OneSark

遊戲簡介：
係一個小鎮入面，各懷鬼胎的大家到底可以擦出乜野火花呢？
找出並殺死其他玩家！或者投靠小鎮敵對勢力，甚至召喚BOSS將小鎮和各位玩家一並毀滅，遊戲玩法內容極之豐富！
適合有腦又鐘意刺激的你們！


關於遊戲：
呢張圖主要目的係殺晒其他玩家，記住每個玩家有3條命，死左唔洗RE~
一開始你會選角色先，留意角色唔係英雄單位黎架，記得Ctrl+1左佢，出左角色之後會有限時隱身，建議一開始唔好理其他玩家住，去賺錢先！


因為你轉任何職業、買裝要需要金錢，一開始可以去城東邊、地中心、或北邊做信使跑腿賺錢，點擊光環就可以轉職信使，買一件裝係身，放係左上(7)號物品欄先可以收到任務。(所有任務都會要求你身上幾號物品欄留空俾佢)
另外地下物品汁左可以賣，早期搵快錢轉職早轉早享受！

好喇！轉職記得放低身上所有物品！因為轉左職身上物品係會無晒既！切記！


轉職之後可以繼續轉職升上去，亦可以開始狩獵其他玩家～死左打 -UN 可以搵返個魂魄附身去其他人度！


同大家講一講正常既非隱藏職業！

民兵－城西民兵營，儲夠錢～買齊裝備可以轉做民兵，再升步兵，再升就係上尉，校官，然後到超強力的將軍。算係比較主流！
法師－法師塔登記做學徒～再揀你想轉做咩系的法師～記得變人羊黎拎奧法之核～！
弓手－弓手營轉職～新人殺手！記得要買箭先可以買到箭呀～！
儈子手－全職業最強的攻擊力，幾乎可以秒殺任何職業，但攻擊間隔極慢！呢隻點玩？有隱水你就無敵ＸＤ
牧師－城中大教堂度可以轉到～神牧之後點升？入去教堂殺左銀色領主或血色領主就可以做到大主教！
獄卒－地圖最左邊有條小徑，拎住風險投資罪犯人頭就可以升做獄卒～有極佳的追殺／散水能力～
狙擊手－城西民兵營附近～有錢就轉到～記得買子彈～
農民？！－想玩種田流？都係城西！
風險投資公司－正下方入礦坑～強勁的再生能力～不過唔係咁易轉的～
武士－血低於３０％就轉到！東南邊樹林內！
騎士－去城東南邊，搵下就搵到！
投靠黑水海賊－城東南海賊戰場度投靠即可！
骷髏系列？！－購買被詛咒的金幣，低於２０血時食左佢！恭喜妳～！變左有重生的骷髏人！（下一頁可變骷髏將軍）
鬼王！！－每局只可有一個鬼王！死左之後儲夠ＭＰ可轉！最強職業之一！


暫時列左咁多先！仲有其他隱藏職業！留待大家發挖！
Ｔ病毒爆發？ＢＯＳＳ入侵玩攬炒？外星人攻城？


越多人越好玩，最好滿人先開！！！