[Open]
[Close]
今年動漫節
~Day 1,排隊~
星期五(Day 1),我10am排隊,排左40分鐘就買到飛入場。
40分鐘基本上排硬架啦,只有多沒有少,星期六日無番2粒鍾都唔好諗住入去。
值得一提係,排隊期間,橋底樓梯到會展停車場的位置係無「額遮頭」的,今年就加左幾個帳篷尼擋雨,但係加D唔加D,即係都係要搭雨,唔知係咪唔夠錢定係點,不過咁做加左帳篷都等於無加,做左等於無做一樣。
~入場~
今年無咩心機睇晒所有攤位,尤其係要排隊先入到去睇的攤位(例如IronMan)。
一入到去先睇左Playstation,當然又係排隊先玩得果D就無去啦。
跟著去左睇高達,先睇官方,後睇粉絲自創。
下個係Xbox,不過睇完就算,玩都無玩。
今年我最主要都係睇Cosplay,包括動漫Cosplay大賽。
~Day 2,其他入口~
我發現除左正門之外,仲有3個入口可以直接入到會展(當然無任何人守住啦),咁我就有個問題想問大家。
無入場票要排40分鐘去買入場票來入場,咁有入場票的人點解要排隊40分鐘來入場呢?
真心想問,因為我真係諗唔到點解,我唯一諗到的係,有入場票的人係唔知道依件事(or秘密)。
~CosParadise~
我係其中1個入口入左去,唔洗排隊唔洗等,只要知就OK,入左去,我無飛,但係無諗住入去會場,所以無所謂。
同上年一樣,都有CP係會場外的走廊影相、坐底等等,不過就少左。(總好過上年被保安趕走)
講返3樓個CosParadise,空間好大,好充足,比起舊年大好多,明顯有改善。
有好有唔好啦,優點係免費入場,如果只係為左影CP的話,就唔洗突登花40分鐘+$35去影CP;缺點係有隔離的感覺,即係將CP逐出動漫節會場果種(雖然都仲有CP係會場內)。
由於會場同CP被分割,所以我地一係就入場睇+玩+買,一係就唔好入場就去睇CP(會場內雖然都有CP,但係少左好多),咪唔記得,離開會場係唔可以入返去架(請重新買飛入場)。
聽講CP都仲未滿意今年的CosParadise,但係我唔評論啦,畢竟小弟不是CP。
[ 本帖最後由 spiker 於 2015-7-26 17:58 編輯 ]
附件: 您所在的用戶組無法下載或查看附件