《測驗１》
呀ｓｉｒ：我係唔會話你地知聽日測驗出d咩架
同學：哦
(幾秒後)
呀ｓｉｒ：記得溫書，尤其是意大利o個part
同學：．．．．（的確唔知聽日出咩lo = =）
《測驗２》
呀ｓｉｒ：今次測試太差喇
同學：係咩
呀ｓｉｒ：你知唔知你地有３個問題
同學：咩問題呀
呀ｓｉｒ：第一，無速度！第二，唔夠快！第三，太～～～慢喇
同學：．．．．（一義多詞，好野）
《測試３》
呀ｓｉｒ：而家派卷
同學：邊個最低分呀
呀ｓｉｒ：我係唔會講你地知邊個最低分架
同學：車
呀ｓｉｒ：黃小明，放學黎見我。
同學：．．．．．（咁你同講左有咩分別呀）
《測驗４》
呀ｓｉｒ：好而家測驗，收埋書，邊個未得
（有人舉手）
呀ｓｉｒ：好，全部打開書，溫多兩分鐘
（兩分鐘後）
呀ｓｉｒ：好收埋書，仲邊個仲未得
（又有人舉手）
呀ｓｉｒ：太慢啦！唔等啦，最後兩分鐘
《測驗５》
呀ｓｉｒ：今次我俾４０分鐘你地測驗
同學：呀ｓｉｒ
呀ｓｉｒ：仲有２５分鐘就落堂，好！而家開始測驗
同學：．．．．（到底有幾多分鐘呢）
《測驗6》
呀ｓｉｒ：測驗分數ｇａ高低係唔緊要架，最緊要係唔好低分
同學：．．．．（到底咩先係唔緊要）
《測驗7》
呀ｓｉｒ：呢一ｐａｒｔ你地要記好佢，會考果時ｍｃ有機會出呢ｐａｒｔ
同學：哦
呀ｓｉｒ：ｄｂｑ（歷史資料題）又有機會出呢ｐａｒｔ
同學：係
呀ｓｉｒ：長問答都好可能會出呢ｐａｒｔ
同學：．．．．（會考除左ｍｃ、ｄｂｑ、長問答好似都無野出喇）
《測驗8》
呀ｓｉｒ：你地知唔知呢題考你地ｄ咩丫
同學：咩呀
呀ｓｉｒ：呢題其實係考你地識唔識
同學：．．．．．
《測驗9》
呀ｓｉｒ：呢度你地咁樣答，係唔得架
同學：點解呢
呀ｓｉｒ：你地咁答，唔單只無分，仲會俾人扣到一分都無
同學：．．．．．
----------------------------------------------------------------------------------------------------------------------------------------------------------------------------------------
有幾個真係笑到o-嘴...
希望可以為水區的泳客帶來歡樂
