[Open]
[Close]
近日,我成功勸到個FD戒毒
是咁的
(是咁的行先係因為改曬名)
有一晚比人召喚過去同人慶祝生日
其實本身我都唔識生日個個的...只不過我想搵阿a去打機
突然間佢同我講有個fd生日...咁所以過左黎
一見到壽星女,明察秋毫既我一睇就知今日注定會好悶!
皆因四周萬里無人,黎同佢祝壽既人計埋主角都係得個6個...
但唔緊要...
黎到,我仲要同主角三唔識七...
好喇,去飲野都話還好...
但係-.-佢地話去公園坐+食蛋糕
好喇,其實以上全部都係廢話並唔係重點...
悶!
自然叫人過黎
估唔到佢地叫左阿b過黎
阿b其實之前我見過一次,而阿倫就係呢篇野既主角了...
雖說叫多左個人黎但係一樣咁悶...
咁阿b叫佢d fd黎喎...
4個豬朋狗友揩野揩到迷緊既-.-
個陣阿b仲叫埋我一齊玩個d...-.-
算喇,我坐埋一二邊當做好心...廢事佢迷緊個陣比人玩
仁至義盡啦,真係見到都想嘔...
見佢想玩個陣,我忍唔住-.-拉左佢過黎
問佢...好好玩嫁咩?
"又唔係既...我都唔知呀,你試下咪知囉..."
(我心諗:佢仲有得救喎應該...)
同佢傾左陣計..問佢有冇諗過做邊行...
估唔到佢想話讀書!?!?!
佢同我講而家冇學歷唔掂...
佢都知揩野會變到件垃圾咁...
但係好難唔揩...成日唔開心就諗起個種感覺...
"有冇諗過入正生"
"好似要寄宿喎..."
"好過你遲d衰左好似你岩岩講個d咁,入去受丫..."
"但係真係唔想寄宿喎..."
同佢講左陣,我:
"不如咁...我幫你睇下要幾錢,要咩資格,如果可以既話我幫你報埋喇一係..."
佢諗左陣,但係都係友佢啦
我朋友同我講...算啦,冇可能嫁喇,佢死梗嫁喇
我同佢講,你當初食煙個陣都係試下試下姐
而家將個process倒轉試下試下戒就戒得到,只要佢試第1次
我最記得,同阿b講得最多個幾句係
"你就得嫁喇,實戒到,我唔會想睇住你去死..."
"我知你都想戒,我可以幫你喎"
可能個一刻我知道佢既感覺係"無助" "冇可能"
所以我決定用大量正面d既字
講d正面d既野等佢感覺好少少...
唉~
結果都好似我個fd咁講...
走個陣,阿b跟埋4天王落地獄
心淡
番屋企沖涼訓教算
突然間電話響起...
阿b好激動咁講...
我終於拒絕左佢地喇,我第一次同佢地講唔好
好多謝你,我覺得你真係會理我...
個一刻真係好感動...
大概就係咁啦
到而家佢都未掂番,應該戒到掛
但係而家搵工太難- -搞到我有時都幾驚佢又掂番
