[Open]
[Close]
勁, 唔係單方面
打呢篇野,其實主要係由於一直以黎既怨念
怨念既由來係平衡創念區一堆太過單方面,唔夠深入了解就亂回既post
一直以黎,信長既英都有強弱之分
好多玩家都明白呢回事所以有好多希望每隻英都實力相約既玩家,會發「加強弱勢英,改弱強勢英」既post
當然會有另一批玩家覺得英有強弱之分係好事,所以好反對呢d post, 佢地既理由好簡單,就係覺得有強弱係正常
唔緊要,大家理念唔同,呢類就公說公有理,婆說婆有理
我自己支持前者看法,但是咪隻隻英都平衡先係好事,唔係由我主觀話事,係由各位玩家決定
之不過我最唔想見到,
就係一隻擺明勁既英,有人開post要求改廢佢,就有一大堆回覆話你唔識點樣點樣防牙?點樣點樣咪解決到
相反一隻擺明廢既英,有人開post要求改勁佢,就有一大堆回覆話佢點勁點勁,係佢唔識玩,唔駛改
前者果類post其實比較少,主要都係黎自信長,而多數回覆者都因為一句「主角威能」而反對改弱信長
而事實上要作者改廢一隻英,一定俾人插到七彩,仲要係咁多fans既信長,咁所以作者都寧願改勁其他英,而唔改弱d勁英
但後者果類post,見到d反對既回覆有時真係覺得完全無道理
「一隻英既出場率」 同埋 「果隻英出場得勝或戰敗既比率」,已經可以確確實實反映到一隻英係強定弱
再多多辯駁都係無用而且無道理
你話可能因為隻英樣衰,所以先無人出,唔係隻英唔勁
宇佐,舊直江都唔靚仔,點解又成日有人出?
到講返正題,亦係我想講既野:一隻英勁唔勁,唔係睇單方面
唔該各位有話過九鬼,朝信,丁丁佬等等英好勁既人,問下自己,有無信心用呢d英打街場贏多過輸
大把post要求改勁呢d英,原因都係因為呢d英太廢,但你地就不停講哂一d非常單方面既情境出黎反駁隻英唔廢
1)裝備假設
見到有人話咩九鬼出左毒刀凍雲,咩都追得死
有得咁假設架咩?你唔俾人地大力過你?或者控住你先?點解次次都係你做追人果個,唔會係你俾人追果個?
次次都你上裝都快過人地好多人地俾你追住黎打?
2)大後期,無視肥起難度假設
要求改強真田既post已經係屢見不鮮,而我自己亦覺得呢隻英係需要改強
我自問見到隊友有呢隻英既時候自己都會心寒,見親有真田都係輸多過贏
我唔否認,佢隻抽係贏到本多,甚至去到大後期單殺一隻英比本多都更有利
但我想問呢隻英除左開左大之後打得快同走得快之外仲有d咩優勢?
佢肥起速度唔算快,又比起2龍本多信玄要買魔水,會戰失利已經n個post講過我唔再在此一提
如果肥起難度可以無視既話,真田本多稻姬應該鋪鋪都出黎先係
3)單一方面強就覺得好強
隻抽勁:又搵返真田返黎,我已經承認,真田隻抽係好無敵,不過除此之外無咩可取之處
佢爆塔並非你想像中咁快,佢比起有混沌傷既2龍,長宗,上杉其實只係快少少,但係其他方面就輸好多
食兵勁:又搵返九鬼出黎,可以搵埋香宗,呢2隻野係肥得快,我曾經見過有鋪個場主用香宗400幾兵,其他人仲係200幾倒
肥得好快,隻野食兵速度不容忽視,但果鋪佢都係輸左。佢肥完都係唔夠人打,咁有咩用?雖然話食兵好緊要,但如果係隻英本身技能係差,誇張d既我當你玩隻足輕,俾夠你6神都係作用有限。九鬼已經出左名四不像,各方面都半桶水,後期肥起都係唔夠d真正主力打。
相反你睇下一d勁英,你未必講得出佢地真係邊方面係全game最勁,但佢地就係好用,信長係典型例子
信長暈人好耐咩?2秒都唔夠,但點解屈機?因為佢範圍大,又唔駛點人,又洗到兵,又高傷,又加攻
你好多時候玩勝賴,茶茶都殺人唔係咁易,因為你要點人,一個暗位,你就算知佢係邊你都暈唔到佢,但信長暈人無呢種限制
信長隻抽好勁咩?勁得過真田?勁得過香宗?但點解信長勁?因為信長3技係爆擊,就算隻抽起上黎無閃避咁著數,佢斬人痛好多,殺人都有利d,而且前期就可以斬得痛人,被動技又唔駛當開大咁樣要百幾秒先有。信長一有2技就可以嘗試殺人,殺人機會極多。就算隻抽唔係最勁,又有乜所謂?
信長招大後期多數用於走佬,你會唔會話呢隻英廢?唔會。因為識玩信長既人唔會無視前期,下下講後期既人係唔踏實的。無錯,信長招大後期既傷害比佢直接斬人更不如,但招大前期無論殺人,保命,幫隊友解圍,走佬,爆塔都非常有用。
信長,綜合黎講就係勁,係一個不容推翻既事實,出場率同埋勝敗率已經證明左。
再多既辯論都係多餘.正如A君說:「秦始王係個壞皇帝,佢好多暴政」,但B君亦都可以說:「秦始王係個好皇帝,佢有好多功績」
根本如果你內心已經有左定案既野,就點都有得反駁
你覺得隻英係勁既,其他人點講你都會覺得佢係勁
你覺得隻英係廢既,其他人點講你都會覺得佢係廢
我玩咁多隻英之中服部最廢,我唔識彎拉
但我知隻野好勁,因為我見過好多人玩佢可以煩死對面好多人,輔助超強,單殺亦不差
我內心有左廢英既名單,任你點講我都會覺得佢係廢
但我心入面既廢英list都係根據返之前兩點所建立,係用實戰話俾我聽既結果而建立
而唔係因為我唔識用就覺得佢廢
唔該果班,覺得廢英唔廢既人們、心入面仲係懷住「沒有最強英雄,只有最強玩家」心態既人們
你地醒一醒,英雄既強弱已經擺在眼前,不容否認。
除非係好似himstarx擺明派膠玩野果類post,明明勁英都話未夠勁,你可以同佢鬥派
否則請你地認真分析,認真回post。
多謝。
