卍翼卍

利申︰從來未開過掛機圖

冇錯，掛機圖的確令人相當反感，少人入其他server自然想入多人d個個，但係又唔怪得啲掛機友。

換一換個角度去睇下，其實掛機圖嘅最終目的只係想係多人嘅server留番一個位，等自己唔洗撞，唔洗等。

呢個情況，vlan server 管理員有大部分責任。係server分配上出現左問題，當一個圖沉沒左（個人觀察例子有三國、三國火影、notd等等），已經可以講得上玩得都係懷舊圖嘅時候，係唔係應該將一啲原有網絡資源慢慢減少，放係其他server呢。

我有理由相信vlan可以開放比現時更多嘅網絡資源，一係你冇咁多資源，你點會有合作網巴呢，二係有server有256人上限，對番綜合區就係有16人嘅VIP位（個人推測）。

所以，係時候減少一部分冗贅server，將人數更加集中係其他多人嘅server，自然掛機嘅你可以繼續掛，但想玩嘅人自然唔會因為人數唔集中，導致一味係到等~寂寞到夜深~夜已漸荒涼~夜已漸灰暗~，減少對server嘅負荷之餘，都可以減少管理時間，管理員人數都可以減少（我係鼓勵緊vlan炒人呀，吹咩 ）。