FanTasY1335

其實一個遊戲無必要去計較太多，
但不過小弟亦想就此帖發表下個人心得
樓主所指偷圖係入黎下載完張圖之後走人係咪?
其實你呢個問題無得嘈，亦都無意思講
係呀，樓主堅持入到黎點都要試一試先 即使場名話明比你知呢個圖係玩咩咩咩
入到黎就要試，唔試當你偷圖.... 其實你有冇諗過人地無果張圖亦唔代表佢曾經未玩過架...
有人岩岩下載完魔獸番黎想玩番兩手，見到個場名幾有趣入到黎，原來呢張係佢N年前玩過，但不過覺得好悶，所以走，咁又當偷圖?
無錯呀..身為場主既你，間唔中開下場既我，見到D人出出入入都煩，我都唔鐘意，見到無乜人入黎自然無心機等，跟住自己又走埋搵街場算....邊個唔想個個入到黎就係到等你開場? 個個都想，係每一個場主所期待既野黎
但係，言歸正傳，樓主所強調既偷圖，我想問你個問題，偷圖意義何在?入你個場係為左自己多張圖 係為地圖而玩，唔係為玩而玩? 其實有冇諗過人地真係覺得張圖無興趣，所以先至走?當然我唔係話呢D人係岩，但不過亦唔代表佢地錯哂，因為佢地都係為玩而玩，而唔係因為張圖悶，但係要比面場主所以玩 你明個道理未?
=====
OK 講完偷圖問題，以下我認為先係本帖應該強調既重點
未開之前D人出出入入都仲可以，我覺得最注重既入到去遊戲中途走場既問題
照開場慣例，開場前通常場主都會口頭數5~10秒以示準備，你走就而家走，唔走就留低，往往D人係趁場主數完之後，再交由系統數 / 遊戲中途果陣走，呢度先係最重要，
玩玩下5人對戰，無啦啦走左幾件，變左3對2，雙方人數仲係一樣都仲話可以，但係變左唔一樣，仲有咩意思?一面倒遊戲...
到守城，火守3條友，一個話唔識玩走場，第二個話食飯走場，得番你自己一個，咁當初不如自己單機好過啦? 食飯唔係唔得，但係你應該清楚你食飯前適唔適合玩呢張圖，當你唔知呢張圖會玩幾耐，但係自己都知道守城類型無一個鐘都唔使走啦係咪? 唔識玩都唔係問題，除非個場主唔肯教你，只要你唔係殘廢，可以問既 如果一早唔想玩，未開之前你可以走
====
樓主個帖唔係廢，可以勾起左個問題
黑名單亦都唔係廢，但有冇人去執行?
基本上冷門圖有人入黎捧你場已經算好好
====
點都好，以上只係我個人意見，小弟邊度得罪請見諒，對我以上睇法有咩質疑亦歡迎質問

[ 本帖最後由 FanTasY1335 於 2016-7-30 01:19 編輯 ]