有好老婆就要小心收埋，有好文章就要攞出黎派通街
我「頂」你！
(頂帖)
話說遊戲研究其實是一種風氣
RPG有上萬字的心得攻略(RPG出身的本人就寫過)，FPS都可以有
而且L4D比其他同類遊戲更值得有人為它寫心得，因為L4D是少數對於隊工和策略要求非常高的FPS
一般FPS強調反應和準確性，個人技術更是唯一的生存之道。
然而在L4D的世界，個人技術和反應只是一個很大很大很大的BONUS.
原因之一是L4D的聲音系統預先給了玩家很大的提示(而大家都很易忽略)
有些非基本的個人技巧，如推高蹼HUN，不太熟習也不會影響你生存的機會太多(對於一般對手)，只要企位得當(不給對方太多高蹼的機會)，又曉得聽聲︰預先大約知道特殊感染者的位置(對BOOMER超有用，可以穿死佢，或保持距離)，加上聽到對方攻擊的聲音時(如SMOKER「雪」人，又或者HUNTER瓜瓜嘈)，大家都會看看自己隊友是否安全，這樣即使有人給擊中了，其他隊友都能很快解圍。
如此一來，即使你整個隊伍都不懂推HUN，也不至於全滅....
加上認聲技巧跟即時反應完全無關，是可以短時間內熟習的，所以個人天份在L4D裏面就更顯得較為次要(雖然一樣重要，有D人實在太屈機)。
由於這些不能表達的天份和反應等因素都不是L4D的重點，大家更應該把較多注意力放在討論上，討論風氣一但形成，就唔會玩極都仲有D老遠出世的BOOMER呀，響你面前蹼咗都唔識救果D「激死人」(<----名詞)啦！
你話見一個教一個好，定係攞出黎齊齊分享好？
下次邊位見到D唔識玩既，覺得佢地KAI到頂唔順既，就化悲憤為力量，上黎VLAN到寫番個心得POST，總比你發個抱怨帖，又或者輕嘆無奈然後走場有用得多
VLAN上有更多有用的心得POST，一定可以吸引到更多人上黎睇，個版人氣高，交流速度便會上升，雖然版主的工作量會上升，但我相信佢地一定開心過成日答埋D重覆又重覆的無意義問題帖……(人氣高，搞比賽都響D>.<)
仲有，人地發表心得，就算你識都唔洗下下走出黎認叻，果D「十年前都知LA」之類的回應唔該唔好再出，有人發D你知既嘢你就應該欣慰︰太好了，又多個人知道。鼓勵一下發帖人嘛
最後，遲D我會嘗試下翻版、唔係，係翻譯下STEAM上的技術文章，希望對大家有多D幫助>.<
[ 本帖最後由 PET1230 於 2009-7-2 01:16 編輯 ]
