★Crazy_Jim

首先，無論你玩乜英都好，首要條件就係出到裝先有得打，如果唔係無輸出傷害都係等gg
咁有咩方法可以出到裝呢？
個人認為，洗兵就係最好既方法，再進一步當然就係洗兵後跑cp區啦
洗兵既意思即係將打路既每一批兵食哂佢
以本多為例，最佳既洗兵方法就係出雙電，2技電電就洗到一批兵，夠洗到32分鐘。洗兵對新/中/高手黎講係唔錯既選擇，因為咁樣可以確保自己出到裝肥得起，先至有機會同敵軍抗衡。
而且，洗兵既技能都有一定既傷害，對前期輸出/汁雞有好大既幫助，
加上洗兵係洗完即回防/回營補mp繼續洗下波兵，咁樣令到敵方無咁容易捉到你
補充：走cp區既最佳方法，當然是出火甲最好不過。
至於出裝方面，絕對需要睇情況而定，而唔係下下都出同一樣裝
例如如果對面好壓既話，盡量唔好拖裝，因為本身已經肥唔起
相反，如果打肥料既話，梗係出企路裝望住自己爆塔啦
因為爆一座塔有450 講緊差唔多洗2批兵先做到，而爆埋650更加令到全軍多400蚊出裝
畢竟呢隻game係玩爆大本為勝，唔爆塔點得呢
咁爆塔好簡單啦，姐係用方法將箭塔/兵營摧毀而獲得額外既金錢
爆塔既方法主要有好幾種，例如有普攻，火計，國崩，英雄技能（毛毛大技松9 1技）等等
咁有咩方法可以安全爆塔之後走佬呢？最好既方法就係等隊友會戰緊果陣爆塔，咁樣就一定唔會有人幾個圍你，其次既就係揾隊友從後backup
咁如果遇著d弱智隊友點算？唯有出火計/國崩慢慢推，不過遇著d智障隊友，我會選擇走場，因為玩黎都哂氣
另外，仲有一樣野，好多人都唔記得/太輕敵既一樣野，就係出魔水，記得會戰一見人就開魔水，唔係只會比人圍/秒。
當你集合哂以上3個因素之後，咁樣你就可以成為一個出色既主力，至少唔會比人話肥料先
如果反應好既話我會出下集，不過都係睇心情啦xD

Marcus.

WO好勁啊

Black.Shit

WOW 好似好勁 WOW