萬般的蠢事

《喜劇之王》係喺1999年農曆新年出品嘅香港賀歲電影之一，亦係香港電影明星周星馳首次自編自導自演嘅作品。
呢套戲係時裝劇，講一個對演戲有自己一套美學嘅人，點樣俾人認同自己演技理念嘅故事，當中有喜亦有悲。

尹天仇係一條村裏面街坊福利會嘅管理員，同時亦係一個非常執着於演戲技巧嘅人，間唔中會做吓臨記（俗稱「茄喱啡」）嚟過吓戲癮，可惜佢嘅演戲技巧得唔到其他人嘅認同而成日俾人鬧、俾人趕走。喺一次做臨記嘅時候，因為演技上嘅問題而令成組戲要再拍，搞到女主角杜娟兒非常嬲，就俾導演趕走話以後都唔用佢，重要出到去想攞個飯盒都俾場務阿毛奚落，將個飯盒掉落地餵狗都唔畀阿仇。

阿仇冇得再返去戲棚做臨記，但係仍然念念不忘演戲，於是搞咗個街坊劇場，劇目係出名嘅文學作品【雷雨】，但係啲街坊嘅反應冷冷淡淡冇乜興趣，最終都係冇人捧場。第二日佢又返去戲棚度要求再畀機會佢演出，咁啱啲道具有問題而畀佢頂上去做，雖然佢專業精神令到杜娟兒好欣賞，但最後又係闖禍收場，個飯盒又係俾場務阿毛掉咗落地餵狗。

另一方面，一個喺夜總會做公關小姐嘅柳飄飄因為唔識扮學生妹服待客人而得罪人，差啲喺夜總會要坐冷板；後來個公關女大班帶咗佢哋成班女去搵阿仇研究演戲嘅心得，想喺夜總會搞嘅「學生妹初戀之夜」度搵多啲客捧場，點知講講吓阿飄飄就因為俾阿仇寸親而發脾氣走咗去。跟住返工嘅時候，有個超級公子龍少爺醉酒話要搵初戀，面對成呎高嘅一千蚊紙，飄飄即刻用阿仇教嘅演技去對付，居然成功得到龍少嘅歡心之餘重賺埋佢啲錢，於是第二日就返到去村度搵阿仇正式討教。

後來村口嚟咗班人拍戲，咁村裡面嘅小惡棍洪爺就派個新仔去收保護費（俗稱「收陀地」），但係個新仔其實係啱啱畢業嘅大學生，只係暫時冇嘢撈就喺村度跟住洪爺四圍蕩；洪爺見佢薯頭薯樣咁唔夠惡，所以就搵咗阿仇去幫手教個新丁扮惡人，同埋點樣去收保護費，點知呢班攝影隊原來己經有黑社會關照，喺阿仇嘅鼓勵之下，呢個新仔雖然都繼續「演出」，而且最後都俾佢收到少少錢返去，但係就俾人打到血流披面。

第二日，阿仇又再返去戲棚，希望用堅持嚟感動臨記主管再畀機會佢演出，正當又俾人拒絕嘅時候，點不知又咁橋有個替身可以畀佢做，但係呢次除咗又令到導演發火趕佢走之外，重搞到對手嚴重灼傷。去出面想攞飯盒走，亦照列俾場務寸而得唔到飯盒，重話佢毫無演技跟本唔夠班做戲，令到阿仇非常之沮喪。

返到村，阿仇勸咗想去開片嘅洪爺去做話劇，當晚排緊【精武門】嘅時候，柳飄飄嚟到冇觀眾嘅劇場度睇佢哋表演；後來阿仇同飄飄喺沙灘傾計，傾傾吓就產生好感，最後跟咗阿仇返中心宿舍度過夜；第二朝阿仇因為覺得唔好意思，就趁飄飄喺出面吹風時將自己嘅身家拎晒出嚟做肉金，飄飄入房見到，於是好冇癮咁拎咗就走；阿仇諗諗吓覺得自己對飄飄都有多少感情，就彈起身追出去，重應承會養飄飄一世，令到飄飄離開時都有所感動。

阿仇都係死心不息得唔到啲飯盒，於是又再返戲棚搵場務爭取，誰不知俾人捉咗入去會議室；原來杜娟兒有套新戲開拍，但係原本嘅男主角阿大哥因為太忙度唔到期嚟拍，於是娟兒就想起用新人，而目標就係想用阿仇；娟兒同班老細即席考驗阿仇嘅演技，得嚟好大嘅讚賞，就係咁阿仇就拎住份劇本歡天喜地咁走咗。

呢邊廂，阿仇同娟兒出席大小記者會同埋宴會，另一邊廂，飄飄繼續佢嘅公關生涯，但係佢個心因為掛住阿仇，搞到得罪超級公子龍少而俾人打咗一身。某個朝頭早，正當娟兒要接阿仇去開會嘅時候，帶傷嘅飄飄突然出現，要搵阿仇兌現養佢一世嘅承諾，阿仇亦一口答應。可惜好景不常，當阿仇去到會議室正準備開會時，娟兒突然宣佈男主角要畀返阿大哥做，阿仇因此而極度失望，連劇本都差啲扯爛；正當佢喺出面淋雨嘅時候，場務阿毛突然出現向佢招手，原來阿毛係警方嘅臥底人員，因為事出突然而想搵阿仇幫手做一場冇得NG（No Good，即係唔得要再拍）嘅戲，過程雖然令到阿毛受咗傷，但係最終都得到阿毛嘅讚賞。

阿仇飄飄同班街坊終於得到娟兒嘅支持可以演出【雷雨】，故事就喺一片過千人嘅掌聲中完結。




個人感想 :
由於我自細已經封星爺為偶像,
所以我對佢部部戲都好熟。
喜劇之王我感覺上係星爺咁多部戲入面,最正經,最認真既一部戲
話晒都係第一次自編自導自演
以前睇星爺既戲,佢既角色都係好活潑,相反呢次唔同
呢次演一個為自己既理想而追求到底,就是演戲。
這電影教曉了很多人生的道理,亦是他當年的遭遇,一個黑暗的娛樂圈啊!
希望會有更多人支持星爺
[星爺出品,必屬佳品]


[ 本帖最後由 萬般的蠢事 於 2011-4-14 18:22 編輯 ]

囧-神

睇過了.... 唔錯.... 幾好睇....

星爺出品,必屬佳品 支持

萬般的蠢事

星爺每套戲都咁好睇的

車震三分鍾

支持 星爺我又鈿睇到大

-Mr.Red

星爺 教人收數個度最好笑

Mp.

佢些作品冇得頂

情花似秋菊

拎住枝樹枝篤個細路仔下面

ShinGO.o

睇十次都咁正

水の源

星爺真係好勁......
套套戲都可以咁多笑點......
個編劇都好勁

ShinGO.o

引用:

原帖由 水の源 於 2011-11-10 17:46 發表
星爺真係好勁......
套套戲都可以咁多笑點......
個編劇都好勁

冇一套係冇笑點.

L-st風

唔錯唔錯

♥Siu§β

星爺片推推

我比人反殺

佢D笑點真系....笑到我