[Open]
[Close]
蕉林
我地元朗地方都算大, 有d村名, 我依家都識唔晒, 理個故仔係一個波友講比我聽.
我的朋友叫呀強, 佢唔係元朗大, 係近呢幾年由香港搬入元朗一個人住, 佢條村村口附近有一遍竹林. 竹林后邊係蕉林, 日頭行過, 都會覺得陰森, 夜晚更生人勿近. 但是出入都係必經之路.
聽老一輩講, 蕉林好野鬼, 所以會係蕉林綁條紅繩, 防止d鬼 , 人走出走入. (我條村就無咁多人種蕉, 所以我都唔清楚係點樣)
講番呀強, 有次星期六出去飲酒, 佢話自己都飲到貓左,, 返到村口都2:00左右, 咁落車行返去啦, 夜麻麻加上都咁夜, 除左d要交菜, 都會好少人行過.
咁差唔多行到竹林附近, 特然聽到有d聲, 佢就停係到聽清錯啦, 呢d聲係蕉林傳過理. 咁就雙眼focus個邊. (個條村係有街燈, 所以都唔會黑麻麻)
佢見到個蕉林d樹係咁郁, 但個晚又無乜風, 咁鬼奇怪?. 唔通有人係蕉林打野戰? 可能呀強飲左酒, 膽就大左, 所以佢去睇下係咪啦, (佢講都未見過有人打野戰).
咁佢靜靜地行過去啦, d 聲就越來越清楚, 睇真d, 原來有隻牛係蕉林食咁d蕉, 唉, 以為有得睇打野戰添....
咁就擰轉頭走啦, 特然又聽到d聲, 呢次真係女係人聲啦, 咁呀強就走入去啦, 睇下係咪有人打野戰, 但蕉林有d紅繩綁住, 所以就穿過入去睇下... 個把聲越來越大, 咁佢就越心急要睇下, 到蕉林中央, 都係聽到d聲而無人係度.. 咁奇怪?.. 唔同飲大左會有幻聽? 算! 都係反去大覺睡好過...
當佢想走個陣, 特然全身郁唔到, 好似定晒形咁, 佢感覺背脊有隻手係佢后面摸佢... 心諗, 死啦, 今次一定撞鬼, 個度隻牛好似知危險咁, 都跑出個蕉林...佢話當時情況就好似時間停頓左咁...
呀強諗番起當時感覺到有人爬係佢背脊咁, 個身就好重個d感覺.......都唔知過左幾來, 佢聽到有人叫佢, 咁雙眼又focus把聲係邊處傳過來. 原來係路邊有個男人係度. 個人應該係交菜出村口.. 但係佢想叫, 又叫唔出. 想郁又郁唔到.
好彩個男人行過來睇下佢咩事, 當佢走到過理個陣, 全身有郁得返啦, 咁就老死都跑啦. 到個男人前面, 個男人問佢咩事, 佢就話番剛才是野啦. 點知個男人就鬧佢, 你無見到條紅繩咩, 佢話見到, 見到都就入去, 你想死呀.
當時佢邊會知理d事呀, 所以就唔該前唔該后叫個男人陪佢番去... 到第二朝起身, 見背脊好痛, 咁就出去舖仔食早餐兼比人睇下佢背脊, 個老闆幫佢睇下啦. 一望, 見有d抓痕, 另外又講, 你去過蕉林個邊? 呀強講, 你又知道我去過..
跟住個老闆講, 你地d外姓人當然唔知啦, 係新界地方, 見到d紅繩, 切記唔好入去. 信不信又你. 但係有咩事就關人鬼事..
咁個老闆都好好人, 叫佢等下, 佢幫呀強整d藥叫佢飲啦.. (個時都唔知乜東東,就飲啦.) 佢飲完問係咩藥啦, 佢話唔係藥, 係符水...一陣就無事, 咁就係舖仔等一陣, 咦, 真係無咁痛喎...跟住就問清楚個老闆, 呢條村d野啦, 唔好下次又懵懵地領野.
后話: 有時d外姓人, 都唔係好清錯每條村d野, 所以真係入去住, 就問問有咩習俗, 有咩唔好做最好.
