萬般的蠢事

前幾日同朋友文莉傾電話, 佢又講起佢一個離世哥哥既其中一次遭遇,我又係度分享出黎比大家睇下

文莉好細個既時候佢最親近既反而係最大既哥哥, 佢地相差十幾年,但哥哥同嫂嫂都好錫佢.以前佢地全家住係南x村,後來哥哥結左緍搬左出去住,佢地搬左去X德池附近,一坐叫X豐樓既大廈 但過左無耐有一次佢地又半夜三更搬番南x村屋企, 原來發生左一件事.........
話說文莉哥有一晚返到屋企訓覺,當時就因為係夏天,所以就裸露上身訓覺啦,但訓到迷矇之間,突然有把聲出現, 果把聲不停係佢耳邊說話,文莉哥想彈起身之際, 發現全身動彈不得,而且周圍氣溫突然變得好涷.但呢把聲仍然繼續纏擾文莉哥,原來呢把聲話好嬲文莉哥每晚都半夜三更返黎,仲要去廚房整東整西攪到鬼殺咁嘈, 令到佢不得安寧(文莉哥同呀嫂都係做夜場人仕,所以佢地既作息同普通人掉調哂)同埋果把聲話佢困左係廚房好多年,要佢地幫手買路票佢先可以沖出呢個廚房走出街, 咁先唔會攪佢地, 要文莉哥幫手做呢樣野,當時文莉哥雖然全身唔郁得但始終無答應呢隻鬼魂任何野,咁呢隻野就不停係佢耳邊講野,直到佢老婆放工返黎,見到佢老公爭大眼,跟住就走埋佢推佢一下, 結果文莉哥先郁得番,同埋當時佢地一齊見到,文莉哥心口既一個玉觀音完全裂開哂,當時文莉哥二話不說,就拉埋老婆執野走人,半夜三更搬回南X村舊居...........
但後來文莉哥都無幫呢隻鬼魂買路票, 佢心諗比你出左去仲得了,仲可以周圍去打攪人,所以直情後來搵師傅做左一D 野,但做左咩野文莉就唔知了, 因為果時佢都係小朋友, 唔太明大人之間所講既咩黎~

傲x小虫

真人真事?

MeSs!

用咩錢買路票？

lkw??

堅係真??