講真 其實我已經冇玩信長好耐~~只係1個星期間唔中補1-2次團
因為依個論壇我只係由信長出生 所以我剩係想講下而家信長好弊既地方
純粹個人觀點 不要鬧戰
唔介意你比評語 但唔好針對我個人 希望針對主題
首先第1樣好大既問題
某d玩家會因為 某一場團戰 而自我感覺十分良好 然後就認為可以係信長界出名
其實我真係唔明 玩信長點樣可以分到實力高低 係咪真係大家所講 連技快 抗吹箭 單殺 控場到位 就叫所謂既勁?
其實我真係好憎d人因為某一兩場人地既失誤就抽水 又或者某一場自己既表現特出就好似變成vlan第1打手咁
贏左當場炮人係可以 炮完未算囉 點解事後又要抽晒水 第2場人地贏左又要重抽舊事?唔通咁樣自己會好過d?
第2樣問題 亦都係我之前既問題
鐘意招人滅號/滅團(所謂既榮譽之戰)
其實我從前都係一個好鐘意炮完人就招人榮譽戰既人 但因為接觸左信長差唔多5年 睇既事都變左
事後我都諗返 唔覺得招人榮譽戰/贏完人整人片 自己個心會唔好過?
係咪真係係網上面所以就可以亂黎 人多蝦人小 識多人 有多人幫 就係自己岩
我想問一個問題 你岩完又點 你岩既跟本唔係道理 而係人多同你既盲論
第3樣問題 亦都係承上一個問題
信長既人好鐘意隨波逐流 見高就拜 見低就踩
我好堅持一個信念 由我玩信長第一刻直到而家 我從來冇r過一個fd
我同自己講 你當我係fd 我自然當你係fd 你唔鋸我 我由你唔鋸我
其實依個問題亦都係好多信長低技術人士(簡稱信長基層人士)既問題
因為新玩信長 就好鐘意周圍識勁人 認為識到勁人 自己既實力都會提升一樣 但係我想問一問而家既玩家
有幾多個而家玩得信長勁既人 會願意付出時間去教你點玩每一隻英雄 會願意真正當你係朋友?
我由玩信長到而家 其實同我一齊玩過既都知我係玩輔手位 或者我唔出名
可能我係對戰既途中用詞會比較尖銳 但有問過我點玩每一隻英既人都知 我會好用心咁去教你玩 例子有好多 但重點唔係依到
我只係想講 玩信長既目的可能真係純粹enjoy/開心 但係咪真係咁著重自己既名氣??
我唔算係d咩野老手/高名氣人士 其實係因為見到近排vlan既玩家同以前既vlan玩家真係改變左好多
以前=真係追求學習技術 打團係為左交流
而家=榮譽之戰 虛張聲勢
我真係想同而家玩信長既人講 同思考1d問題
玩信長其實係咪真係要咁著重名氣 係咪入過大團就算係勁
點解街場會出現咁多走場既玩家??
點解而家冇人願意付出時間去教人點打團戰??
點解而家既團隊同以前相比會小左咁多??
點解會咁多人認為而家既LOL好玩過信長??
我真係唔希望而家既風氣會係信長界繼續承傳落去 咁搞法信長真係好快會沒落
另外有一master對vlan人員的分類
紙包蒸餾水
第一種叫做被虐狂
簡介:呢類人非常恐怖,佢會不斷挑釁人地炮轟佢,愈多人開炮佢
就愈爽,而且呢類人一般將自己實力水平過分地提高,不斷
挑釁炮戰係當中尋找刺激同快感,呢類人同馬德鐘幾乎並稱,
仲要係愈多p愈快樂個d,佢地既行為又稱「博吊」~~
特徵:實力平平
打字極慢
行為極似思覺大師
腦袋一般用作裝草
第二種叫做炮王
簡介:呢類人一般都有一定實力,而且會不斷自視為「炮王」,佢
幾乎係被虐狂既另一個極端,會不斷開炮,其口水若斷公升
計仍超越二戰時期死亡人數的總血液數量,而且呢類人一般
都係人神共憤,但仍有一批死忠支持,情況就好似黑社會咁
佢地會不斷搵d弱者挑釁,間中搵d同樣自視為炮王或是實力
相約既人挑戰一下,但永遠見低踩見高拜
特徵:實力中上,甚至高
打字極快
非常主觀
沒論點論據可言
非常好戰
第三種叫花生友
簡介:呢類人一般只會看戲,間中抽插一下,實力有高有低,所謂旁觀
者清,當佢地發現其中一方有明顯優勢,就會群起抽水,如果返
回白惡紀時期,佢地會係一堆速龍,最聰明又係佢地,最煩又係
佢地,仲非常團結,基本上吾大單都吾見佢地,食慣大茶飯既花
生友屬於極度煩厭兩棲類,而兩棲分別係指神同鬼,神又係佢
鬼又係佢
特徵:群起獵食
人格分裂
第四種叫護主犬
簡介:呢類人非常忠心,比狗更忠心(我都分吾清係人定狗),佢地既主
人可以係男可以係女,就算佢地主人殺人放火,姦淫擄掠,卑鄙
無恥,下流賤格,佢地都不捨不棄,佢地同耶穌最大既分別就係
佢地只愛主人一個,會排除異己,呢類人又稱「太監」(不像嗎?)
特徵:富攻擊力
富有愛心(只限主人)
會吠的
只要主人遇到攻擊,便群起反擊
第五種叫禽獸
簡介:呢類人幾乎係護主犬既天敵,佢地一鎖定目標就會猛烈進攻,佢
地類似炮王,但不同既係佢地會事出有因,呢類人智慧比較低,熱
愛用下體辯論,普遍先攻擊目標的母親,故有禽獸之稱
特徵:說話一針見血(人身攻擊個種)
無視敵人反擊
會不斷瘋狂進攻
[
本帖最後由 花汶 於 2011-11-26 16:14 編輯 ]
