mr.spt

本來以前既我係個好樂天 乜都唔理既人
直至小五 小六個兩年 個兩年都維持同一班人原班升上去
初時都冇乜野  之後隨住同同學愈來愈熟絡 就開始有個句講果句 得失左d人
之後佢地就開始帶頭排斥我 欺凌我 有時仲屈我講過某d野 而令其他人亦都開始討厭我
每次老師一行開左 就有條友走埋黎整我 小則整下我條o太 犀利既會埋黎打我性器官
體育又唔店 上親體育堂都冇人同我1組 有次冇人同我1組 要個阿sir同我1組
我開始感到絕望 想法愈黎愈負面 係其他同學眼中 欺凌者唔係對我拳打腳踢 打到流曬血
佢地都係以為我地係度玩緊 所以都係度嘻皮笑臉
但係我既角度 每次發生呢種情況 我都好難過 因為係全班面前出醜 比人羞辱
我真係冇曬尊嚴 每次分組活動都好擔心 自此以黎留下心理陰影 唔敢再同人社交
因為怕同老師講左 佢地會恰得我更犀利 所以一直都係度死忍
我盡量討好欺凌者 唔做一d令佢地不滿既事
就咁樣 終於挨過左兩年 但當中既辛酸 難堪 己經唔係文字能夠形容
我感到無地自容 愈黎愈自卑 留下心理陰影 唔敢再同人社交
直到呢家 事情已經過左7,8年 但係當時遺留落黎既影響實在太深
雖然識到班好好既朋友  但有時候 都唔敢太過親近自己既朋友 而選擇逃避
因為害怕再次受到傷害 同時唔敢行出第一步結識朋友
打呢篇文之前都諗左好耐 係現實都唔敢提返呢件事
但係屈埋係個心實在太痛苦 所以都係打左出黎..

mr.spt

引用:

原帖由 貓小姐 於 2015-8-24 02:51 發表
只有靠自己先可以走返出黎,過左去啦!你活得出色就算再見返唔使扮無野,直頭唔需要理會。想要有返自信就要自我增值,記得必定要謙虛一點,多學D野,慢慢就發現自信多左~因為事實上自己的確識既野多左~但一定要保持住謙虛 ...

嗯 多謝你 其實都可以樂觀D睇 經過呢件事之後 先發現做人唔可以咁自大 唔識尊重人
所以做人都收歛左