萬般的蠢事

唔知大家有無睇過"愛登事家庭"呢? 有嘅話, 仲記唔記得入面有隻會行會郁嘅手呀? 我舊屋嗰度都有呀 ......
我年紀大少少, 大約7,8歲左右, 屋企嚟個傢私位置大轉移。我張上下格床由入門口的右手邊,改放喺爸爸媽媽大床床腳嘅位置, 即係我嘅床頭緊接佢地床尾。我床頭係通窿嘅, 所以可以唔掂地由自己床頭跨上媽咪張床, 床與床之間只有伸手入去嘅闊度。有一次,我跌咗d野入條隙度,咁好自然哄個頭望下條隙, 睇吓跌咗喺邊啦, 點知我啱啱一望, 我見到有一隻連手碗嘅手(唔好問我左手定右手, 我已經唔記得咗)好快咁由媽咪床底閃咗嚟我床底, 我實在太驚, 即刻由自己床頭爬咗去媽咪床尾。媽咪同細佬問我做咩, 我話:"我見到有隻手喺床底呀!我跌咗野落去,我唔敢執呀!" 媽咪話我亂講野, 叫我快d執番佢, 我唔敢伸隻手入床底, 因為好驚嗰隻斷手會捉住我隻手, 一諗到就好驚 : , 所以我惟有pa喺地下, 一手攞電筒照床底, 一手用掃巴掃番我d野出嚟, 確保唔會掃到隻怪手........

自此之後, 我就用被或者枕頭之類,將d隙位填好, 因為我真係好驚會有隻手由床底爬上張床....
不過, 好彩, 之後我都無再見過隻怪手lu, 反而聽過其他人講過有怪手how窗。

ThE_Off

好可怕,因為我都試過撞鬼,所以我都驚驚地