[Open]
[Close]
LOL Support
進入左S3(第3季)，好多野都已經唔同晒，當中改得最勁既係Mastery同物品。
我E+最鍾意的角色都係Support，可以幫到人，甚至救到人係一件美好的事。
~Support的前言~
一般打路尼講，以下事項都要注意︰
．別送人頭(簡單D講就係唔好死)
．食兵
．騷擾(偶然傷害敵人)
．殺英
．插眼(睇下河的草位有冇人尼Gank)
．留意小地圖(睇下敵人係邊度，然後紅叮黃叮尼警告敵人)
．警報(自己條路唔見左敵人，就叫MIA；或者自己條路多左敵人都要出聲)
下路的ADC和Support其實係分擔左2部份的工作︰
．別送人頭(30% ADC；70% Support)
(2者都要保護自己，Support更要特別留意和保護ADC的安全)
．食兵(100% ADC；0% Support)
(ADC需要所有兵以儘快出後期裝，Support則不需要)
．騷擾(80% ADC；20% Support)
(騷擾係ADC主要做的，Support就要係ADC追擊或走佬果陣先做)
．殺英(80% ADC；20% Support)
(殺英係ADC主要做的，Support就要係ADC追擊果陣先做)
．插眼(0% ADC；100% Support)
(ADC需要所有錢以儘快出後期裝，唔方便出眼浪費錢，所以就交比Support去做)
．留意小地圖(20% ADC；80% Support)
(2者都要時刻留意地圖睇下有冇人尼Gank，Support更要特別留意E點，見到有敵人接近ADC，就係咪都黃叮以警告ADC小心！)
．警報(0% ADC；100% Support)
(警報要額外用Keyboard去做，所以交比Support做好了)
一般而言，Support低火力低裝甲，所以主要負責保護、偵察或雜碎等工作，等全火力的ADC可以完全專心攻擊。
~Support的3大主要規則~
一．嚴禁食兵
．ADC需要大量的兵去賺最多的錢，等佢可以儘快出多D後期裝，所以每一隻兵都要比晒ADC，因此Support要做到0食兵，1隻兵都唔可以Ton落肚。
．一般尼講，食咁既兵代表佢係點樣的Support(唔計拆眼得尼)︰
0= 專業
1-3= 普通
4-9= 傻仔
10+ Report
二．插眼/拆眼
．插眼係草位、河位以防被Gank，同埋提早普攻出技打人。
．如果見到敵方插左眼，就要將佢拆走，以免比敵方見到你。
．點樣插眼先叫好？
-> 係開場2分鐘後，每3分鍾插2隻眼，1隻係草，1隻係河。
-> 插眼係草，用尼睇到草入面的對手英，如果兵線近自己，就插近自己的草；兵線近人地，就插近人地的草。
-> 插眼係河，用尼睇到對手Jungle過尼Gank，插草可防Gank，插遠D的河可以有更遠視野，視乎你鍾意。
-> 見到人插眼，就一隻紅眼插落去尼拆人地隻眼，當然小心人地隻紅眼啦。
-> 10分鐘後，係龍位插眼，一來有更遠視野，二來可以睇龍，插紅眼可以睇埋有冇人係附近插眼，安心食龍。
-> 20分鐘後，係你打杖位置附近插大量的眼，有幾多插幾多，務求有1個人工GPS，睇雲全天下，大量的眼如果係紅眼更好。
(對手Eve的話要插紅眼取代綠眼)
三．輔助隊友
．指直接幫助隊友。
．點樣輔助先叫好？
-> 見到隊友受傷，自己又有醫傷，應該第一時間去醫佢，唔理咩事都好。
-> 為隊友安裝正面Buff，提升戰鬥力。
-> 幫隊友走佬，可考慮希性自己以爭取時間。
-> 騷擾永遠係最後的決策，因為自己火力同防守力都好低，唔適宜咁做。
~符文~
我會咁樣帶︰
．紅色= 無所謂 (一般人出裝甲，提高生存率)
．黃色= 加錢 (搵錢來源)
．藍色= 固定減CD(加快出技密度)
．紫色= 加錢 (搵錢來源)
詳情︰
．紅色係集中攻擊力，而Support係唔攻擊的，所以
．黃色和紫色的加錢符一定要帶，Support唔比食兵仲要狂插眼，即代表無收入又高支出，咁聽落去係一件荒謬的事，無收入點支出呢？所以每一個加錢符都唔可以帶少，否則你一定唔夠錢洗。
．藍色用尼快D出技，尤其醫傷，短時間醫多D傷永遠對大家都係好事，咁你話唔帶減-CD符帶其他得唔得呢？可以的，無咁好姐。
~Mastery~
我會帶4/0/26。
．攻擊= 減4%CD
．通用= 加移速、減Spell CD、加錢、加經、減6%CD、探險眼
詳情︰
．Support天生低火力，低防守，所以集中係通用就可以發揮最高輔助效率
．4點花係攻擊，為左減10%CD，大幅增加出技密度
．其他通用都係為左輔助而設
．當中探險眼更免費送你一塊補HPMP的餅乾、一隻60秒眼睛，為早期帶來更耐戰場
~Spell~
一般人帶Exhaust和Flash。
．Exhaust= 可以控1人
．Flash= 走佬(尤其閃墻)
但係我會帶Heal和CV。
．Heal= 為隊友醫傷
．CV= 偵察草位、黑位、森林、Buff位等等
詳情︰
．當中CV係必帶，因為太好用，[60/54/43]秒就可以偵察1次，正！
．至於另一個Spell，我有機會帶Heal、Flash、Clarity、Exhaust，不過一般我會帶Heal，可以為隊友醫傷，多1點輔助能力。(S3新一季，Heal的醫隊友的分量比以前更多)
．用MP比較勁的英雄(例如Sona)，我會帶Clarity。
~出裝-開始~
一開波你會有[475/500/525]金，視乎你的Mastery︰
475金，我會買1個回魔符+2隻綠眼+1隻紅眼，剩20金。
500金，我會買1個回魔符+4隻綠眼，剩20金。
525金，我會買1個回魔符+4隻綠眼，剩45金。
我的選擇︰
我會簡475金或500金做開始，因為多25金可以買多1隻綠眼，但係再多25金就冇野可以買多，至於點簡就視乎我點玩，475金可以拆對手的眼(或者對付Eve)；500金可以用眼耐D。
點解唔出藥水？
．因為無作用，無論補HP定補MP都係。
點解525金唔出紅眼？
．因為無分別，475金果陣，你多50金都唔可以買多隻綠眼。
點解只出1個回魔符，唔出多個回血符，甚至唔出？
．咁係考慮到出眼的數目，每2隻眼可以安全戰鬥3分鐘，一般尼講戰鬥6分鐘多D，你的隊友就會Recall，所以我會帶3至4隻眼出街。
~出裝-戰場~
每次出門注意︰
．出到2件加錢裝之前，買加錢裝的零件，其餘的錢買晒綠眼，務求用最快的速度尋求收入來源。
．出到2件加錢裝之後，買5隻綠眼，其餘的錢買裝，務求插最多的眼去睇地圖。
(對手有Eve就出紅眼取代綠眼)
出裝次序︰
加錢石 > 加錢AP刀 > 鞋 > 眼石 > 機動隊長鞋 > 紅眼石 > 加錢冰杖 > 另外2件就睇下我玩咩英 > 皇冠
裝備說明︰
．機動隊長鞋-> 提升自己最大的移動速度，因為自己幾乎唔戰鬥，所以E對鞋係最適合的選擇。
．紅眼石-> 免費任插眼，仲可以加血，雖然1次只可插3隻綠眼。
．加錢冰杖-> 因為升左級都可以加錢，而且仲可以加快隊友回MP，同埋凍慢人，好正！
．皇冠-> 加快隊友移動速度，不過為左Keep住加錢，所以最後先出。
點解唔出減CD鞋？
．因為無必要，你其他裝都隨時爆CD，再講你需要移速多好多。
~總結~
我明白錢係人都想要，所以係人都有食兵的衝動，但係Support係嚴禁食兵，E點係人都知，所以Support係幾乎無收入的。
5.3金加錢符、2金加錢Mastery、2件5/4金加錢裝，你是但冇緊件都必定唔夠錢，咪忘記你要大量買眼插地圖啊，仲要上裝呢？如果對手係Eve，
或者好勁的隱形英，你洗錢會洗到喊上加喊。冇錢+等錢插眼上裝，D傻仔就會心魔病發，搵借口食兵，以騷擾敵將為理由去食兵(例如Soraka的1技、Taric的2技大技、Alistar的1技、Janna的1技、Sona的1技大技等等)，咁搞法想唔比人Report都唔得。
好多玩家都以打人殺人為樂，但係Support係避免攻擊，E點係人都知，所以有人話玩Support好Q悶，不過其實緊係唔係悶啦，只係D人搵唔到佢的樂趣姐。
好多傻仔都好主動，咁就累死街坊。有D Support主動去追擊敵將，但係ADC根本唔想追擊，咁Support就比人KO左，根住走去問候ADC；有D Support有醫傷唔用，留法力用尼搞人，咁樣係毫無輔助可言，傻仔1名；有D Support為左慳錢留錢出靚裝，連眼都唔買唔插，又係傻仔1名。以上各種行為都係好常見，簡直通街都係，所以希望大家唔好學。
最後講1句，作為Support的玩家，被動、淆底、保護意識，係必要的條件，只要你時刻諗住幫助隊友、人工全球衛星系統、以及克服貪婪，你就絕對係最好的Support，不用則疑，謝謝。
(做緊社工的玩家最適合玩Support)
[ 本帖最後由 spiker 於 2013-3-12 10:27 編輯 ]
