littledemonlynn

好大篇文章，因為太多字回覆唔到係之前個post，我在此開帖，希望你地認真耐心睇下，事情係因小女子早前開左一個post而起:
《[url=forumdisplay.php?fid=294&filter=type&typeid=4][[疑問]][/url] 如何防止錯按[ctrl + space bar] 彈game》
http://www.ipve.com/bbs/viewthread.php?tid=151792&extra=page%3D1



發問後，有好多會員回我教我點做，我係一個有禮貌既人，所以我認為需要續一回應多謝番佢地。我認為現今網絡上、論壇上好多人，覺得上左網人地就唔識你，從而覺得上網係完全唔需要有禮貌咁對人，唔需要理人感受，亦喜愛講好多令人難堪既說話，為人不負責任，我係嚴重鄙視呢類人，亦因為咁，我先續一回應佢地，因為我鄙視個類人，所以我選擇唔去做個類人。

講左咁耐，問題黎喇，突然有個系統消息（PM）指，Nightmare夢版主
扣左我10金幣，原因是「連帖」，咁我就不明所以，回覆番一個PM，要求版主解釋何為「連帖」，見佢無回覆，我就係post留多次言（見該post#14）。然後係當日下午6:31終於有回覆，就係中文字四隻：「連續回覆」。（不包括句號）

（一）當時我見到呢個PM時我真的無言了…此乃做版主應有的態度嗎？我認為一你態度差、二你無禮貌，對唔住，我個人真係好重視態度同禮貌既問題，因為我覺得咁係可以反應出一個人既人格同修養，或者俗稱家教。

（二）既然版主你覺得我有問題，點解係我的post留言既時候就隻字不題（見該post#13）？為何背後卻發我一個系統消息扣我分？我真係一頭霧水，此乃vLan版主既一貫作風嗎？

（三）*有勞EDDIE6446版主、xtream版主也注意。
根據 紀敏版主的：Left 4 Dead 綜合索引及版規(03/7/09)
http://www.ipve.com/bbs/viewthread.php?tid=136658&extra=page%3D1
版規內並無規條指出不得「連續回覆」，乃有條文「4. 禁止任何無意義回覆或純感謝文」，但我可以講句，我係認真回覆所有熱心教我既會員，而且，Nightmare夢版主
亦無引用在內任何一條條文去扣我分，請問扣分此事如可作實？此乃出師無名也。

老實說10金幣對我黎講有何用？我可以送比人都得，但係我認為，你因為呢樣野扣我，就算扣我1金幣，我都會覺得不滿，因為我不滿既係你既態度、你既處事手法。

（四）既然Nightmare夢版主 覺得我錯要扣我分，點解唔教番我要點做，而是要另一位版主去教我呢？但係，EDDIE6446版主 要求我用「編輯」，但如果你地版主覺得我地會員回咁多要你地做咁多野、勞煩左你地，咁此論壇既「引用」要黎做咩？存在有咩意義？「引用」功能正是要方便會員去引用一些東西而作出回覆，你地格硬要會員「編輯」，難不成要難為別人麼？

（五）Nightmare夢版主 於該post # 20 的回覆，首先，我並唔同意咩少少錢買教訓，而家並不是市場買菜，不是等價交換，而且，我由打從開始都不同意你的講法，更不滿意你的態度。你話分唔出咩係善意咩係惡意，甚麼助長他們的歪風，言下之意即是小女子是惡意、是在搞歪風嗎？你話你唔係第一次提，但在於我角度，我是新會員，你要如何assume我是知道？很抱歉我不是先知，我不是甚麼都知。版主除了懂得技術上的問題，幫助會員、管理秩序正是版主的功能之一，如果你地分唔出，請問如何管理秩序、如何當版主？如何叫vLan六十萬名會員服眾？我相信不可以。

（六）關於xtream版主 於該post # 22的回覆，小女子知你新官上任，卻有點不敢恭維…我翻查了紀敏版主的「Left 4 Dead 綜合索引及版規(03/7/09) 」，實左見不到有「不得連續回覆」的條文，請問你們如何知道咩時候應該扣 /唔應扣？如何依照版規辦事？抑或你地有版規係我地「新手上路」睇唔到的？而且，而家小女子並唔係因為區區10「虛擬」金幣而憤慨，亦無要生要死要跳樓，我不是那麼膚淺的人。

你提到「我地要做既就係好好管理自己既版,同解決版友既問題.老實講,善意同惡意,有咩人會唔識分呢?大家有眼睇啦.」，你提出既point的確好好，但係而家係做版主，唔係要做警察，唔需要事無大小扣人分找錯處，如今你地覺得我錯怎怎怎的，點解最初扣我分既時候無人教番我點做呢？怎麼「新手上路」的會員都比版主們熱心？當時版主們都去哪？而家你地覺得好似地位比人挑戰，覺得我搞事搞歪風，就一湧而上說這說那，請問，版主是這樣的嗎？是要置人於死地的嗎？而且，小女子並無搞事的意思，我只係敢言，敢言別人不敢的言。

有麝自然香，用心教導、幫助會員，不需花巧諸多事實，做好本份別人自然看得出誰是好版主，誰是神檯貓屎。有技術才能卻沒有領導者的心思心意，容我直說，頂多只能當個技術員。有人話：如果無版主做程式，我地無得玩。係，講得無錯，但係同時你地要知道，無我地呢班玩家，你地做幾多程式都無用，只會徒然。所以，我認為版主和會員應互相尊重，貴為版主，何不身先士卒馬首是瞻，為會員做個好榜樣呢？

只於殺人這個比喻，會是一個好的比喻，但假如你是當警察的話。我講過，現在是當版主，不用見小偷就拉，而且我不是犯人，我也不認為我有做錯過。

（七）對於Nightmare夢版主 於該post # 23 的回覆，你話你先警告一次再扣分，但當時你一來就是個扣分PM，請問警告在哪？抑或你從前警告過別人就當是警告以後的人？定係雙重標準？對，你有你的做事方式，你就是太有你的做事方式，你看得見自己的缺點嗎？你能接受批評嗎？你夠公正嗎？當版主不易的，接受自己缺點的人才有進步的。

你話「統一」最好，唔知你有無睇過《衰鬼上帝》，戲中男主角常想當上帝，做了之後，發現每日都有成千上萬的禱告要決定回覆，他不勝其煩，結果全都給答「Yes.」，你知結果嗎？結果就是人人都夢想成真，幾十萬人一起中六合彩頭獎……。這就是不用腦，得過且過的後果。每個人也不同，每個人的生活模式、思想、行為也不同，請問你要如何硬來把會員們「統一」呢？所以我說當版主不易的。





總結：
講左咁多，我不覺得我有做錯過，但如果你地堅持要扣我分我亦無話可說，總之做版主，最重要的還是：服眾。

[ 本帖最後由 littledemonlynn 於 2009-9-15 00:11 編輯 ]

無名㏒言重

好同意樓主的講法
仲有就係想請問版主可唔可以無理由扣人分嫁
我的朋友無拉拉俾你地扣左分波
就係因為支持樓主就要扣分扣到講唔到野?
你地到底做版主的時候有冇諗過要認真咁做?
定係認為有權力咩都得? :@ :@ :@ :@

SamChoy

絕對支持
坐定係到食花生（orz...俾人發現打錯字)

樓主講得無錯
做得管理員，做得管理方面既位置
首先一定要管理返好自己，跟住規矩做事

Vlan論壇一直都唔係土皇帝既方式運作
而係一個有條文規定，大家都要尊守既論壇
而所謂大家
更加應該係指下至會員上至壇主所應該尊守

今次呢件事
在情在理都係樓主個邊
希望還樓主一個公道
板主還樓主一個清白

不喜勿鬧！

[ 本帖最後由 SamChoy 於 2009-9-14 22:57 編輯 ]

marcus1993

樓主...我地撐你呀 !!!!
抗議....抗議.....強烈要求個版主去睇醫生呀...

無名㏒言重

完全想得到一個合理回覆!
-9積分.想點?!:@:@

紀敏

引用:

原帖由 無名㏒言重 於 14-9-2009 10:21 PM 發表
好同意樓主的講法
仲有就係想請問版主可唔可以無理由扣人分嫁
我的朋友無拉拉俾你地扣左分波
就係因為支持樓主就要扣分扣到講唔到野?
你地到底做版主的時候有冇諗過要認真咁做?
定係認為有權力咩都 ...

邊一張帖既邊個 卑邊個扣分扣到講唔到野?!

請講清楚.方便處理
如果是違規有機會被扣分然後禁言數天 不一定是永久禁言

引用:

原帖由 littledemonlynn 於 14-9-2009 10:14 PM 發表




好大篇文章，因為太多字回覆唔到係之前個post，我在此開帖，希望你地認真耐心睇下，事情係因小女子早前開左一個post而起:
《[[疑問]] 如何防止錯按[ctrl + space bar] 彈game》
http://www.ipve.com/bbs/viewthread.php? ...

回樓主

引用功能是可以在同一個回覆裡面使用.
我而家卑例子你
而且你其實無須逐一回覆引人誤會.
可以一次回覆.簡單點一句.
"多謝熱心幫忙既各位"
樓主無須如此氣憤
如果閤下對本區版主有任何疑問.可以直接pm我

新手☆仁雨

我的朋友只係係如何防止錯按[ctrl + space bar] 彈game呢個post度提出問題
點知就俾人扣分
紀大可以去望下

windsang

引用:

原帖由 littledemonlynn 於 2009-9-14 22:14 發表

我翻查了紀敏版主的「Left 4 Dead 綜合索引及版規(03/7/09) 」
實左見不到有「不得連續回覆」的條文

7.禁止重覆發帖  及 禁止連續開多個主題發問，請將所有問題集中於同一帖子內發問
回覆 都可以叫做發貼 ( 粒button 都叫做 發表貼子)

nicho459918

就憑你識欣賞Jim Carry既戲，我已經要力撐你=]

唔理邊個岩邊個錯，做版主點都要有個交代，

俾一個可以令人信服既理由黎去扣樓主既分，

否則我認為最好撤銷番你對樓主既懲處

新手☆仁雨

叫左無言post圖了
可以去如何防止錯按[ctrl + space bar] 彈game呢個post度搵番到底咩是
我都唔知咩是.但係我的朋友就係俾人扣到咁

引用:

原帖由 無名㏒言重 於 2009-9-14 22:32 發表
完全想得到一個合理回覆!
-9積分.想點?!:@:@

我係gerrard526
做咩要整到我-9分呢~?
我無鬧人wo@@?講道理唔夠人講就禁我言^^?

yesterday5617

咁如果唔只係多謝人重有d野對幾個某某人講   只係對幾個某某人講  咁樣對幾個某某人既回覆  個個既內容都唔同咁點可以簡單一句去回呀??

新手☆仁雨

引用:

原帖由 20090107 於 2009-9-14 22:38 發表


我係gerrard526
做咩要整到我-9分呢~?
我無鬧人wo@@?講道理唔夠人講就禁我言^^?

可能下個就到我了
好怕波.唔知會唔會扣我分呢

windsang

引用:

原帖由 yesterday5617 於 2009-9-14 22:38 發表
咁如果唔只係多謝人重有d野對幾個某某人講   只係對幾個某某人講  咁樣對幾個某某人既回覆  個個既內容都唔同咁點可以簡單一句去回呀??

To: yesterday5617

xxxxxxxxxxxxxxxxxxxxxxxxx
xxxxxxxxxxxxxxxxxxxxxxxxx
xxxxxxxxxxxxxxxxxxxxxxxxx

To 紀敏

xxxxxxxxxxxxxxxxxxxxxxxxx
xxxxxxxxxxxxxxxxxxxxxxxxx

or

引用:

原帖由 yesterday5617 於 2009-9-14 22:38 發表

xxxx

hihi

引用:

原帖由 紀敏 於 2009-9-14 22:38 發表
xxxx

hihi

紀敏

請與本案無關人士切勿煽風點火.否則一律禁訪IP 一個月
與此次事件解決方法將會稍後得出
如有會員被無故扣分請以該帳號於用戶申訴區發帖

引用:

原帖由 20090107 於 14-9-2009 10:38 PM 發表


我係gerrard526
做咩要整到我-9分呢~?
我無鬧人wo@@?講道理唔夠人講就禁我言^^?

此問題我會處理

[ 本帖最後由 紀敏 於 2009-9-14 22:47 編輯 ]