是的 作為一位版主 我明白到 言行舉止都代表住IPVE
但我甘願為尼一篇文章 放低版主 VIP 團隊隊長 等等一切既身份
甚至比人封IP都在所不惜
事源於今日返工 做哂D野 又要等客
與同事身穿宜家家俬制服既情況下走入旺角某網吧
發現有唔少VLAN好同伴 處於激戰當中
當我細心觀賞各人技術時 竟然發現到某會員正在使用MH
我第一時間反應 嗯..佢應該唔會係我地VLAN既成員黎
好可惜 事與願違
當我再一步走近佢身邊 然後高聲呼叫:哇 咁X西利既你 係VLAN都用到MH?
佢就好意氣風發咁答我:緊係啦 尼個最新版MH黎架嘛
我仍然想勸告佢:但你唔覺得用MH打嬴人 好唔光彩咩?
佢:怕咩姐 打機咋嘛 有咩光唔光彩架?
岩 有咩光唔光彩? 打機姐 我都係想減下壓姐
你有壓力 我都有壓力啦
好老實 我係激進份子 比兩年前既我 我已經先指住佢個頭 幹你娘機掰
然後就一巴升埋佢
或者係我過份認真
又或者係由我師父2K傳落黎
我倆都認定「打機都認真唔到 打機都可以鬼鬼鼠鼠 打機都可以抄小徑 你做人可以出色到咩程度?」
識我既朋友 曾經入過LOSER 比我訓練過既朋友
甚至係路人場同我打過既朋友 都知道我每一件事 都係好認真 包括玩
你可以用一切既歪理 去解釋點解你要用MH
但你就唔可以用任何既答案 去否定你侮辱緊你5個對手+4個隊友
我都曾經打團 挑戰過MH
我亦都曾經 被人覺得用MH
我更加曾經 知道自己既朋友用MH
咁可以點?
唔通到今時今日 我仍然要苦口婆心咁去勸阻你地?
無可能
咩年代?
而家咩都講人權
好簡單一句 你硬係要去死 唔通我要阻止你?
你硬係要用MH 唔通我唔比你打信長?
當我覺得你仍然有被勸既價值 我會
反之 我只會助你成長
好西利阿 咁你都用到MH 點夠你黎阿
老實講 我真係好X討厭 好X憎人用MH
我07年開始玩信長 到今時今日都有4年半
我就唔信我用我4年半以黎付出既努力 累積既經驗
打唔爆你班廢物
用MH仲要係我面前牙察察?
你唔識我?
老子乃超人生
願各位VLAN會員 有緣睇過尼篇文章 反思一下
自己既一直以黎既「現實」與「網絡」有咩分別
打機唔可以當飯食 但讀書一樣唔可以當野飲
唔通你現實中文質彬彬 網絡上會變爛仔?
唔會 反之亦然
今日打住咁多 如果各位想親身同我傾下 歡迎加我FB
YP.SANG@HOTMAIL.COM
又或者係信六盃當日 親身去到現場 我會作為評審之一係果度等候大家
