卡位專用

長話短說 我最近得罪左一個玩家叫超級逃犯 佢有好多朋友都係開場玩侏羅記 我得罪左佢可能以後入侏羅記場會比人踢
睇落好似係我衰 但係佢把口好似仲勁過我 有邊位中立既玩家可以幫我睇下邊個錯定岩 ?

註 : 我唔想係度開post架 但抱怨區無咩人睇 唯有係度開post引人注意 希望無觸犯版規喇

詳情 :http://www.ipve.com/bbs/viewthread.php?tid=638095&extra=page%3D1

卡位專用

講明先 我開呢個post主要係想解決 而唔係制造問題同引罵戰 因為我都只係想打機 玩侏羅記地
圖 所以唔好係度開戰唔該

[ 本帖最後由 卡位專用 於 2017-10-8 22:53 編輯 ]

卡位專用

其實你有冇咩證據證明我話人 就算係 都係人地搞我先話人 但係你擺到明係針對我喎 首先我話場主set錯mode 你就叫我走場 我呻左一句P_ 你就黎料 話我之前得罪唔少人 請問有邊個我係得罪過 ? 除左你之外 同埋話我無禮貌 其實睇番頭先果場 似係你開我波先 唔好咁搞笑好冇小朋友?頭先果場我一句都無話過你 係你叫我走場我先話番你 正常係人都會話你喇 本身想玩場game但係唔識玩 有心學想問人你就叫我自己研究 最後你就係咁踢我 問心 由頭到尾你自己有冇錯先 ? 我係頭先個post都應左自己衰 但係你就西利 又話我恥笑人又話我得罪人 到最後又乜證據都無

卡位專用

我知道版規 唔需要你提 我開post既原因只係想解決問題 而唔係鬧戰 你係要入黎開戰我都無辦法 我只係想提一提你 如果你開場你踢我係你自由 但希望你可以唔好係其他侏羅記玩家面前唱我 始終你大個仔架喇小朋友 話你兩句就踢人 出到黎社會咁樣唔得架

卡位專用

我再重申多次 因為真心驚你睇唔到 你好似無視我某D字句 希望你續個續個字咁睇清楚 :

一 . 我第一個回覆寫到明唔係鬧戰同制造問題 而係要解決 但你好似入黎話我要鬧戰咁 唔知你係要刻意誤導人以為我個post係鬧戰 等人地扣我分定係真係以為我呢個post係鬧戰喇

二 . 請勿係無任何證據下抵毀我 你話我成日恥笑玩家 又話人ON_ 仲話我叫人滾 但係以上無一樣野你可以用證據證明到 相反我條link反而證明到我係想問你教我點玩 但你叫我自己研究 最勁既係 我話場主set錯mode 你第一時間係叫我唔鍾意可以走場 而唔係話無set錯

三 . 場主 姐係你個朋友都未出聲 你就出聲叫人走 你話我(你睇番第2個回覆 自己講左D咩 話我叫人滾 ?)之前請檢討自己(入條link睇下 第2張圖你講過D咩)

四 . 點都好 以上既證據起碼證明到我做既野係想澄清自己 唔想其他侏羅記玩家誤會 日後可以繼續玩侏羅記 你要針對我踢我 入我post話我係鬧戰post係你自由 而我開呢個澄清post亦都係我自由

卡位專用

引用:

原帖由 sam8dog8 於 2017-11-8 16:09 發表
講真 樓主你本時做過啲咩自己知啦  有時有新手唔識救你就係到話人講哂粗口又剩 你個開新AC吧啦

其實呢 唔知頭唔知尾既最好收一下聲清楚下發生咩事先好比意見 除非你係果D白痴新手 你知唔知有D新手係點樣唔識救我 ? 我都未打字教佢 佢地已經係度做智障野 人地係我格黎做智障野就得 我講一下粗口話佢就唔得 ? 你都幾好野 唔係好明新手有咩特權 做錯野唔洗比人鬧 我玩咁耐講一下粗口就要比人鬧 請解釋一下

卡位專用

引用:

原帖由 236691031 於 2017-11-13 16:08 發表
樓主，你真係好中意做d 低b野，係咁話d新手，仲要控制開場點樣開，我記得你有開過場，不過就無人入，其實玩侏羅紀來來去去都係幾個，你自己出現問題就咪死雞撐飯蓋啦~~ ...

唉 我真係投曬降 你話我係咁話D新手 係因為有人係我格黎搞破壞同做智障野 我先話佢 之後又話我控制開場點樣開 我認真無做過 你有證據就拎出黎 我有做過就會道歉 個個vlan玩家都係咁 自己把口就係證據 如果呢個係vlan打機潛規則 咁我道歉喇 我都唔知點同得把口既vlan玩家相處 我做野就鍾意有證有據 vlan玩家就鍾意砌人生豬肉

卡位專用

引用:

原帖由 唯※新 於 2017-11-17 19:10 發表
那利申中立,侏羅記地圖整左咁耐,我挽足咁耐,本身隻game基本你挽到高難度仲要黑夜模式邊有時間教你,好似挽其他圖例如巨魔,保證冇人可以全部教曬你,1唔得閒2本身vlan就係靠自己既心得同經驗,所以例如有d高手侏羅記好勁 ...

唉我再覆一下喇 反正一個二個都無視我既回覆 一個二個根本入黎想引戰 睇一睇呢個post第2個回覆講咩先 就算犯版規都係我問題 如果版主要扣我分同要我道歉我會照做 不過首先唔係對住你地咁多個玩家先

好喇之後你話我話人so pk 不如你禁條link入去睇下我第2個回覆有冇認自己衰先 好喇到打唔打中文呢個問題喇 講真其實關咩打唔打中文事 我就算打中文話整錯模式喇 咪等如set wrong mode la 冇咩分別 你講到我打英文就好似打左佢一身咁 唔知你點諗喇

好喇你話咩fd場 雖然我知佢同果場既紅色係fd 但我唔知佢係咪私底下玩 如果係私底下玩 佢頭一場就會講fd場 之後踢我 咁我都唔會咁嬲 亦都唔會有呢個post出現

仲有你話咩問人野就等如低人一級 我真係得啖笑 你個階級觀念都幾重下 我問一下你 如果朋友同朋友之間問問題 係咁等如問人果位 地位就低過比人問果個 雖然我同超級逃犯唔係朋友 但算係一齊打過一場game既隊友 隊友同隊友之間我覺得係平等 我就唔知你係咪果D比人問問題 就當人地係你手下既人喇 但如果有隻game 有新手問我野 我唔會當佢狗咁先 我最多咪唔答佢 我唔會話新手唔識走場喇 不過主要問題其實係話佢態度比我更差 而唔係唔肯教我野

最後喇 講證據 其實我已經post曬出黎 我唔小心講錯左一句set錯mode 佢就叫我唔鍾意可以走場 唉唔想再重覆 唔該禁條link入去每張圖每個字睇清楚  反而係呢個post既其他玩家 只係得把口話我曾經點點點 但係又冇圖冇replay 想點姐 ?

卡位專用

其實呢個post既問題 我同超級逃犯之間其實私下傾過 已經有過共識 大家都知大家既問題 亦會去改善番 唔知點解又有咁多無謂人又黎推番個post 仲有成班人係無證無據入黎圍插我既 好喇我亦知道我玩侏羅記有時係過左火 我下次玩會收儉下個人 有玩家話我咩都RE 的確我曾經有咁樣做過 我為此道歉 亦唔會再咁做 但唔代表我認同呢度既玩家做既野係正確 例如話我咩鬧新手 又話咩控制人開場 真心一頭無緒 冇做過又點認呢 ? 所以先叫你地比證據 成班花生友與其咁鍾意入黎食花生打字推post圍插我 倒不如用圍插下我既時間諗下點樣令到vlan有更多人玩仲好

卡位專用

引用:

原帖由 唯※新 於 2017-11-17 19:10 發表
那利申中立,侏羅記地圖整左咁耐,我挽足咁耐,本身隻game基本你挽到高難度仲要黑夜模式邊有時間教你,好似挽其他圖例如巨魔,保證冇人可以全部教曬你,1唔得閒2本身vlan就係靠自己既心得同經驗,所以例如有d高手侏羅記好勁 ...

呀係 比你咁搞一搞 我都禁左條link入去睇下有冇咩打漏左 原來佢一開始第一句唔係話我自己學令我嬲 而係第一句就叫我走場(張圖寫到明 我打字打錯左) 呢個先係我嬲既地方 不過算喇 其實我唔想再提喇 我同佢之間既問題解決左 其實同佢玩過好多次 佢的確係個好玩家 所以我唔想因為成班無聊搞屎棍既花生友而令到我同佢又反多次面
如果你地的確係睇我唔順眼 無所謂 歡迎黎向我挑戰 不過首先你要搵到證據 圖同replay係首要 之後再開個post插我 我對於無證無據既言論真係唔知點覆 有證據我會向你道歉 無證據請收下聲食花生算喇 好嘛?