立哥

vLan真係一個好好既論壇.有唔少會員無條件付出/貢獻,我亦對vLan充滿熱誠.由當初每日唔夠廿張帖討論到而家

每日數以千計,上星期仲多得吹水區發帖量竟然帶到vLan成為最高帖子數目

而且我好高興返到vLan認識到新朋友,有傾有講仲好玩得攞黎講笑都唔會嬲

雖然如此.但我對vLan既感情有減無增,每一日每一日發帖既人差唔多係回覆既一半人數(差無幾遠)

例:信長區30多頁(發帖時間計算)中已經冇人再被加分.當見咁多頁之中絕大部分都呃帖既時候,

內心充滿疑惑.已經冇人再寫文?冇人有好意見提出?曾經為論壇付出既人去左邊?

以前每一日係度為vLan寫文章.解答問題.參與討論.認真回覆,先會獲得加分先可升為更高等級會員,

繼而成為中級會員高級會員等等(鼓掌)而家?佢地一個繼一個咁離開令論壇更顯失色

呢班中級/高級會員已經係虛名一個.仲有幾多個會出心出力為論壇?

當我再返到去曾經管理過既魔獸區.殘存的綜合,失色的三國,如罪惡城般的信長.

我將寄望轉到吹水區.吹水區唔吹水究竟係乜野?我都係想大家集合一齊吹下水連繫下感情,

點知呢果唔多講,既然決定左係咁我亦會尊重,既然連惟一既據點都冇埋,惟有再次繼續神隱○

而家當我回想到請辭既時候話永遠都唔會返vLan感到好後悔,最後發現自己係捨不得vLan...

傷心既請辭,高興既歸來,無奈既離去,還有一點希望既回來.點點滴滴既漣漪係心度回憶起..而家再次帶住失落感離開

如果vLan需要幫手的話,我一定會返黎

kelvin19250:對唔住,我可能唔參加呢個活動,你地加油
Saghk00496﹑死肥老蕭:靠你地支撐大局
龍之振雄:記住開番銀行還錢畀我
締ξ死神ψ :無謂再為小事執著,唔係每一個人都睇得明你既善意
SmileBoy:你寫左好多好文,可惜我無得再加你分,不如你考慮下係吹水區寫文
吹水區既朋友:唔好再潛水,多d吹水仲好喇
貼圖區既朋友:再發好d既帖,我返黎實會睇哂佢
各版版主:無私既貢獻(鼓掌)



本人MSN:lap_lkl@yahoo.com.hk       上線少時間短


[ 本帖最後由 立哥 於 2007-5-4 11:22 編輯 ]

張仲良

得閒再回來 u(_ _)u

Saghk00496

立哥  我會係水區等你番黎指揮架

熾烈紫龍

咪走！！！！！！！！！！！！

死之鳴

5好走啦,你走左吹水區點呀.......

死肥老蕭

你咁講,我都無言以對,衹有寄望你早d回心轉意,返來為我地做龍頭開路
咁祝你快d揾番份好工,早d揾番個好老婆,連生貴子啦
如果可以的話,比個email或msn我,有機會聯絡一下..

williamkhw

隨着文章的出發...立哥便離去,呃貼的人,在每個論壇都會存在.....

有機會的話,再和你吹水,天下無不散之延席..有緣定會相見

死肥老蕭

引用:

原帖由 williamkhw 於 2007-5-4 08:23 發表
隨着文章的出發...立哥便離去,呃貼的人,在每個論壇都會存在.....

有機會的話,再和你吹水,天下無不散之延席..有緣定會相見

你呢個吹水王都神隱咁久，係時候回歸吹吓，否則你地位不保．．

williamkhw

引用:

原帖由 死肥老蕭 於 2007-5-4 08:42 發表



你呢個吹水王都神隱咁久，係時候回歸吹吓，否則你地位不保．．

要回歸的話就叫台灣,水王不是我,我不是水王,王子才是

死肥老蕭

王子係水王？？？我眼花了，算吧！你出現就算熱鬧番ｄ．．．

武田次郎

咪走 la!!!!!!!!!!!!!!!!!!!!!!!!!!!!!!!!!!!!!!

潮小花

日文神隱
多指古時日本小朋友失蹤
以為被神(鬼怪)捉走了(隱藏了)

死肥老蕭

佢咪小朋友囉，所以被神(鬼怪)捉走了．．．

潮小花

引用:

原帖由 死肥老蕭 於 2007-5-4 14:51 發表
佢咪小朋友囉，所以被神(鬼怪)捉走了．．．

咁無計 應該無千尋咁好下場

死肥老蕭

唔一定,可能佢取代煲水果位阿叔呢,佢煲開,駕輕就熟啦...