初初小弟完全5知信長係咩春，後尾見到人地玩信長，覺得好好玩，尤其係見到人地1個大波就車死左人，果野我笑左起碼4分鐘，咁我就問佢點玩架? 之後佢就介紹我讀「信長培訓課程」。
「信長培訓課程」分3大種︰「信長基礎培訓課程」 、「信長進階培訓課程」、「信長大師文憑課程」。當時人地叫我簡第1個啦，我咩都5識，簡第1個就最好，咁我好聽話，比左百幾蚊，報讀左e個咁既課程……
個課程總共x堂，每堂1粒鍾。
第1課︰基本操作
．第1課係教我點樣用mouse控制單位行路、企係到、攻擊等等。
第2課︰小地圖教學
．教我小地圖既野，包括Black map、Fog of war、視野、咩顏色咩圖案代表d咩野等等。
第3課︰部隊操作
．教我點樣一次過操控多個部隊，同埋用ctrl+數字可以快速點選該部隊，係信長尼講快速點選英雄同馬係基本的學問。
第4課︰出技教學
．教識我英雄係可以出技，係信長尼講英雄技能係非常入門及重要的學問。
第5課︰研發教學
．教我每一個單位同建築都可以由0級升到3級，會影響佢地既血量同攻擊力。
第6課︰折屋教學
．教識我建築採用的是「強化」裝甲，除非使用「攻城」攻擊，否則打建築時威力大減，係信長拆塔拆樓必學。
第7課︰閃光教學
．閃光係信長尼講係重要既一環，佢可以突然傳送到敵人面前，亦可以係敵人面前消失，利用閃光令我學識保命同汁雞。
第8課︰勝利條件
．教我要拆左對方個大本先win，途中會有塔、騎兵營、800弓箭手、軍營、大量駐兵、冰箭手、以及大量援兵阻住你爆大本。
第9課︰連技教學
．教我5同既英點樣連技，連技係重要既學問，只有連岩技先可以順利殺人。
第10課︰出裝教學
．教我5同既英點樣出裝，出裝係重要既學問，出岩裝先可以發揮個隻英最大既功能。
第11課︰畢業考試
．最後1堂係考試，要我自己1人，係1粒鐘內拆左對方既大本，對方有1名ai敵將，如果做到的話，就能畢業
(由於時間太耐，因此可能有錯漏。)
上完咁多堂，到最後終於畢左業啦，畢業証書都囉埋，畢業晚宴都食埋，我終於有資格入場打杖啦
(不過，由於越尼越少人玩信長，5知係咪咁，信長培訓課程已經5再舉辦)
如果……當時的信長培訓課程能夠系e+推行，相信必定能培育出更多人才的
只是回憶分享，不喜請勿插，多謝合作。
