萬般的蠢事

小弟係做中港生意既，好多時都會需要應酬，而當晚我都係同客食飯，不過地點就係深圳，一食就到晚上十點，本來都可以早d返屋企，不過飲左酒又揸左車上去，諗諗下都係搵左間野按摩散下酒氣，初初食完飯都感覺怪怪地，好似有人跟住我行咁，不過都係嗰句，飲左酒，有野都當無野。
其後沖好涼去揼骨喇，我一個人係房等技師來，一路睇電視一路等，望一望外面原來一早技師到左門口，我咪問佢點解唔入來囉，點知佢竟然話：「你朋友在，所以我在門外等。」
講到我個心都寒一寒，不過我都係無理，照揼喇。好喇，揼完都成兩點，過程中都無咩特別，落去比錢走人，當時我肯定我係清醒既，點知，個收銀加埋大堂既知客都有成十個人，同我講：「謝謝兩位光臨。」我當堂嚇一嚇，心諗，唔係掛，真係有野？
之後都係歸心似箭，照揸車過關返屋企。我住彩虹既，當時只有皇崗24小時通關，所以我都係行上水經吐露港公路穿大老山返屋企，戲肉來喇，我揸車一向都開窗既，只開司機位，但係當晚我至少有四次睇住另一邊窗自動打開，我都知有料到架喇，所以我四次都關返好佢。如是者一直返屋企喇，好景不常，有路障，要吹波仔測酒精，咁都要吹喇，攪左10分鐘，之後警察放我走，之後，警察先生說：「先生，你身邊個小朋友好聽話喎，靜靜座係度等你，小心揸車喇，你今次無超標呀。」
今次我終於忍唔住，我就問阿sir:「我由大陸返來到而家都係一個人，你話有個細路坐係度？咪嚇我喇！」
心後呢個後生警察突然面色一沉，同我講：「可能我睇錯，因為而家真係無人，得你一個係車內。」
慘喇今次，第三次喇，又係人地見到我見唔到，路途中看真係極不安，我感覺到（小朋友）喇，好不容易，我返到屋企拿拿聲泊車喇，當時剛好3：00，我一落車，見到個（小朋友）喇！半透明，一個8-9歲既男生，面色蒼白，但係好真實！看當時都幾驚，不過我由細都見到大，都係用同一個方法，我睇你唔到！照行返屋企。回一回魂後，行到大堂，安心好多喇，有親切警衛嬸嬸，都再無感覺到小朋友喇，不過我係lift最後都聽到一句：「爸爸叫我來睇你。」

其後我問一問有玩神打之類既親戚點解比野跟，佢話好大機會係我客人養既（鬼仔），至於咩目的就真係唔知，不過從當晚之後我都無再見到呢個客人同鬼仔lu.....