引用:
原帖由 小飛豬 於 2013-1-8 18:38 發表 
換個角度, 如果比賽是公平的, 有心的玩家,花一日時間出來打比賽, 相信是值得的.
哪怕人數再少, 如果可以維持落去,都是一件好事.
不是香港人怎好？這個問題,可以先不考慮,點解? 因為現在連香港人自己都搞吾好. 沒有 ...
[事先聲明 , 我唔係管理員fans , 只係持平發表意見]
小飛豬 , 我其實認為你對信7既態度無問題
因為我都深深了解香港人既劣根性係幾嚴重
見到vlan d post , 個個唔理乜都抽左水先 , 串左先 , 我都覺得好有問題
請槍 , 代打呢d , 其實有邏輯既人都知道難捉 , 但係果d明顯犯規(唔報到,出戰名單不一)既隊伍唔反省不特只 , 仲差開話題 , 最終又係搵管理員出氣
我睇得出管理團隊係有心搞信盃 , 其實我想係度講幾句鼓勵既說話
vlan 有好多人都係打字英雄 , 自己明明玩緊LOL都不忘黎vlan 插下人 , 串下人 , 搞到風氣好差
但係有品 , 正直既人其實大把 , 我有好多街場fd , 連vlan 論壇都未入過 , 因為佢地都知vlan論壇全部都係抽水post
樹大必有枯枝 , 相信你都知下一句係乜 , 所以唔好因為果d 唔理智既人而受影響
網吧比賽絕對有得諗 , 唔好因為果d家中戰神up幾句而退縮
有人話 , 網吧比賽可能超多人 !? 但事實又係咪真 ? 真正熱愛信長 , 肯出網吧交流 , 識下fd既人又有無打字英雄講果d " 打幾日都打唔晒 " ? 相信管理團隊都大概知道
而且 , 網吧比賽係絕對有必要既 , 因為氣氛 / 受歡迎程度 / 照片紀錄都係宣傳既因素黎
之前 , 唔知第幾屆 , 都曾經出過網吧打 , 係相入面見到 , 佢地唔單只係純實力取勝 , 而且仲維繫到一段段既友誼
網上比賽 , d無品既人左噴右噴 , 又用高科技 , 令唔少有品既人卻步
我到而加呢一刻為止都仲熱愛緊信長 , 我了解vlan 係一間牟利公司 , 但係信長無疑係值得投放更多心力去獲取客源 / 宣傳既投資品黎
另外 , 管理員可以搵多d 好既版主 , 整頓vlan 論壇風氣 , 我自問都算係忍得既人 , 平時打街場 / 內戰比人串我都無咩所謂 , 但係見到vlan 論壇粗口橫飛 , 下下抽水 , 高科技人士又係度侮辱人 , 我覺得新手無生存既空間 , 只會令更多人退出
唔好以為LOL 贏硬 , 其實係LOL 好 , 定係信長差呢 ? 我玩幾個月街場 , 可以無一次55完場 , 可以場場都有嘴炮文 , 可以場場都玩得唔開心 , 咁樣既game , 正常人係唔會再玩落去
如果你地認真想搞好隻game , 我可以再比多少少意見 , 例如限制同 IP 多帳 , 重設捉走場人士機制等等
雖然我既意見可能唔多岩你地 , 不過我認為管理團隊要知道玩家既心聲 , 而唔係同果d 唔理智既人鬥炮
佢地仲係咪玩緊信長都成問題 , 何必煩惱 ?
[
本帖最後由 珅熊基 於 2013-1-8 19:22 編輯 ]
