Just_1ose

1.自選技對新手玩家不友好,老手就屠人
幅圖已經係VLAN出現左一段時間,我諗大部份有玩既人已經知道點樣自選技可以最難都通到最後個關,所以基本上關關入場都係買返個套技,所以D人可能覺得悶,或者D新手自己摸索唔到買邊D技可以贏到/佢地唔肯亦都唔想哂時間去摸索幅圖究竟玩緊乜,加上新手競技場又比D老手屠,所以咪唔想玩自選技
2.你話V技睇運氣咁幅圖競技場賭錢咪又係睇運氣..,如果你個場D人奇數唔係偶數,競技場抽個陣打既時候又唔同左,你抽到個對手同你既實力差幾多又係未知數,當你抽到到可以觀察兩個實力差距最大既玩家既時候你就可以all in賺成倍身家咁
就算唔係完全睇運,咁基本上幅圖都變左係資訊性方面既戰鬥,睇下邊個掌握其他人既技能既資訊多D,你打緊怪個陣又要一路睇下其他人學左咩技記低人D名,之後競技場先係賺錢取勝既地方.你自己又要哂時間掌握學邊D技先勁.你叫D新手記低哂D技,仲要睇得出邊D技係勁,仲要一路打個陣睇埋其他人學左D乜技,先可以評衡各方戰力係競技場投資個陣有返咁上下把握,都起馬玩好多場啦.
諗起都覺得攰
所以某程度上自選技姐係 每個人揀自己覺得最勁套技黎砌combo,場場一樣=單機GAME,之後就競技場賭錢運氣=比你拎D入場既新手做羊架?
故自選技能根本都唔適合呢家魔獸玩快餐圖既風氣,V技輸左又有藉口抽到廢技好快咁走場重新玩過下一局,悠閒性黎講高幾多

你最尾指出 重點:點解唔試下玩自選技呢?
我諗d人應該係入完場比你屠完之後先唔想玩,
其實你某程度上話用唔同技砌combo咪姐係拎自己套必勝寶典出黎係到屠d新手..d新手就連d技係乜都唔知,可能連pve都過唔到,你就知道哂贏硬,pvp都諗住贏哂咁制,諗埋最尾個關ffa點贏,所以d人唔爽唔想玩掛