RDiver

未睇 「(Part 1) 關心vLan既人一定會睇呢個Post !」先入去.........

http://www.ipve.com/bbs/viewthread.php?tid=193412&page=1&extra=page%3D1

針對 VERSUS 01 / Coop 01 / 11 分區長期爆滿 , 令全 16 個分區分佈極不平均既問題

參考版主同你哋各位既意見 , 有5個可行方案 :

1. 減少分區數目 : 大幅度將現時16個L4D2分區減至 6 個 ! 同時實行更有效既分區制度 , 以下係詳解 :

                            (240) L4D2 - Versus - 正規 / 高對  

                            (240) L4D2 - Versus - 插件           

                            (240) L4D2 - Coop - 正規

                            (240) L4D2 - Coop - 插件

                            (120) L4D2 - Scavenge / Survival

                            (120) L4D2 - 非官方地圖

-

                            分區數目 : 6

- 將分區制度「二重化」, 再分為「正規」及「插件」類別 .

- 根據過去人流同玩家喜好 , 覺得 Versus 同 Coop 各持兩個240空位既分區 , 係最理想 , 最合理既安排.

- 為鼓勵更多人認識 Scavenge + Survival 模式 , 所以特別開設 Scavenge / Survival 分區 作宣傳同推廣.

  始終係冷門項目 , 所以建議數量為120個位. 希望滿足對呢兩種模式熱愛既人士 , 同時將佢哋發揚光大 !

- 大家玩咗一排 , 開始對新地圖有興趣 , 或者懷念番L4D1既地圖呢 ? 所以特別開設 非官方地圖 分區.

  考慮到參與人數 , 故建議數量為120 .

- 每個月視乎整體人流 , 以呢個「黃金比例」黎增加或減少所屬分區 , 以免分區過多/過少.

- 此安排能使分區與分區之間分佈得更均衡 , 防止因其一分區位置數目太少而擠擁至另一分區既情況

  (好似Versus 01既情況)

# 正如紀敏所講 , 如需關閉分區 , 必先確保分區內一個人都冇 , 否則影響玩家造成網絡錯誤.

    (呢點日後再商討)

---------------------------------------------------------------------------

2. 滅絕掛機者 : 除開場人士(Server Host) , 超過 3 小時掛機(唔係玩緊 , 又唔係開場 ,但佔據分區位置)既玩家 , 應該立即踢出分區 , 情況猶如斷線一樣 .

做法 : vLan能夠判斷玩家於分區內的狀態 : 開場的屬於 {主場} ; 掛機的大多屬於 {準備} ; 入場玩就屬於 {主/客} ; 玩單機的就不清楚 . 如果vLan於系統上加設某些規則例如 :「如果 {準備} 狀態持斷3小時以上 , 玩家將被vLan強制性退出分區 」

# 我覺得vLan隊伍絕對有足夠技術去制定呢條規則 , 究竟佢哋擔心既係咩呢?

效果 : 當掛機既人減少咗 , 分區自然謄出更多空間俾真正想入SERVER玩既人 , 開場同參與數目就多咗 , 互動性亦相對地提高. 同時 , 利用這條規則 , 加上方案1帶黎既影響 , 玩家會變得更自律 , 掛機者數目就逐漸減少 , 人流自然可以更暢行無阻 !

-------------------------------------------------------------------------------

3. 強制更新 : 仿效 魔獸 :信長之野望 分區系統 , 對所有分區限制遊戲版本 , 不過 Left 4 Dead 2 唔同 WarCraft 3 , 改改 steam.inf 都更改到遊戲版本 , vLan未必有足夠技術只容許指定版本既人進入分區 . 就算係咁 , 我哋都有辦法去「強迫」開場既人更新 , 點解 ? 基本上玩既人往往受開場人士影響 , 如果開場既人都更新哂 , 入場玩既人根本不得不更新 , 達到「強制更新」既效果. 點樣做 ? 既然技術上未必可行 , 咁就靠我哋囉 !

做法 1 : 制定一條規則 -- 所有Server Hosts 必須於版主發佈「最新vLan官方下載patch」3日內升級至最新遊戲版本 , 一旦被發現無更新又開場俾人玩 - KICKED ! 或者將其用戶既Level降低於分區要求既最低Level , 藉強迫對方升級 , 不過咁既安排可能對版主造成一定負擔 .

做法 2 : 建立一個通報機制俾vLan Users 針對嚴重違規人士回報俾版主 , 再由版主針對性審查 , 一來減少工作量, 二來可以殺一儆百 , 增添阻嚇力.

# 通報機制將於方案4詳細交代 !

效果 : 可以短時間內「大規模」更新 , 保持最佳既遊戲質素之餘 , 正版玩家亦無須擔心 vLan 無場玩(你哋肯支持vLan 已經好感激) . 當凝聚力提高 , 人流就能維持高水平 , 而且 , 最新版本既Servers數量多咗 , 玩家就再無需要改steam.inf去玩番舊版本servers , 疑似「掛機」既情況就得以改善.

-----------------------------------------------------------------------------------------

4. 完善通報機制 : 喺方案3 - 做法2 已經提及過 , 與 FPS 抱怨區性質上差唔多 , 但規模完善好多.

- 只適用於 Left 4 Dead 2 @ vLan

- 開設一個分版作為通報平台

- 對任何懷疑違反規則 (FPS統一版規 , Server未更新 , Server類型與分區類型不符 等等)既人/事 ,

  大家能夠直接反映 , 向Left 4 Dead 2 & FPS 版主們回報.

- 必須理性地反映事件 , 盡可能圖文並茂 , 提供充分論點 , 論據 及 論證 來增加可信性.

- 各版主亦應該以公平 , 公開 , 公正既態度 , 針對性處理合理懷疑個案 , 並對個別人士作出適度懲處.

- 「講得出就唔怕認」! 所有參與人士都應公開身份 , 唔駛擔心對方搵你「尋仇」

- 除咗有關申訴 , 想Left 4 Dead 2 & FPS 版主提出針對 Left 4 Dead 2 既要求/意見都可以在此平台回報

   (唔好同 「用戶申訴」「用戶建議」等 版區混淆而產生誤會)

--------------------------------------------------------------------------------------------

5. L4D2 @vLan 聯盟 : 咩黎 ? 「L4D2 @vLan 聯盟」係 公會(union) 同 M群 既混合體 , 同樣以分版形式作為介面 , 不過必先向版主申請先加入到呢個聯盟 (申請方法並未諗到) . 對象為任何長期支持vLan所開設既Servers 同 建立既團隊. 有咩用 ? 運作得好既話 , 真係有好多用處 :

- 所有團隊及伺服隊伍都可以盡情宣傳自己 , 好似街市咁Hardsale黎引起其他人既注意

- 能集中統一 所有 L4D2 伺服器 & 團隊帖 , 方便外來人更輕易接觸 , 跟進 , 認識 各團隊及伺服器

- 團隊與團隊之間通訊更方便 , 聯繫更緊密 , 大幅增加交流(尤其係 44高對)既機會

- 伺服與伺服之間亦一樣 , 可以互相交流script , command code , 插件外掛 , source引擎既心得 , 促進伺服器既整體質素 (會唔會因為咁而引起競爭我就唔知喇 !)

- 分版只係初始形式 , 搞得好既話可以統一伸延至Facebook , Blog , Xanga , Twitter , M群 等交流平台

- 方便輕易招集所有團隊 所有伺服隊伍 , 一齊「跨團隊 , 跨伺服」討論 , 決議(投票) , 通知與 L4D2 @ vLan

既大小事項 , 例如我依家發起既呢個行動.

- 唔好攞「FPS團隊區」一齊比較 ! 呢個只屬於 Left 4 Dead 2 既社群 , 重於交流互動 , 通訊 , 宣傳 , 並唔係各團隊各伺服搞小圈子......

-------------------------------------------------

嘢就講哂 ! 大家不妨提出意見  尤其以上方案既可行性 !

[ 本帖最後由 RDiver 於 2010-2-25 04:30 編輯 ]

RDiver

留位先.................................................

藍染之神

我覺得方案2唔可行- -   你要知道掛機者分好多個性質 (例如 開場者 伺服問題 數據庫等)
方案3更新 要係宣傳方面著手 你地要知道更新檔成日出 要玩家接受咁急速既改變並唔容易
倒不如搞好方案1 分區同方案4  仲好 將玩家分流搞好遊戲品質 令其多元化
方案5 你同vlan高層講就得 唔係一個建議方案
我既意見主要都係vlan做番好個根基(先打好個底)

有甚麼意見給我 無任歡迎

RDiver

引用:

原帖由 藍染之神 於 2010-2-23 14:10 發表
我覺得方案2唔可行- -   你要知道掛機者分好多個性質 (例如 開場者 伺服問題 數據庫等)
方案3更新 要係宣傳方面著手 你地要知道更新檔成日出 要玩家接受咁急速既改變並唔容易
倒不如搞好方案1 分區同方案4  仲好 將 ...

我見到你回咗唔少post , 你既口吻同 天條院沙姬 好相似.....

首先你係第一個回我既人 , 點都多謝先 ........

都想有人肯睇我篇post ~~~ 用咗4個鐘頭寫 !

你講得岩 , 唔係每個方案都順利而迅速執行 , 仲有好多難關 , 我呢度都只係略略介紹我提出既方案 ~ 算係proposal 啩 !

我都覺得方案1 & 4 比較實際同effective.

★-ωιth.傑

我有時係網吧都有玩l4d2
成日爆ser

藍染之神

- -天條院沙姬?

4個鐘未免太多吧
方案簡單而實際就好

filter

其實COOP同VERSUS各自得兩個SER係咪唔多夠,3個得唔得
L4D1時2個SER都唔多夠,多人起上黎(星期6,7)多數爆,想玩都冇得玩

而你話掛機果到,我個人意見,不如每日SET一個時間(OR 每個星期SET一個時間)會清一清個SER,咁咪唔洗話下下過幾多個鐘掛機就CUT左佢,咁做個SER會負擔大左,又煩左- -''

至於更新方面,其實D人都會斷斷續續更新唔洗為E個問題煩既
(好似話當初好多人唔更新2008定2009,以家都去到2010,邊有得唔更-_-'')


最後個問題..VLAN官方面會唔會真係咁做,真係唔知-_____-'

天羽‧耀洋

引用:

原帖由 filter 於 2010-2-23 15:01 發表
其實COOP同VERSUS各自得兩個SER係咪唔多夠,3個得唔得
L4D1時2個SER都唔多夠,多人起上黎(星期6,7)多數爆,想玩都冇得玩

而你話掛機果到,我個人意見,不如每日SET一個時間(OR 每個星期SET一個時間)會清一清個SER,咁咪唔 ...

如果你咁做既話咁開場既人咪好大獲  咁岩出左街  返緊學返緊工  咁咪冇得掛場囉??

filter

引用:

原帖由 天羽‧耀洋 於 2010-2-23 15:52 發表


如果你咁做既話咁開場既人咪好大獲  咁岩出左街  返緊學返緊工  咁咪冇得掛場囉??

有幾多咁好人開埸會日日24小時都開嫁-_-'?
同埋我話清,又冇定幾時清,可以係朝早6點左右清一次,開SER果個可以第二朝反工OR反學前再開個唔會晒你好多時間掛..


而且問題唔在於開埸既人,而係掛機乜都唔做果D,好多日唔熜電腦掛足成個星期,但玩得個1,2日

天條院沙姬

引用:

原帖由 藍染之神 於 2010-2-23 14:27 發表
- -天條院沙姬?

4個鐘未免太多吧
方案簡單而實際就好

天條院米我囉
4個鐘意要諗加打字Ma 仲要double check 之後改

岩岩睇到上面講 d 24ser 如果係長開個場比人入果d人 又算唔算掛機呢
有d人真係會keep住玩佢個ser 佢自己唔一定會係入面
有好多出名ser都唔一定host係到 係有d admin姐
咁如果佢地唔算掛機 個個都跟佢地 開個ser出黎 話就話比人玩
但係就係掛機 霸位 又點捉呢..""""

踢走d係VS SER開coop既人 又可唔可行呢
你係game有冇辦法知道host個名丫 知道又知唔知佢Vlan ID丫
我諗我係game個名就應該唔少人見過 但係我諗冇人知果個係我啦
要踢佢都唔係易事 技術上未必可行

但係有個方法唔知得唔得 但前提係 你要係個場入面 要入到先得
入左之後 L4d既連線方法我唔清楚 如果係好似War3咁 Client一齊連Host
咁你用d firewall (當然唔係Windows果個雞野啦) 睇返l4d個port位
同咩ip連緊 之後就記佢E十vlan 既Lan IP 去個區到對表
對返佢個名踢走

但又有一個少少既疑問啦 究竟Vlan踢唔踢到user既呢 踢到又係咩人踢???
因為之前好似話 想將d ser減少 但係 因為有人係入面 唔可以就咁shut Down
咁點解唔踢人 再shut呢 係唔係因為Permission問題 定係根本踢唔到
係permission問題既話 咁係唔係vlan Ser主先可以踢人?????

[ 本帖最後由 天條院沙姬 於 2010-2-23 16:48 編輯 ]

藍染之神

引用:

原帖由 天條院沙姬 於 2010-2-23 16:46 發表


天條院米我囉
4個鐘意要諗加打字Ma 仲要double check 之後改

岩岩睇到上面講 d 24ser 如果係長開個場比人入果d人 又算唔算掛機呢
有d人真係會keep住玩佢個ser 佢自己唔一定會係入面
有好多出名ser都唔一定hos ...

哦 久仰大名

你所講果d野
都係好睇玩家夠唔夠自律性
你都知- - 唔係個個人都守規則
仲有關於踢掛機者 既文章
我意見就係 掛機者有分好多類
若果隨便踢人 只會讓玩家反感
但係要監察掛機者既行為唔係易事
須涉及機會成本 但vlan係一個免費平台
唔係個個管理者都肯做既事
所以 無謂係呢個問題 繼續爭吵

[ 本帖最後由 藍染之神 於 2010-2-23 18:26 編輯 ]

haku0027

2. 滅絕掛機者 : 除開場人士(Server Host) , 超過 3 小時掛機(唔係玩緊 , 又唔係開場 ,但佔據分區位置)既玩家 , 應該立即踢出分區 , 情況猶如斷線一樣 .

3個鐘我覺得有點多...d人翻到屋企入左vlan…洗埋飯沖埋涼先玩都仲得=w=…但係又可以霸左3個鐘

藍染之神

引用:

原帖由 haku0027 於 2010-2-23 18:53 發表
2. 滅絕掛機者 : 除開場人士(Server Host) , 超過 3 小時掛機(唔係玩緊 , 又唔係開場 ,但佔據分區位置)既玩家 , 應該立即踢出分區 , 情況猶如斷線一樣 .

3個鐘我覺得有點多...d人翻到屋企入左vlan…洗埋飯沖埋涼先 ...

正如我以上所說
監管掛機者需要成本
志在vlan肯唔肯用金錢聘請睇ser既人
倒不如做好分流工作

小殤×ㄦ

引用:

2. 滅絕掛機者 : 除開場人士(Server Host) , 超過 3 小時掛機(唔係玩緊 , 又唔係開場 ,但佔據分區位置)既玩家 , 應該立即踢出分區 , 情況猶如斷線一樣 .




做法 : vLan能夠判斷玩家於分區內的狀態 : 開場的屬於 {主場} ; 掛機的大多屬於 {準備} ; 入場玩就屬於 {主/客} ; 玩單機的就不清楚 . 如果vLan於系統上加設某些規則例如 :「如果 {準備} 狀態持斷3小時以上 , 玩家將被vLan強制性退出分區 」, 「若玩家再三番四次作出同樣情況 , 將短暫禁止其 IP 於所屬分區自由出入」

我覺得ban ip只會流少vLan人流...限時間都冇用,一ban左就去ggx/其他平台到玩,咁樣等於幫人地宣傳...

Pvt.Allen

強制更新的話,正版人士總會給你弄壞

ban ip 十分嚴重,有玩家可能出街時多次忘了登出域,無故被ban,十分無奈,自然影響vLan 形象

自此無人玩vLan
所以應廢除Ban IP 這條規例

另
有些人想玩其他圖時(場主和玩家同意),便轉了圖,然而犯了那規,
便要轉區,那玩家和場主便要走周飛(飛去其他區,追住個場)十分不方便

而且
有些高對是用插件製成,那該去插件區或高對區?
所以不應將正規和高對放在一起

vLan版主們可能不太有很多時間管L4D2,而招版主,太多版主便造成冗員現象..十分麻煩

[ 本帖最後由 Pvt.Allen 於 2010-2-23 20:01 編輯 ]