久聞紅煙窗大名卻未嘗,終有機會踏入傳聞中頭盤有滿分之餐廳
一行三人,關係複雜,因此為食評,故不作介紹人際關係,下文叫m
$37x計埋服務費要$404一位,果然價錢同服務質素點都有d掛勾,係我地未入場更未比錢既時候,守門口個個無論禮貌同笑容都可以挑戰世界排名
但係入到去食就兩個世界
終於感受到天同地比既真正意思
十萬八千里之間原來如此遼遠...
入到去d侍應就冇乜禮貌的了
好了,
m問佢,可唔可以入去睇睇先,話驚唔新鮮之類的...
咁我係門口等佢算-~-
傾刻,m道: 都ok既係咪係度食?
我: 係呀...入去啦...
都唔知比咩反應佢好...
對我地黎既主要目的係冷盤,佢入去睇睇d冷盤點都好正常...
冷盤有 長腳蟹,蝦,生蠔,仲有d刺身吧...但我圖個d係煙三文魚,刺身我見佢係另一邊好似放左好耐咁我唔敢食
先講長腳蟹,冇咩特別好講的,普通吧...
跟住係生蠔,我細個個陣係唔食的...覺得個口感好怪...但此行我食左8隻啦...因為我可以話係第1隻食,唔知可以比咩評語,唔腥囉...味道真係唔識評了...
佢有兩種生蠔既,一種係美國蠔,一種係澳洲蠔,m話美國蠔會岩我食d因為口感好d,但我覺得差唔多,可能佢覺得大隻d掛...
蝦,幾新鮮,我本人其實好鐘意食海產,除左蠔= =",尚算唔錯既
跟住煙三文魚...冇咩特別,出面買既都係差唔多味道同口感,普普通通啦...
熟食了
一堆垃圾
個燒牛肉拎左少少番黎,見佢好似幾好食咁但...
我一放入口就吐番出黎...叫佢侍應執走佢唔想對住個碟野...
好"鞋"口...
個腩肉好食,比想像中更滑更甜
燒帶子(?) 都係好好食的,但每次一出就冇曬...
仲有個螺都幾好食既... 果然海產都唔會差得去邊-.-...
魚就普通喇,酒樓都好過佢,可能buffet放得耐(?)
雞軟骨極多油,唔可以放入口的...
其他肉類冇酒店應有既級數
除左冷盤另一個高潮可以話係甜品
傳說中既movenpick雪糕
一入口彷如爆發一樣
支配著靈魂的已經不是單單的味道
而是一種從未遇過的口感
軟 卻不覺得鬆軟無物
實 但仍覺得如絲般柔軟
硬要說的只可以話好似個個廣告咁
33層,但唔係普通的放在一起
而係33層緊緊的壓著
沒有層次感
口裡卻只剩下滿足
一種令只要放少少入口就會覺得比佢塞滿個口既感覺
我覺得好過haagen dazs
同場仲有其他甜品,只可以話不過不失...
但cheese cake我係覺得唔好食的,可能以前食過d好好多既...
只可以話costco既都好過佢-.-
去圖~~~
總結:
食冷盤,呢間吧!!
另外熟食既話...揀海產啦,因為呢d點整都唔會太差
甜品唔錯
我鐘意movenpick雪糕
$404真係有d唔抵
價錢如果$300以下既話我會再去
[
本帖最後由 cocacola_ 於 2009-11-26 17:50 編輯 ]
