尹光黎= =
爆金爛Gag王尹光 X 盧David
《歡樂今宵》之所以能成為電視界的經典，司儀與演員風趣幽默的表演和對白，絕對可記一功，而當中被譽為爛Gag始祖的盧大偉(盧David)，時至今日，就連林海峰開Show都要擺他上臺，便可知道其江 湖地位！
至於和盧David不相伯仲的廟街歌王尹光，由唱口水歌唱到入紅館，更自創《爆金爛》(解作：爆笑、金曲、爛Gag)，其受歡迎程度，絕不比現今的二、三線歌手遜色。
撰文：葉文健
內文節錄自now香港台節目《Home Sweet Home》
鄭丹瑞：鄭 尹光：尹 盧大偉：盧
鄭：咩都唔好講，等我畀個爛Gag大家聽吓先，「馬浚偉唔好走」估一個英文字。
盧：你畀個答案出嚟聽吓合唔合格先啦！點知你係咪天馬行空㗎！
鄭：馬浚偉唔好走，咪Hospital囉！
盧：哈！哈！呢句得，好有我啲Style，睇你今日都係有備而戰啊！
鄭：以前我去度橋，無人會講呢啲係爛Gag㗎，係咪因為盧大偉你，啲人先會咁叫？
盧：喺我心目中，個「爛」字係燦爛咁解。由於時代唔同，依家係要有文化、有內涵嘅，才算爛Gag。
爛Gag始終有你⋯⋯哋
鄭：講番今次點解與以往唔同，會一連請嚟兩位嘉賓呢？因為每次我一想起爛Gag，就會好自然諗起盧大偉同尹光，先問吓爛Gag始祖盧David，你係幾時開始創作爛Gag？
盧：我嘅演藝細胞係緣於兄弟姊妹之間。記得細個時，我哋好鍾意睇西片，出街都要雙手插袋扮有型，就算入娛樂圈都係想做小生，點知開始做戲後，做乜正經角色都會引人笑，之後就走咗去做《歡樂今宵》做司儀。
鄭：講吓你啦，尹光！你點解會同廟街結緣？
尹：1973、74年左右，我出咗隻唱片叫《十四座》，係廟街播得好行，加上我晚晚係夜總會唱歌，就連鴨寮街都播得街知巷問。
鄭：你啲歌詞好踩界個喎，《一個黐膠花的少年》明明係一首好厲志嘅歌，點解又要加啲黐膠花落去，令人聯想到其他嘢？
尹：其實係啲唱片公司，在商言商，特登要搵一啲嘢去吸引你去買隻歌。
鄭：你咁多歌，邊首最滿意？
尹：我鍾意《荷里活有間大酒店》，因為寫歌要有幽默，正面我又解得，邪面我又解到，好似今次為紅館開show寫嘅《飛甩名模》，出得街㗎「膽粗粗約超模，今晚MK吔飯，佢任我咀?夠晒浪漫。」
後記
或許你會覺得講爛Gag、唱口水歌很無聊、沒文化、沒內涵，但
