[Open]
[Close]
如何驅趕煩人蟑螂(個人實戰經驗)
最近我發現夜晚凌晨時段開始有蟑螂入侵我屋企
以下係我累積得黎既經驗
蟑螂其實好難連根拔起,因為可能唔只有一巢, 就算放毒食滅左果巢,其他蟑一樣會黎搞你
重點係 我果邊D蟑似乎因為成日比人用黑旋風殺牠死之類噴
開始有少少抗藥性, 直接噴係蟑螂身上果陣冇秒殺效果, 甚至冇傷害
而係減綬蟑螂速度
我追住噴左5~6秒 佢先開始背隻向地, 但係唔代表佢死左, 佢隻手腳觸鬚依然以極快速度掙扎緊
絲毫唔似比殺蟲藥噴過, 而且係呢個時候隻蟑螂眼開始東張西望
我係蹲係到觀察緊隻蟑螂 , 因為我份人好奇 見到有新野唔識就會好想觀察多D
望望下, 佢發現左我, 就定住眼神望住我 我同佢兩目相對
然而我記得一個動物溝通學家講過 你望緊佢既時候 你腦裡面好明顯諗既野, 會比佢知道
就好似你要送寵物狗離開果陣, 隻狗好似知道你唔要佢咁, 會特別緊張
所以係呢個時候兩目相對 我個腦就好大力咁諗(姐係諗到心裡面有把聲咁)
: 點解要黎搞凡屋企? 今次係你逼我出手的
之後隻蟑螂好似知道咁, 慢慢停止左掙扎, 但係觸鬚仲依然係以極慢速度郁緊
呢個時候我遇到一個難題, 點樣將隻蟑螂清除? 如果太大力會整爆D汁出黎搞到地方污糟晒
捉腳又驚斷, 到最後我突然間接收左一個訊息, 係類似直覺之類
我就照住果個意思, 拎張紙塾住隻手 然後捉住隻蟑螂頭上面其中一邊觸鬚
發現原來觸鬚係唔會斷的, 亦唔會因為太大力而整斷/爆汁, 之後掟左落廁所
掟左落去我見到隻蟑開始生猛返, 但係我冇即刻沖廁, 我突然有少少尿意...所以........
之後連蟑帶尿一次搞掂
以上係真故事黎, 但唔係個POST既重點
以下先係重點
1.蟑螂係夜晚先會出黎, 所以記住記住 見到蟑螂唔好心急/驚慌開燈
你一開燈就會嚇到佢周圍呢埋 到時仲麻煩過火腿炒飯
2.唔好以為蟑螂好似其他昆蟲咁怕水, 水攻係冇用既,火攻亦太慢, 跟唔上蟑螂速度, 除非你藝高人膽大一把火燒晒成間屋就唔同講法
而且唔好諗住以物理攻擊黎擊殺, 一來用物理攻擊擊殺會導致爆汁粘液, 難以清潔
二來, 蟑螂同人一樣, 有反應快亦有反應慢, 萬一你遇到隻反應快既, 迅速避開左你既攻擊然後周圍呢埋
你就大檸樂了
3.提起蟑螂既話要先拎起紙巾, 因為好多細菌, 記住係捉觸鬚, 因為捉手腳容易斷 , 甚至反抗爬上你隻手
4.用殺蟲水千祈千祈唔好玩大包圍
我D鄰居C9可能就係弱弱智智咁周圍噴 噴完又唔理以為隻蟑自己會死
其實並唔會死, 隻蟑被殺蟲噴霧局親之後會背隻向地暈暈下, 並唔會死
如果你唔理佢, 佢醒返就會走, 之後生出黎果D蟑仔就會抗藥性, 到時真係多得你唔少
所以記住, 要確實咁對準蟑螂黎噴, 噴完要親眼睇住佢, 同埋親手處理屍體
5.最好係蟑螂失去行動能力既時候同佢眼神交流, 話佢知呢一個地方唔係佢應該黎
同埋記住處理好D食物 , 用有蓋垃圾桶係唔足夠既, 要臨訓前將垃圾袋都換埋先夠保險
6.如果屋企冇晒黑旋風, 可以用碧麗珠/清潔劑之類既野黎噴蟑, 一樣達到牽制效果 (已實驗)
7.網上睇有D坊間方法驅蟑
肥皂水/ 硫磺 已證實WORK
8. 秘密武器 旺旺防潮劑
呢個我獨家發明
食完旺旺/什麼乾質食品通常會有包防潮劑
拎黎直接灑蟑螂會有牽制/擊殺效果 拎黎灑係道通亦有阻隔效果
已實驗WORK
[ 本帖最後由 伊賀小太郎 於 2013-6-2 20:25 編輯 ]
