[Open]
[Close]
我見過的4種分手
曾經我都認為，分手一定係傷心收場的，不過見識過唔同的同學的經歷，我終於搵到以下分手的種類。
(1)和平分手
．和平、無暴力、無血無淚、平心靜氣咁同對方坦白分手
．通常都係雙方岩岩開始，唔係太熟，只係色左幾日果D
．又或者係雙方覺得對方性格不合，所以分手
．和平分手之後，通常都會做返普通朋友的
(2)流淚分手
．傷心、喊幾晚、打對方、甚至引發案件咁樣分手
．常見例子包括家人強烈反對，將雙方以兇猛或暴力方式將雙方強行分開，咁的話就算成功分手，雙方依然愛對方
．除左家人，身邊任何人(包括老師、上司或朋友)都可以照上述將之分開
．另外係單方面接受唔到對方而分手，但係對方仲愛自己，唔肯分手
．不過最嚴重係，「第三(或以上)者」，致命分手，例如女方見到男方同第2個女人上床，咁的話女方就會受到最嚴重的感情傷害，流淚必定
．流淚分手手之後，就算比你見返面都只會係唔識你甚至係仇人，簡直惡夢
(3)自然分手
．好似呼吸咁自然，無提過分手，隨著長時間無見面或者聯絡，同對方無左關係
．通常對方要出國讀書或者移民，就會消退左關係，最初可能會經常以電子方式聯絡對方，之後聯絡的次數會變得較疏
．大多數人久而久之就會自然分手，當然都有例外啦
．但係都有長時間無同對方見面/聯絡，而識左新的異性，咁就開始另一段感情，當然無通知過舊對方啦，因為可能通知唔到，又或者對方都有新對象
．自然分手之後再見返面，例如對方讀完書返返尼或者移民搬返尼，咁的話要睇你的感情淡到咩地步，有D真係會唔識對方；有D就仲係朋友，可能介紹埋雙方的異性；有D馬上抱抱/接吻，重新開始
(4)死亡分手
．因為各種死亡或者MIA而分手，咁當然無得提分手啦，唔通你係佢死果陣尖叫「分手」咩
．死亡分手包括對方患左絕症，自己陪著對方走埋人生最後的日子，然後見埋最後一面
．另外係對方因意外而死亡，例如車禍、撞船撞機、或者火災等等因素
．所以有人唔承認第4種係「分手」的，因為根本都無「分」過
講完，訓唔著打左咁多字，唔知仲有無第5種分手呢?
BTW，祝各位情侣情人節開開心心啦
[ 本帖最後由 spiker 於 2014-5-31 12:14 編輯 ]
