有人因為可以55完埸而感到奇蹟及開心;
也有人因為不能55完埸感到沮喪及憤怒。
真係有人歡喜有人愁
信長的走埸問題極為嚴重，原因為何呢?
大家有沒有真心想過為何要走埸?
就此疑問，本人提出假設及個人見解:
1.完美主義者(一開始被人殺左，感覺沮喪，不能建立好開頭，走埸後立即入其他人埸繼續玩。)
2.網絡，電腦問題(彈GAME，輕機，網絡不穩定等)
3.人為失誤(唔小心按到POWER，唔小心按到SLEEP，唔小心踢甩上網線等)
4.家庭問題(爸媽吵架，要出街，爸媽叫食飯/飲茶，爸媽叫不要打機，兄弟姐妹要用)
5.隊友問題(覺得隊友廢，難以配合或取得勝利，直接走埸了當)
6.心理問題(已經玩到悶，唔小心盲目入左人埸開埋波，但無心機玩，走埸熄機了當)
7.希望崩潰對方(座右銘:你玩到6把神都好，我一走埸你?)
8.歸屬感問題(對信長沒歸屬感或根本無心專心玩信，認為走埸對自己不會造成任何長遠影響)
9.損人不利己(因無聊或剛被崩潰，進行秒埸行動，倒數5秒時或一入埸後即刻走埸，令到成埸另外9個人因為佢要RE)
10.崩潰(一直被針殺/屠殺/長期的圍殺，加上肥唔起就會令一堆EQ較為低的朋友受不住打擊走埸)
11.實力問題(對面實力明顯優勢幾個LEVEL，如果進行到GG可能會受到洗泉6式中的絕對無敵)
12.珍惜時間(認為個埸一定輸，玩落去無意思，只會係被屠或做對方的流動提款機，於是走埸開始另一埸新遊戲，把握時間)
13.電力問題(層樓停電，跳左制，無交電費)
14.受到咀炮(對面隊伍進行咀炮行動，加上實質行動配合，令其處以難堪及沒有下台階環境，於是走埸逃避問題，但走埸後還會憂慮對方有沒有在自己走埸後串自己)
15.英雄問題(V中左冷門英或者上一埸的英，不想再玩)
以上皆為本人的對走埸人士走埸的大膽假設。
上面有15個假設，當中有幾多個係值得原諒的呢?
答案係無，因為好簡單，這種種只是導致你走埸的種種原因
最終你還是走了埸，有什麼意思?誰會介意你因何走埸?
人們介意的是你走埸後令到遊戲難以繼續進行或要重新開始
對有心玩信的人是白費左一番心機同時間，
說真的，進行得信長就無走埸的「權利」
你要講自由?自由的前提係你末侵犯別人應得的權利
由你入圖開始個1秒，你就失去左走埸的權利，
因為依個時候，你唔係一個個人，你仲有5個對手同4個隊友
係一個群體，而依一個群體中每個人都有權利同自由完埸
除非得到大多數人的同意，否則你就沒權利走埸或RE，就像民主一般，少數服從多數。
所以有時追求55完埸就像追求民主般困難。
但
想同走埸人士講，依家唔係你地走唔走埸，你地係根本無權利走埸，你走埸如同犯左法一般
所以VLAN有
走埸舉報，雖然無咩阻嚇力，但你地走埸對得住自己的良心嗎?
你一個人的快樂能抵得上
九個人的快樂嗎?
如果你由今日開始唔走埸，恭喜你，你做到信長玩家的基本要求，
但不要覺得這是對誰的恩賜，這只是你的本份，唔接受?刪WAR3啦
唔刪WAR3都得GA，
開單機圖玩嘍，你可以做KING，想幾時走就幾時走
你地明白55信長同單機圖的分別未???
