[Open]
[Close]
有空打文 有感而發 拜此認真看一下吧!
有空冇野做的人 看看吧 有空再爬爬回覆喔
可能會幫到現在冇目標的你 雖然字海+冇秘笈 但
中5以下既學生要特別注意喔 為你們而寫的
也許你們在中5升中6時會有同樣感受的
本人現就讀中5升中6 第一年334學制
其實我本身好渴望放暑假的 但暑假過左差唔多3個星期 我崩潰了
原因是什麼?詳談
我都有同好多朋友講過的....其實電腦有咩好玩呢..
先講下大熱首選 [online game]吧
我打左9年電腦遊戲 曾經都係online game發燒友
我試過放差唔多$$10000落一隻game到 但我得黎既只係一堆怒氣
你地唔發覺玩親每隻game都只係為左打裝升lv殺人既咩?識既朋友都唔會長久得去邊..
當你想有更多裝既時候就會去買點...慢慢就會放hkd落隻game到 其實有咩意思?
你明知永遠都有比你勁既人係你上面 身為一個學生 玩online game其實可以的
但如果落錢的話 我寧願你去上補習課好了....實用好多(現時的我的想法)
再講下 war3
我玩左魔獸依隻遊戲差唔多5年 信長的確好吸引 可以聯繫好多人既友誼
但怪我講句 一場信長/小遊戲 就不知不覺過左2個鐘了 會唔會太晒時間呢(雖然我不時都會玩..但我真係太無聊先會玩)
好多人因為玩war3依隻game而忽略左真實上面既朋友 不要喔知道嗎
朋友有空約你去街既時候 不要跟自己想要返屋企打團戰 千萬不要 你會後悔的
有空多陪真實上的朋友 因為我而家中5 我先知原來我為左打機忽略左好多朋友...
不要以為中學時期時間好多喔...要珍惜知道嗎
我近排見到一個vlan既post 內容
傻仔拖靚女 肥婆拖靚仔 醜女拖靚仔 醜男拖女神 靚女拖有錢仔 窮人單身緊?
當堂醒左醒 但我知道其實都太遲了 我學業成積雖然唔係差 但真係唔足夠我升大學
我好後悔點解我為左打機放棄左咁多野 連學業都賭埋落去
冇錯 行行都有出頭天 但入大學係最快的 我可以100%的講
點解我會崩潰?? 我每日除左打機 訓教 食飯之外 我真係諗唔到有咩做
我唔係冇錢 雖然我父母會比好多錢我 但我開始覺得人生好冇意義
成日就係上網睇片 打online game 打魔獸 咁做人有咩意思????
我成日傻仔係到諗 我第時一定要搵到個好老婆 有好多錢 組織一個好家庭
但先決條件係d咩? 讀書囉 我知道而家香港人既學業成積愈黎愈低
英文水平更加係香港人最嚴重既野 襯而家仲有時間 快d補救吧
可能你會覺得我係到9up 但我對自己冇好處的 你要知道
我成日都好想返返去以前 中1-中3既年期...同朋友一齊天真無邪玩既日子
大把時間比我慢慢輕鬆讀書 好過我而家臨急先黎抱佛腳
講真我有點迷茫的... 我究竟在做什麼
講到底 人都係為左自己生活質素更加好而生存 你不會想你將來的生活 仔女同老婆受苦的對不對?
你不會想每個月只有剛有夠用的錢來維持生計的對不對?
[ 本帖最後由 花汶 於 2011-8-2 15:44 編輯 ]
