[SPY]-Mr.Mk

《老友狗狗》劇名橋段似十足
無綫竊取亞視 07爛尾劇






馬浚偉主演的 >>><<<新劇《老友狗狗》上周平均獲近 200萬觀眾捧場，但原來此劇涉抄亞視 07年同名爛尾劇。劇照

無綫抄襲潮一浪接一浪，現時 >>><<<播放馬浚偉、鄭則士和鍾嘉欣主演的劇集《老友狗狗》，竟爆出涉嫌向由袁文傑及張文慈孭飛的亞視 07年爛尾劇偷橋，兩劇不止名稱相同，就連橋段也同樣描述退休公僕轉職狗隻訓練師的故事，實在巧合得離奇。無綫《老》劇被指盜版但仍收視高企， ATV眼白白睇住無綫得益，袁文傑只能嘆謂：「只怪自己唔夠爭氣。」

無綫竊取亞視 07爛尾劇



其他娛樂名人影片












雖然無綫劇集屢次被指抄橋，早前《宮心計》將韓劇《大長今》及日劇《篤姬》集大成，《巴不得爸爸》也明以電影《新難兄難弟》作藍本，想不到現時播放中、由馬浚偉、鄭則士、鍾嘉欣、黃浩然及邵美琪等主演的《老友狗狗》，也再度捲入激抄行列。



鄭則士飾演退休領狗員，更會開設狗場，而飾演其女的鍾嘉欣則是獸醫，與亞視版《老友狗狗》的角色設定倒模一樣。劇照





黃浩然在無綫版《老友狗狗》中飾演警察領犬員，終日與狗為伍。劇照





亞視節目巡禮曾介紹

亞視官網上仍有 07年爛尾劇《老友狗狗》的介紹，鐵證比無綫早一步籌拍。互聯網圖片


[ 本帖最後由 [SPY]-Mr.Mk 於 2010-1-14 19:06 編輯 ]

[SPY]-Mr.Mk

袁文傑：怪自己唔爭氣
無綫疑借亞視爛殼當寶，《老》劇如常獲慣性收視撐腰，上周平均收視 31點（ 198萬觀眾）。亞視開井，遲來先上岸的無綫卻飲頭啖湯，袁文傑昨接受訪問時在電話中說：「我係拍過呢套劇嘅宣傳片，頭髮都剃短埋，仲去咗狗場上堂，結果胎死腹中，因為嗰時公司管錢嘅人唔批。」他聲稱沒看過無綫版《狗》劇：「唔想睇啦，都知乜事啦，又係公僕又係狗，成個感覺差唔多一樣。」
對於無綫明抄亞視劇名及涉倒模內容，袁文傑說：「死無對證，唔知對面點樣獲得呢套劇嘅古仔，但證明係好嘢，當年我哋冇拍到錯失機會，只怪自己唔夠爭氣。」
當時掌管亞視戲劇組的前高層楊紹鴻昨則說：「亞視喺 06年係諗住開《老友狗狗》，最後冇錢冇開到。」無綫涉偷橋，楊紹鴻謂：「天下文章一大抄，但抄到咁接近，我就不願置評。我相信係一啲創作人同製作人嘅操守有問題，可能有啲創作人過咗 >>><<<，又提過亞視有套咁嘅戲啩？但因為亞視開唔成，套劇冇版權，所以都冇辦法。」

「係咪偷橋等觀眾評定」無綫版《老》劇收視好，更顯得亞視走寶，楊紹鴻直說：「亞視走咗好多寶啦，我喺亞視年代都提出過好多戲，好似金牙大狀、宋世傑同葉問，但都係冇開到。」亞視公關部發言人昨則說：「我哋喺 06年已經出咗《老友狗狗》嘅古仔，係咪偷橋就等觀眾自行評定。」
如今《老》劇收視高，主角馬仔當然風騷，他昨說：「呢次做圍頭仔喺形象上有突破，但我對收視平常心，點知咁受歡迎，反而有意外驚喜。」
採訪：葉雪

娛樂資料庫：無綫抄襲實錄雖然亞視的收視長期偏低，但多年來也有不少精采和有噱頭的節目，多次威脅以大台自居的無綫，後者更搬字過紙抄襲推出迎戰。資料來源：《蘋果》資料室

hoho7280

呢樣野無得講啦-.-"
ATV點夠TVB鬥也..

C_k

咁事實上ATV係冇可能夠TVB勁...

hoho7280

引用:

原帖由 CCK. 於 2010-1-14 19:46 發表
咁事實上ATV係冇可能夠TVB勁...

認同認同
好似話ATV有d股份係比左大陸
所以佢都唔著重香港生意

1234441

TBB個澄清真係超GAG

由頭到尾都唔敢講同亞視個老友狗狗有咩分別

☆c0lD7Y-PLaY.

tvb不嬲技窮       x_x

死肥老蕭

你估講警犬橋就得你亞視獨家嗎???何妨亞視根本無拍到個劇,有乜資格話人抄喎,
有線及亞視近日狂抽水,自己無能,可怪誰先....

小御

講真
就算亞視真係拍呢套 都冇諗住會去睇
事關就算劇本好 都要d演員有料到自得
亞視d演員 好多都...
唉