[Open]
[Close]
緣之空game&動畫 閱讀報告
由悠既立場開始睇 其實佢中後段一直都好自責
首先 自從佢老豆老母去左做生意
佢為左唔會失去埋穹就一意孤行咁 兩個人離開城市
都無咩問題 但當佢親戚再問戈陣 佢推遲回答親戚既要求
選擇左對自己最無壓力最輕鬆既答案 竟然無顧及到努力改變緊自己既穹
自己自私既行動 一直壓迫緊穹 令穹承受痛苦
仲有就係 佢戈頭接受左穹
但係感情同現實生活下 龍罩住佢地既只有不安同絕望
到關鍵時刻 將自己鎖埋係房 無視穹既哭訴 又令到穹孤單一人
明明想去守護呢段關係 結果踩過界 換來既反而係破裂
認為導致咁既下場 完全係自己在為兄長既失職
作為一個保護者 佢試圖背負起所有既野 但係又唔能夠做到
自己口裡說愛穹 卻無只要同穹一齊就可以去到天涯海角既勇氣
佢好討厭 自己呢種模0兩可同懦弱既態度 害到穹步入絕境
而對於穹黎講 悠就好似佢係醫院戈陣 只可以由個窗到望出去既天空一樣
穹既窗口只可以同悠連接 悠係穹既所有
但悠就好似出面戈個廣闊既天空咁 同外面更廣闊既世界相連
佢既世界仲有好多其他野背負住
穹就係發覺 自己一直 正係諗住佢地兩個
但無留意到 悠因為愛佢 又要守護住日常 夾住左係中間
一直以黎 悠代替佢承受痛苦 同時接受佢所有既思念
自己卻好似小朋友咁對悠撒嬌
認為對於悠黎講 佢係最大既包袱
令到悠陷入兩難既絕境 唔想再見到悠建立係痛苦上既笑容
抱著解放悠 只好自己消失既心態 選擇去自殺
所有野都係源於佢地真心相愛 但世界並唔容許
悠亦明白到如果完全唔理周圍既事 沉醉係兩個人既世界
的確可以話係愛既形式之一 但呢個愛一定係已經扭曲左
係呢個世上並唔可以單靠兩個人生存 人要係人群入面生活
生存落去 就要接受住其他人既想法 無得避
直到最後 因為穹清楚悠對水有陰影 所以選擇左係湖到自殺
悠亦都係追穹既途中遇溺 甚至想拉埋穹一齊死左去算
但因為悠下意識既一句"救救我"
穹有左"悠仍需要我.. 為了需要我的悠 我死掉的話是不行的"既諗法
之後穹救左悠
雙子明白到應該互相依賴 為左大家 雙方也必須要活下去
另外佢地兩個差d因為呢段愛情 拋棄左其他重要既關係
即係同其他朋友既友情
悠亦都因為差d失去左呢d寶貴既友情 而感到慚愧
係game入面 係有講到佢地既友誼之深 作為朋友點樣支持悠
第一個當然係奈緒
由被發現開始 唔單止無避開佢
反而一直幫佢解決困難 係悠最無助戈陣 帶來一絲既光明 為佢帶路
表明認同佢地既感情 但作為交換 唔可以兩個人私奔走左去
亦都講過好多重要既對白 例如
"比起後悔所做過的事情 還不如去考慮一下之後該怎麼辦"
仲有就係班長啦
雖然發現佢地關係接受唔到
但亦都無周圍爆出去
係穹失蹤戈陣 幫手周圍搵
而且因為自己唔能夠好似奈緒當時咁冷靜 反而向悠道歉
仲有就係亮平 一葉等
僅僅因為"穹唔見左" 咁簡單就即刻搏哂命去搵
明白佢地有自己既苦沖 無去過問
隻game真係好垃圾 不過由比奈緒同班長發現打後就幾出色
玩完game再睇第12集 我覺得改故仔都唔係問題
但呢到上面講戈d野 有9成係動畫入面都搵唔到
佢地兩個既情感完全表達唔到甚至有所偏差
搞到cheap哂 唔明點解佢唔跟住game做算
係要改咁多野 又唔係改得好喎
所以有興趣既話 不妨dl隻game落黎 半睇半飛到奈緒同班長發現戈到 開始睇 (其他真係好垃圾
