Ａries

小弟第一次開貼，今年中三，係呢個學期的確經歷唔少。學期初，因為打機，‘溝女’ ，每晚都兩三點先訓，而我又係跨區返學嘅學生，每日六點就要起身，七點就要上車，否則一定遲到。雖然我好少遲到，但因為睡眠唔足嘅緣故，每日上堂都趴左係檯，等小息，等放lunch，等放學。半過學期過左，中期試成績出左，成績中下。見到自己d fd就算成績一般，但都有d專長嘅科目特別嘅高分，而自己課課都普普通通，沒咩特出嘅科目。後來，女又溝唔到，成個人頹曬 ，我就諗，究竟我上學期返學做過d乜？於是下學期生生性性啦，每日唔超過12點就上床訓覺，之後都冇乜上堂訓覺啦。雖然我上堂都唔算專心，但都好過訓覺唔聽書啊。經歷左一學期啦，前日係返學嘅last day，我同fd係學校影左好多相留念，有好多同學都好唔捨得，因為下年選科分班，仲有個fd放左學之後喊左出黎 。我地都笑拒中六先黎喊都未遲啦（當然係講笑感講啦）。琴日就開始考期末試了，宜家目標考試全級60內，希望揀到心儀科目，黎緊三年讀都讀得開心d嘛 。好了打到呢度停了。。

[ 本帖最後由 Ａries 於 2013-6-8 11:36 編輯 ]