧 , 清者自清就無問題 .


7) 場主一句 "ADMIN(我)是神", 拋下一句 "你_ _" , 就處死你然後再踢你, 加多句 "唔滿意就唔好玩",
    我想講, 咁其實你開個SER黎做乜? 不如lock PW自己圍內玩, 或者個場名應改做 "SM新手街客" 咁啦

-  咁就睇下你做左咩事搞到場主咁講啦 !
-  無理取鬧既行為永遠不獲認同 , 你同場主之間發生乜事 , 本人無從得知 .

老實講 , 你所指既伺服和場主 , 我又點會唔知 , 多啲留意 vLan 就會知 .

rd, 你又知樓主無開過場咁得意既?
我想樓主應該係 [不在其位 不知其膠]先岩 LOL
你話你都做過Admin. 有無想過如果你既觀點同角度係[超對]既話啊...你就仲做緊Admin啦
最後你話 [你同場主之間發生乜事 , 本人無從得知],
你5知但你又要主觀地假設咁多野去質疑樓主?
大家理性討論緊bo, 不如你代入做人地admin之餘, 又代入下樓主既角度啦
講開夠唔夠資格, 難道講馬佬要跑得快過隻馬先講得馬?
你地d人成日話人新唔新, 老實講, 我唔知樓主係咪新, 不過中point咪得囉, 你理得人je-_-


不過老老實實, 你講到你知好多內情咁, 不如話聲比大家知係邊個ser LOL

----------------------------------------------------------------------------------------------------------------------

回樓主, 如果我係文中提及既場主同admin, 我想我首先要做既野, 就係update好d插件,
我玩過有d ser 根本唔會亂team, 點解人地做到你會做唔到?
你開放得個場比人玩, 好應該做到最好, 一係你就去VS02,03...自己開ser lock password只供朋友玩

如果我係場主唔夠對面打, 我大不了咪關ser, 扮hand ser,
再唔係話有人lag機要re ser囉, 無晒d分囉 lol 真係有人咁做架!

不過當然我係講笑啦, 如果我真係遇到勁人, 我緊係問佢羅msn交流一下啦,
好過永遠都玩得屎, 請教別人又可以令自己進步, 真係想識佢都黎唔切啦, 仲走去kick人?:o
我認為極度幼稚同無機品既場主先會無理kick人囉

講到尾, 玩game 比人sm都可以玩得好開心je
我都試過同fd比人sm啦, 但係我地玩個時有講有笑, 都可以play得好開心wo
如果該場場主你怕比人sm既話, 你唔應該kick晒對面既人
應該kick晒你d fd先岩

[ 本帖最後由 alexlau1314 於 2010-7-13 10:29 編輯 ]

RDiver

你話你都做過Admin. 有無想過如果你既觀點同角度係[超對]既話啊...你就仲做緊Admin啦

乜邏輯黎 ?


最後你話 [你同場主之間發生乜事 , 本人無從得知],
你5知但你又要主觀地假設咁多野去質疑樓主?

呢句話只針對樓主第7論點 .


講開夠唔夠資格, 難道講馬佬要跑得快過隻馬先講得馬?
你地d人成日話人新唔新, 老實講, 我唔知樓主係咪新, 不過中point咪得囉, 你理得人je-_-

你所指既係呢個 ?
本人玩L4D2半年以上 , 都唔敢隨便評估對方實力 , 而樓主7月5日才開始玩L4D2 (唔信係用分身) , 誰較有資格評人呢 ?

我咁講只向樓主說明 , 任何人都唔應該隨便標籤對方 .


你講到你知好多內情咁, 不如話聲比大家知係邊個ser

講出黎又解決到問題嗎 ? 既然樓主無意開名 , 我就更加唔會啦 !

----------------------------------------------------------------------------------------------------------------------


我玩過有d ser 根本唔會亂team, 點解人地做到你會做唔到?

好歡迎你搵出個插件同大家分享 .

MatthewWinkie

唔夠打咪當學下野, 勝負乃兵家常事
巴塞都唔係場場贏啦