[Open]
[Close]
[戰術分享] 新手成長十大秘訣 ky0.轉貼
雖說本人都是新手一名 但我想同大家分享一下
如何使新手快速成長
唔講咁多 入正題啦：
1. 知已知彼 百戰百勝
呢句點解呢? 就係
如果你想殺到人地 必須知道對方所有既技能
而能夠想出相應對策克制對方
例如：
瀧川一益一開大 佢既攻擊即變為魔法攻擊
係呢個時候 你就可以出魔免黎對付佢
如果你唔知佢呢點
相信想打佢一定會好辛苦
咁點樣知道各人物既特性同技能呢?
其實信長唔一定要多人先玩得
自己單機都可以
你可以單機模式果陣 試下用唔同既英睇下
咁就可以睇到佢地既強同弱點。
2. 學會運用魔免清酒
顧名思義 而家會講下魔免同清酒運用既合適時機
魔免=係10秒入面 你唔會受到魔法攻擊(差唔多人人大絕都係魔攻黎)
清酒=增加行既速度
咁幾時用魔免清酒呢?
清酒: 前田慶次(佢既2技慢技,同埋佢1技加速追殺強)
百地三太夫(通常都會出清酒同你玩背刺,要走得甩)
黑田官兵衛(火焰種子又係慢人,3技會累加傷害)
仲有好多 不能盡告
終之對住有慢技/跑得快既英都要出
魔免: 好簡單 對住大多數人都可以用
千其唔係對住本多同稻姬用
佢地大絕係物攻黎....
好啦 其實出魔免同清酒都要衝量一下
因為魔免 200幾蚊1粒
而清酒 4x蚊=.=
所以 清酒可以攪得掂既就用清酒
唔好哂錢
3. 要接受隊友既忠告
有時候有d隊友見你好似成日死咁
會教你點樣應付
千其唔好小番佢地
而係要諗係自己係咪比佢講中左先
如果係既 以後唔好再犯啦
咁樣 技術先至會有進步
另外
有時候隊友叫你番番去(b)
好番番去啦
因為可能有預感人地會係後面偷打你
(如果見佢地人影都冇隻,好大機會係)
要跟埋佢地一齊走
4.要隨時留意地圖人物既動向
即使你係打緊人既途中
都要周不時望下地圖
睇下而家既局勢係點
如果敵人傾巢而出咁主攻一度地方
你必須盡快番去守住
因為失一個營/塔
會有好大既影響
最重要既一點就係
要留意住自己周圍既清況
一見到敵人殺氣沖天果陣
即刻魔免走人
走遲一步一定會令你後悔
5. 跟隊友一齊行動
隊友係戰場上一定能夠幫你忙
有時候你比人追殺緊
你隊友正常既都會幫你暈/定佢
咁你就可以走得甩
爆塔既時候 隊友都可以保護你
時時提醒你
打人既時候可以圍毆
必定能事半功倍。
6. 要分輕重
首先 初期要將自己既生命放在第一位
唔好急於追殺人
因為初期係好重要既
你初期死得多既話
你中/後期 會極難玩
因為人人肥哂
得你未肥 注定係要輸
仲有,
如果係後期
每個人既生命係極為重要的
因為死2,3個
就可能注成敗局
因為冇左2,3個人
人地爆塔果陣勢如破竹
單憑幾個人係冇可能應付得黎
7. 多d睇攻略
睇下其他高手既玩法 可以增進自己既技術
凸別是要睇d 多god既文= =
8. 要靈活變通
其實出裝次序唔係規定既
你認為邊度不足就出咩裝
例如你認為本多開大唔夠快
出夠2個1300啦
你認為宮本唔夠魔
出閃介/魔鋼
你出咩都唔會有人話你既
唔好比角色既屬性影響到
例如淺井係敏英
但係玩法裝可以將佢既2技發揮得淋漓盡致
咁就玩法裝啦
又例如
遇到d秒殺英要即刻改變玩法
可以出多d狗牌 或者 出加血鋼(凸然唔記得咩名- -)
減低比人秒殺既機會
9. 窮寇莫追
先解釋一下
如果遇到有d人 比人打到幾乎死既話
有把握既先好追上去殺
唔係既話 立刻掉頭
因為佢地既隊友會去救佢
分分鐘比人反殺番都唔定
如果佢入埋箭塔 初時都唔係跟佢入
唔係實死
10. 犧牲小我 完成大我
如果對面出總攻/ 一堆火箭黎
請毫不猶豫
即刻去救
即使死左都冇相干
因為你幫手解救左1個危機
其實可以應用係其他方面
只要你認為值得既
都可以大膽去做
話唔定有意外收獲
學完這篇文我也打小小心得 因為我覺得佢講得好先轉貼來-v-.
就拿5. 跟隊友一齊行動來打些小心得
又即係新手須知. 如果真係玩得不足. 可以跟隊友一齊行 汁下雞 吾好怕比隊友罵.
[ 本帖最後由 ★SIUTIK=D 於 2009-9-14 17:14 編輯 ]
