spiker

我係21:00訓著左，然後故事正式開始

02:00(夢境時間)，我阿媽返尼整醒左我，然後我訓過。
06:00(夢境時間)，我阿爸叫醒左我，我感覺只訓左4分鐘，於是我出門返工。
11:00(夢境時間)，我去到黃大仙中心的C醫生的診所門口，可惜已經截止登記(現實和夢境的截止時間都係11:00)，當時如果我返工，我會遲到1小時(現實的返工時間係9:00，由診所行返公司需時15分鐘)，所以我淆晒低。
之後的夢境時間我已經無留意，跟住我由馬路東面過到去馬路西面(馬路西面係我公司大概位置)，去睇會考成績。
睇完之後我由馬路西面過到去馬路東面，路過見到婆婆，我同婆婆講我去左睇會考成績，然後婆婆話陪我睇會考成績，之後我就跟住婆婆尾，過去睇會考成績。
之後行行下，我塞機無神尼左新蒲崗的小巴總站，個婆婆失左蹤，我係咁叫+搵婆婆都無用。
之後我見到某間輔導班的幾位Miss(一定唔係中小學)，佢地係到派傳單做宣傳，我走埋去叫佢地，佢地唔認得我。
之後有一位副校級的Miss認得我，佢帶我入左佢的輔導中心，同佢講左好多野，之後佢拎住本書問我︰「岩唔岩睇?」我答︰「好啊!」然後佢成疊書比晒我，一疊好多書、好重，之後我拎住成疊書想離開。
我行到門口，一開門就有大批學生行入尼，我根本出唔到去，跟住我手上拎住的燒鵝跌晒落地。
Miss叫我︰「你應該將D燒鵝分享比人嘛」之後佢將D燒鵝一邊燒BBQ，一邊吐口水，然後我呆左。

故事結束，我醒果陣03:50(現實時間)，係有好多野唔合理，但係發夢就係咁，永遠解釋唔到

[ 本帖最後由 spiker 於 2017-4-12 21:24 編輯 ]

珍珠。奶茶

第一段:休息唔夠
第二段:你壓力太大，比得上會考個陣，就算去到出成績個一刻你都仲係咁
第三段:本來有個人陪你分擔,但佢走左數
第四段:你想搵番以前識既人黎分擔,但佢地唔SO你
第五段:好在後來有個人黎搵你，同你講左好多野，你對佢有意思,你想同佢XXOO
第六段:但撻Q，最後連fd都冇得做
第七段:你應該搵其他人
第八段:發現你其實唔係咁鐘意佢
似係ex cool得你太緊 後來分開左
之後又有第2個對你有意思,但你淨係想呃蝦條
最後fail左,然後你又發現左佢一d你唔鐘意既行為,跟住你就覺得自己唔係咁鐘意佢

最近有冇感情問題?

[ 本帖最後由 珍珠。奶茶 於 2017-4-12 20:16 編輯 ]

spiker

引用:

原帖由 珍珠。奶茶 於 2017-4-12 20:13 發表
第一段:休息唔夠
第二段: ...

其實我的故事的真正段落，係以「句號」計算，所以總共有10段。

第1段= 阿媽
第2段= 阿爸
．2段合共= 休息唔夠
．回應︰岩! 我幾累啊，當晚仲食左止行藥。

第3段= 診所
第4段= 會考
．2段合共= 你壓力太大，比得上會考個陣，就算去到出成績個一刻你都仲係咁。
．回應︰我怕返工遲到，不過估唔到返工遲到比得起會考成績。

第5段= 婆婆 (本來有個人陪你分擔,但佢走左數)
．回應︰我中5果陣，有2位幾熟的女同學話「我有事可以搵佢分擔」，但到我真係有事果陣佢地無幫+避開左。

第6段= 新蒲崗 (你想搵番以前識既人黎分擔,但佢地唔SO你)
．回應︰我畢業後，想搵返果2位女同學分擔心事，但係玩MIA。

第7段= 輔導班(好在後來有個人黎搵你，同你講左好多野，你對佢有意思,你想同佢XXOO)
．回應︰第3位女同學搵我，同我講左好多佢的心事，於是我有D鍾意佢。

第8段= 重書(但撻Q，最後連fd都冇得做)
．回應︰第3位女同學唔再聽我電話，或者聽1次爆粗1次。

第9段= 走後門學生(你應該搵其他人)
．回應︰我試過搵第4位女同學，然後佢最後1次同我講野就係叫我「搵其他人傾計」。

第10段= 分享(發現你其實唔係咁鐘意佢)
．回應︰係架，我唔係咁鐘意第1-4位女同學。


總結︰
．似係ex cool得你太緊，後來分開左
．之後又有第2個對你有意思，但你淨係想呃蝦條
．最後fail左，然後你又發現左佢一d你唔鐘意既行為，跟住你就覺得自己唔係咁鐘意佢

回應總結︰
．我從來無女朋友，所以無Ex。不過似係調返轉，我Cool得第1-2位女同學太緊，後來分開左
．都係調返轉，我對第3位女同學有意思，但佢淨係想呃我感情
．最後fail左，然後佢又發現左我一d佢唔鐘意既行為，跟住佢就覺得自己唔係咁鐘意我
．咁我明晒發生咩事，睇尼我中五同大專1年級，依2年的感情嚴重影響我的生命，唔該珍珠奶茶姐姐

-★軒x0┐〥

個人太眼訓 去到夢中再搵地方訓教又真係好似訓著左先深刻haha

spiker

4月15日，我係23:00訓著左，然後8個段落的故事正式開始(今次完全忘記夢境時間)

我去到自己間小學，入去望下就掉頭走，然後見到F書記，我淆左底，我知佢見到我就會搵我追數，之後就無左畫面。
我係屋企睡房訓覺，然後醒左，我將鬧鐘放係窗邊，個鬧鐘無啦啦變左鉛筆跑，然後鉛筆跑卡住係窗花。
我係公司2號基地見到其中1位同事。
滑雪場地，有好多Mario的金幣，似係睇緊其中1位Youtuber打機。
用Wii Remote，Cursor經過就汁星，按A就汁子彈，似係玩緊Super Mario Galaxy或Resident Evil: Umbrella Chronicles。
兵長同幾位隊友騎住噴射蒸氣的飛行掃把係貨車下飛行。
我係公司2號基地見到W同事。
阿媽帶我到老遠的荃灣商場(但室內似係新蒲荋廣場)食飯，出左商場後就尼左聖母書院同聖母醫院之間的馬路，阿媽傻笑飛舞。

故事結束，我醒果陣06:59(現實時間)



4月22日，我係00:30訓著左，然後13個段落的故事正式開始(今次的夢境彷彿睇緊2套電影︰Life、Passenger)

6位太空人，3男3女︰
．學生妹(女主角)
．漂浮女
．好兄弟男
．英雄救美男
．開槍男
．變節女

女主角前往地下鐵，然後塞機無神就身處太空站。
變節女唔知點樣出賣女主角，最後唔知點樣死左。
開槍男向女主角開槍，然後跑走，最後唔知點樣死左。
英雄救美男抱起女主角跑上醫療室，成功救左女主角，3人傾計，但最後唔知點樣死左。
好兄弟男陪英雄救美男救女主角，救左女主角之後，3人傾計，但最後唔知點樣死左。
漂浮女漂出外太空死左。
第1個結局︰女主角死左，唔記得係比大魔王殺左，定係女主角漂出外太空。
第2個結局︰漂浮女同女主角係太空站外爬行，突然其中1人失手漂出外太空，另1人想伸手救佢，結果佢都漂出外太空。

第1套電影睇完，睇第2套。
之後阿爸帶我睇戲，我地入到戲院果陣，我先知道我已經睇左依套戲，於是我同阿爸講依件事，不過既然一場尼到，睇多次啦。
睇的過程中，我不斷諗到電影之後會發生的劇情(畢竟已經睇過)。
開頭沒變，女主角前往地下鐵。
突然下個畫面就係，2男1女坐係張長枱旁邊的椅子，見到側邊的Sofa有大批女解除休眠醒左，仲問我地「幾時醒左」之類的第1次見到會問的問題。

故事結束，我醒果陣06:00(現實時間)

[ 本帖最後由 spiker 於 2017-4-29 07:10 編輯 ]