引用:
原帖由 阿爾 於 2012-9-24 21:49 發表 
對「給予地圖應該有咩改動既貼」的回應重點回覆：唔加魔? 唔得既。
+50魔如何? 我改完你係咪拉大隊試?
===========一堆廢話=============
唔好成日講咩民意民意，家下選特首咩?
你說話唔客氣，我絕對唔介意，前提講野要有POINT
所以，乜野護主犬、搞事_等等既野，我真係冇興趣理。
你既立場企得硬，你到而家都仲系呢個討論區度發帖回帖，我欣賞你呢份心。
不過唔好以為咁易就做到作者；
你話要做作者自己改，你係咪識改？唔識係咪肯去學，學完係咪就識改？
要學D咩，你知唔知？圖示(photoshop)、模組、編碼、等等要學幾耐？試幾耐？
做香港，IPvE vLan信長圖既作者係咪淨係識整幅圖出黎就得？
洗唔洗同IPVE既人打交道？洗唔洗同玩家打交道？洗唔洗自組一個測試組？
一堆堆無厘既意見，話多唔多，話少唔少，你係咪能夠抽到足夠既時間睇哂佢？
冇左從論壇玩家帖子入邊篩選既意見，你仲識去邊度搵？
自己諗哂？諗完又做唔做到？做到又有冇人buy？邊度係平衝點？
唔係自己諗哂，則搵一堆「專業玩家」問意見，又是否要作篩選？
約人洗唔洗時間？傾野洗唔洗時間？你有幾多時間？
有技術上既問題，基本上vLan係冇人可以比你問，咁你又可以點解決？
上網查？冇相關既中文方案就去睇一篇篇水蛇春咁長既英文？OR慢慢試？時間呢？
假設技術上冇問題，但係出BUG，要試幾多次，要再多改幾多次？
你到底有幾多時間，令到你咁有信心可以對全部玩家承諾，你可以做好一個作者？
做作者，唔係選特首，亦更加唔係去做官。
有唔妥，鬧完一餐，都係得個桔。最多都係搞到個作者一面灰。
結果呢？又可以做到D咩？
四個字：能力有限。
唔好同我講咩，能力有限你就唔好做。你硬係要講D咁既說話既話，勞煩搵個有足夠能力既後備作者先。
我到而家都唔走，因為咩呀？因為鍾意比D玩家噴？
到頭來又咪因為一個「責」字？責無旁貸。
可能好多人都覺得我咁講好假，但事實就係咁，認同與否見仁見智。
「工作表現」差，比人噴，自古以來都係理所當然。
但係你當我你條令牙？噴完又係得個噴字。
話比意見，你可以提供到D咩support，去說服玩家，說服作者，你既意見係好架？
輪迴性問題，你話我BAN人，唔好梗係要BAN，有咩問題？唔想抄襲其他版相關既改動，又有問題？
跟住又話喇，呢個作者唔識諗野，真係有冇諗野呀？
然後就噴 x N次，最後又係，「拿，你應該點點點改」。
其實，你當作者係你既小弟呀定係連小弟都不如既奴隸呢？
打住咁多先。有心人。
啦屎一句，冇回應我就直接扔試驗v02出黎了。
1.我諗就算選啲乜最重要都係民意為主. 無支持者 當選任何職位都無用
2.有心學既 唔難. 至少我有幾位退左信既朋友都識改圖. 學既時間大約三星期至四星期 試圖時間大約兩星期至一個月
3.我唔知你同咩人打交道. 但係我知道既全部都係管理員級別 或 同三管熟既人 你都有打過交道
測試組我相信唔難組 有幾難?
抽時間出黎睇哂意見我相信唔難
(假設學生 返學八個鍾 做功課當你三個鍾 食飯 溫書四個鍾 訓覺八個鍾 都重有一個鍾出黎玩電腦. 玩電腦既時間抽出半個鍾睇意見我相信並唔難.)
(假設在職人士 假設最長工時13個鍾 連埋食飯 行街 做下自己野 三個鍾 訓六-八個鍾 每日都可以抽到不少於15分鍾睇意見?)
4.貴為IPVE作者有一個版子開個貼子出黎. 或係你版入面開一個開區出黎我相信唔難. 有心爭取.加上有打交道. 何等難事
5.呢個問題我相信測圖組可以提供大量意見. 除非貴作者搵既測圖組做唔到呢個效果.
6.時間每人都只係得廿四小時 但我相信一個星期點到可以有一個鍾至兩個鍾時間可以俾大家聚埋一齊傾下地圖發展.
相信會俾意見貴作者既人士係信長界都唔會係一個短時間. 即唔會係小學_
一個星期148小時都分配唔好自己時間既. 我諗我都不便多言 都知道係咩事.
7.說到底都是時間跟經驗問題. 難道你做作者既時間都花哂係諗新野. 睇玩家意見?
你所講既打交道目的就只係做IPVE既作者. 並無同其他修改地圖既作者作任何地圖修改既交流?
作為一個成年人(本人) 再加上呢個世紀科技發達. 我相信一個星期至少點都可以分配到八至十個鍾既時間關心有關地圖事務
8.我唔討論你咁講假定唔假. 我都唔知你有冇責任心 但係要講到責任心又要賴落時間唔夠.
我相信你打得出咁大篇文. 都有一定既思考能力. 難道分配時間真係咁難嗎? 同第六點一樣 不便多言
9.以上並沒有任何問題. 但跟紅優11.2b相隔都至少有兩三年 眼見可以令到玩家提高實力既改動又有幾多
我都回住你咁多先.
我自己都三十個鍾未訓
有冇時間 其實睇自己願唔願意付出
以上9點只係回應你有關既問題
並無任何意思.
個人太累 諗唔到點在文中再抽水.
完。
