以上係借題發揮 >山廣告
以下係個人對檢舉制度實行後既見解 不吝指教
1.探討有咩工夫可以做 而唔係純粹等呢個萬中無一既政策沿住單一表面既 減少走場目的實行落去 我係檢舉小組 都會做到無意思啦 實有人走場既 但如果話係為左以後信長未來著想 配合其他政策 比賽 令信長更多人玩番 我相信佢地會更有動力 大家互push 達可持續發展
檢舉小組既難處 日日都有人走場 MH霸道 每次都要睇RP 對話 再判斷呢D人既生死
是十分累既工作
EG 比人嘴炮走場 比人洗泉洗到走場 比人MH殺到走場 比同隊崩潰平手崩到走場 既案件更加係複雜既難題
但我認為檢舉小組既制度已經好完善 而且絕少不公正的情況發生 讚!
而我認為檢討既 唔止係成效同工作效率同守則 仲要加少少美好既幻想 以下就係我希望發生既可能性 希望大家睇到之後會向呢個可能性進發！。！
05 到底可唔可以比到信長友一場享受既信長? 我認為係得既 但會係長期既事
1.檢舉既阻嚇作用 > 減少走場 >更多的55完場
檢舉以玩家作監察者 舉報走場人士 令人係05入GAME之前諗下會唔會完唔到場 確保完到場先入GAME玩 自然每一場入game既人都係諗住用1小時以上打哂 減少1d打打下補習 打打下食飯既情況 (事關怕比人封ac)
2.遊戲質素上升
既然玩家確定自己會以唔走場前提下玩既信長，自然會認真咁玩啦 無理由係度hea玩(除非有玩雷人eg 智障平手) 因為hea玩會比人屠 帶黎差既遊戲體驗之餘 仲無得走場 姐係比人屠足一個鐘 試問有邊個想比人屠足一個鐘? 玩家唔想輸 自然會打路更認真 更識得同團體溝通合作 因此係雙方實力相近既情況下 場信長就會變得更加精彩 而呢d咁好玩既場 自然會重燃唔少信長玩家啦
但同時搶路 團英 組隊屠街屠到人走場(samll jj事件)等問題 令街場可能變得唔好玩 呢d情況會唔會變得更嚴重就要睇時間證明 詳細唔多講 唔想太負面
不過我認為團英既情況唔算壞 團英多數都係op英 例如信長稻姬毛毛直江 用呢d英真係好易屠人 而且兩軍都用得 好公平 自己唔想比人屠既情況下 玩呢d團英自然更有安全感 遲d 05每一場信長都係團英對決我都唔會意外 反而係一個好既改變
咁咪令每一場信長變得要求更高技術含量 符合更多人刺激 雙方盡力打信 既需要 更可磨練自己既技術 令想技術比拼既人 就入05打高質街場(聽人講當年ggx？） 想hea玩就入其他ser(方便走場)呢件事容後再講 或
信長友可以係當中更容易夾齊5個位組團 長遠復興團戰
3. 05 會變高質ser ,而05ser會成為新血目標 in other words ：成就 eg LOL 30lv咁
05 係n(未知數)既時間後 成為高質ser 新血唔知掛機可以升lv 自然會為入05不斷打信 (升10lv)而打拼 令05ser變成一個新血既信仰 練勁信長既地方 又或者 撞到d信長界名人 eg (kkx sky 隨風而去)
我記得新手果陣入04 03打街係一件好好玩既事 因為你唔知幾時會撞到勁人 名人 又有1d 新奇玩法
以上呢d 都係我希望之後見到既事 當然要玩家配合 檢舉小組不計自身利益 利他主義行先既精神 努力幫捉走場 啦
但我覺得 係有d野要改善的
1
.團戰風氣
就算係05玩到勁哂 做哂05霸主 有咩用 係完成左一個目標之後 如無下一個目標攻略 自然對信長失去熱誠 覺得信長再無挑機性 呢個時候就係團戰出黎既時候 講到尾 信長都係一個5人game 如果 每次你隊友都係唔同人 對於1D追求刺激信長既人黎講 街場未必夠喉 反而團戰就滿足到佢地既需要 EG 信長面對雙CUT 等等 更重要既係 團戰有中二元素 既然打團要5個FD 自然要默契好啦 大家就會有鬥志想贏每一場信長 出黎既 就係友誼 呢個都係咁多人唔捨得信長既原因 -->戰友因素 大家因信長而連繫一齊
因此信長盃係一個唔錯既選擇 要證明自己係最勁 就要贏信長盃啦 贏信長盃要長期練習 隻GAME自然長期有人玩 係呢度建議增加更多推因素 推動玩家由街場走向團戰 拉1d 05既人去打團 話哂05得240個位 當05滿足唔到x批人既需要 就要有第2d地方比佢地玩更加正既信長啦(英雄傳會係一個好好玩既地圖/競技專用信長圖) 唔係自然無趣 就走去玩LXL DXTA2 ONLINE GAMES 等等 令05唔係黎黎去去都係果D勁人 及團戰界長期有新血加入 信長人數自自然然會上升番 (理想)
方法有 打團既MVP/勝方 CAP圖上黎有積分獎(?) 重建計分團戰制度 真真正正有一個分數排名(而家真係好亂) 等玩家去競爭個虛名第一(OR最後結算有獎) 但要避免洗分 同埋 首8名團隊要 定期抽籤對戰 (家中計分戰) 呢首8名輸左要扣分 唔打當棄權 咁 若想拎第一就要投放時間打計同練技術咁 左右既制度啦 吸引多D人打團
同埋
新血對團戰認識不足 有唔少人唔知道咩叫
棄保 團陣應該係點 我係呢度建議之後會有d有
團戰既講解同教學 或者1d精彩既團戰分析 (例信 1234567既精彩強團對決)招1d老手寫 當然咁樣會有分加啦 令更多玩家知道團戰 咁先會多人打團 練團 去競爭信長盃
最後我認為要復興信長唔係無可能既事 如果我地呢一個小圈子係玩得開心既 自然會吸引到人黎玩 而家信長正正係危急存亡之時 大家坐埋同一條船 係度希望大家玩信長玩得更開心
終有一日 會實現更多人玩信長既願望
共勉之
ps 以上愚見僅供參供 請大家不吝賜教 要多d人玩番(被人遺棄 話係舊game 比唔上lol)係一件困難既事 所謂萬事起頭難 我覺得多管齊下 大家努力 未必唔會成功既 加上我既建議真係唔洗用錢 識打團既打篇團戰介紹文又有幾難 呢d文一多 自然有人想打團 唔好因為見唔到前路而停濟不前 而係應該要前進先會搵到希望 :handshake 聽日考通識 係度練下解說技巧
[
本帖最後由 Tintin=] 於 2014-6-11 20:51 編輯 ]
