[Open]
[Close]
工作不可收利是? (V2.0)
小弟有一件拖左2個月先捨得講的事︰「返工期間不可收取利是」。
根據「防止賄賂條例」，任何顧員不得收取任何利益。
係我新年返工期間，有42人比利是我，但係我1封都無收過。
我試過以下6個情況︰
一．光明正大將利是伸直隻手比我
->最多人咁做，長者多數唔知咁樣係違法，其他人則明知故犯
二．將利是從褲袋用最快速度推到我隻手or衫褲袋
->簡直好似毒品交收咁，明知唔岩但又唔知點解又要咁做
三．直接將紙幣推比我
->只有1人咁做，除左覺得有少少特別之外，並沒有其他分別
四．比利是我，我話唔要，佢話「乖啦」
->妖! 話左唔要你咪聽lo，仲咩要硬來姐?
五．當眾比利是我
->係大眾市民見到的情況下比利是我，即有如係警察面前打劫
六．比利是我，我話唔要，佢放係枱面，之後仲要叫我「快D收左佢啦，唔係你仲麻煩啊。」
->依D人最(粗口)，咁你知麻煩就唔好玩D咁既野啦，又要玩，又要驚
我試過另外2個較好的情況︰
一乙．跟情況一，我拒絕後，佢同佢的同伴話︰「依個好乖，佢地(員工)係唔收得(利益)架」
->依條友好似好D，但咪又係明知故犯
七．問︰「比唔比得利是你架?」我答︰「唔得架!」所以佢就無比。
->依個好好多，問左人先，然後不進
我的處理方法︰
頭3個情況= 我一係就thing手(唔要手勢)，一係就講「唔要」
第4個情況= 我行左去暗角，等佢睇我唔到，佢就走左
第5個情況= 係咁講「唔要」，佢終於收歛走人
第6個情況= 當佢想捐錢但唔記得放入收錢箱，幫佢放入去
其他補充
．1日最多有13人比利是，最少有0人(只係試過1日)
．一般人比1封利是，通常裏面都係裝1張紙幣︰$10,$20,$50,$100
．我又好少見到D古靈精怪的野，例如利是入面有︰朱古力、書籤、白紙、表白卡等等
．設所有利是都有$50，42封利是則有$2,100(即相等於答岩2條百萬富翁的問題)
．$2,100算唔算多錢，我唔知道，但我可以肯定的係，收左依筆錢就係貪污，水洗都唔清，毀滅你的一生前途
小弟︰你咁鍾意錢，咁你唔好去店舖盜竊，反正都係犯法坐監架啦
佳佳︰咁點同呢? 店舖盜竊係犯法，收利是就係......(輕左機，Error 404)
講完，只係想話你知我唔想坐監+我克服到貪婪咁解，欽此。
我估會有佳佳咁講︰妖! 咪兜個靚彎讚自己神Sup 0兵啦。
[ 本帖最後由 spiker 於 2016-4-19 03:23 編輯 ]
